កីឡា
កីឡា១២ប្រភេទចាប់ប្រកួតថ្ងៃនេះ ក្នុងកីឡាជាតិ និងកីឡាជាតិជនពិការ ឆ្នាំ២០២៤
កីឡាជាតិ លើកទី៤ និងកីឡាជាតិជនពិការ លើកទី២ ឆ្នាំ២០២៤ នឹងបើកជាផ្លូវការនៅថ្ងៃទី៣០ ខែតុលា នៅពហុកីឡដ្ឋានជាតិអូឡាំពិកក្រោមអធិបតីភាពដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត។
តាមសេចក្តីប្រកាសរបស់ក្រសួងអប់រំ យុវជន និងកីឡា និងគណៈកម្មាធិការជាតិអូឡាំពិកកម្ពុជាបង្ហាញថា កីឡាជាតិ លើកទី៤ មានកីឡាចំនួន៣៦ប្រភេទ និងកីឡាជាតិជនពិការ លើកទី២ មានកីឡា១៣ប្រភេទ។ កីឡាមួយចំនួនត្រូវចំណាយពេលច្រើនថ្ងៃក្នុងការប្រកួត ដូច្នេះកីឡាខ្លះត្រូវប្រកួតមុនពិធីបើកជាផ្លូវការ។
ខាងក្រោមជាកីឡាចំនួន១២ប្រភេទដែលចាប់ផ្តើមដំណើរការប្រកួតពីថ្ងៃទី២៩ ខែតុលា ឆ្នាំ២០២៤។
កីឡាជាតិ លើកទី៤
- បាល់ទាត់ ចាប់ពីថ្ងៃទី២៩ ខែតុលា ដល់ទី៨ ខែវិច្ឆិកា នៅវិទ្យាស្ថានជាតិអប់រំ កាយ និងកីឡា, វិទ្យាល័យបឹងកេងកង វិទ្យាល័យបឹងត្របែក ជ្រោយចង្វារ និងវិទ្យាល័យច្បារអំពៅ។
- បាល់ទះ ចាប់ពីថ្ងៃទី២៩ ខែតុលា ដល់ទី៨ ខែវិច្ឆិកា នៅពហុកីឡដ្ឋានជាតិអូឡាំពិក វិទ្យាល័យវត្តកោះ វិទ្យាស្ថានជាតិអប់រំកាយ និងកីឡា។
- បាល់បោះ ចាប់ពីថ្ងៃទី២៩ ខែតុលា ដល់ថ្ងៃទី៥ ខែវិច្ឆិកា នៅមជ្ឈមណ្ឌលហ្វឺកហ្វឺនជាតិ ក្រោយអគារ NOCC និងទីលានបាល់បោះខាងក្រៅវិមានពហុកីឡដ្ឋានជាតិអូឡាំពិក។
- ចំបាប់ ចាប់ពីថ្ងៃទី២៩ ខែតុលា ដល់ទី១ ខែវិច្ឆិកា នៅសាលដំបូលទូក ក្នុងពហុកីឡដ្ឋានជាតិអូឡាំពិក។
- វាយកូនបាល់ ចាប់ពីថ្ងៃទី២៩ ខែតុលា ដល់ទី២ ខែវិច្ឆិកា នៅទីលានវាយកូនបាល់ ក្នុងពហុកីឡដ្ឋានជាតិអូឡាំពិក។
- សីដក់ ចាប់ពីថ្ងៃទី២៩ ខែតុលា ដល់ទី២ ខែវិច្ឆិកា នៅពហុកីឡដ្ឋានជាតិមរតកតេជោ។
- ហុកគី ចាប់ពីថ្ងៃទី២៩ ខែតុលា ដល់ទី២ ខែវិច្ឆិកា នៅសាលរោងដំរី ក្នុងពហុកីឡដ្ឋានជាតិមរតកតេជោ។
- ជឺជីតស៊ូ ចាប់ពីថ្ងៃទី២៩ ខែតុលា ដល់ទី១ ខែវិច្ឆិកា នៅវិទ្យាស្ថានជាតិអប់រំកាយ និងកីឡា។
- អុកចត្រង្គ ចាប់ពីថ្ងៃទី២៩ ខែតុលា ដល់ទី១ ខែវិច្ឆិកា នៅទីស្នាក់ការនៃគណៈកម្មាធិការជាតិអូឡាំពិកកម្ពុជា។
- វ៉ូវីណាម ចាប់ពីថ្ងៃទី២៩ ខែតុលា ដល់ទី២ ខែវិច្ឆិកា នៅអគារ សសយក រាជធានីភ្នំបេញ។
កីឡាជាតិជនពិការ លើកទី២
- លើកទម្ងន់ជនពិការ ចាប់ពីថ្ងៃទី២៩ ខែតុលា ដល់ទី៣១ ខែតុលា នៅមជ្ឈមណ្ឌលជាតិ នៃជនពិការតេជោសែន។
- អេឡិចត្រូនិកជនពិការ ចាប់ពីថ្ងៃទី២៩ ខែតុលា ដល់ទី៧ ខែវិច្ឆិកា នៅភូមិទួលរកា៣ សង្កាត់ចង្រែក្រោម ខ័ណ្ឌមានជ័យ រាជធានីភ្នំពេញ។
អត្ថបទ៖ វីរបុត្រ
-
ព័ត៌មានជាតិ៦ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៦ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានអន្ដរជាតិ៧ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
ព័ត៌មានជាតិ៦ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ៣ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សន្តិសុខសង្គម៥ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
សេដ្ឋកិច្ច២ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស