កីឡា

Devin Haney ជិតវិលចូលសង្វៀនវិញ ក្រោយស្ងាត់មួយរយៈ

បានផុស

១ នាទី មុន

នៅ

ថ្ងៃព្រហស្បតិ៍ ១៥ សីហា ២០២៤

ដោយ

អ្នកប្រដាល់សកល Devin Haney កំពុងអន្ទះសារក្នុងការឡើងសង្វៀនសាជាថ្មី ក្រោយជួបបញ្ហាចម្រូចម្រាសក្នុងការប្រកួតជាមួយកីឡាករ Ryan Garcia កាលពីថ្ងៃទី២០ ខែមេសា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតរបស់កីឡាករ Ryan Garcia ជាមួយ Devin Haney ត្រូវបានគេសន្មត់ថាជាការប្រកួតមានការចាប់អារម្មណ៍ច្រើនបំផុតនៅឆ្នាំ២០២៤ ប៉ុន្ដែវាបានបញ្ចប់ទៅដោយរឿងរ៉ាវមិនសមហេតុផល។ ការប្រកួតចាយពេលអស់១២ទឹកកីឡាករ Garcia បានធ្វើឲ្យ Haney ដួលជាជាច្រើនលើក ហើយ Garcia ឈ្នះបានពិន្ទុអំឡុងពេលនោះ។

ទោះបីជាយ៉ាងណា ក្រោយការធ្វើតេស្តសារធាតុហាមឃាត់បរាជ័យរវាង Ryan Garcia និង Devin Haney បានប្រែក្លាយជាការប្រកួតមិនប្រកាសលទ្ធផលទៅវិញ។ កីឡាករ Haney បានខកចិត្តជាខ្លាំង។ អ្នកគាំទ្រមួយចំនួនជឿថានេះជាមូលហេតុធ្វើឲ្យរូបគេបាត់មុខពីបណ្ដាយទំនាក់ទំនងសង្គម។ ប៉ុន្ដែថ្មីៗនេះកីឡាករ Haney បានបង្កភាពភ្ញាក់ផ្អើលពាក់ព័ន្ធនឹងការវិលចូលសង្វៀនជាថ្មី។

កីឡាករ Devin Haney បានបង្ហោះក្នុងបណ្ដាញសង្គមថា ៖«ការប្រកួតវាមិនដូចមុនទេ ដល់ពេលខ្ញុំត្រឡប់មកវិញហើយ»។ លោកបានទាក់ទងជាមួយអ្នកផ្សព្វផ្សាយអារ៉ាប៊ីសាអូឌីត លោក Turki Alalshikh ដោយនិយាយាថា ជួបគ្នាឆាប់ៗ។ នោះមានន័យថា ការប្រកួតដ៏ធំមួយទំនងជានឹងកើតមានក្នុងពេលខាងមុខនេះ។

ត្រឡប់ទៅកាលពីចុងខែឧសភា លោក Eddie Hearn អ្នកផ្សព្វផ្សាយកីឡាជនជាតិអង់គ្លេស និងជាប្រធានក្រុមហ៊ុន Matchroom Sport និង Professional Darts Corporation ធ្លាប់បាននិយាយថា Devin Haney អាចនឹងប្រកួតជាមួយកីឡាករ Sandor Martin ក្នុងការប្រកួតស្ថាប័ន WBC៕

ប្រែសម្រួល៖ ផា រតនា