កីឡា
លោក Conor Nester ដឹកនាំបឹងកេត ប៉ះ ក្រុមចាស់របស់លោកម៉ោង៧យប់នេះ
លោក Conor Nester ត្រូវដឹកនាំក្លិបបឹងកេតតទល់នឹងក្រុមចាស់របស់លោកគឺ ព្រះខ័នរាជស្វាយរៀង វេលាម៉ោង៧យប់ ថ្ងៃទី៦ ខែវិច្ឆិកានេះ នៅពហុកីឡដ្ឋានជាតិអូឡាំពិក សម្រាប់ការប្រកួតបង្ក្រប់សប្តាហ៍ទី៦ ខេមបូឌានព្រីមៀរលីគរដូវកាល២០២៤-២៥។
នេះជាលើកដំបូងហើយដែលលោក Conor Nester ដឹកនាំបឹងកេតតទល់ជាមួយ ព្រះខ័នរាជស្វាយរៀង បន្ទាប់ពីលោកបានវិលត្រឡប់មកទឹកដីកម្ពុជាវិញ ប៉ុន្តែលោកបានដឹកនាំបឹងកេតជាច្រើនប្រកួតហើយ។ ៤ប្រកួតក្រោមការដឹកនាំរបស់លោកគឺស្មើអង្គរថាយហ្គឺរ ០-០, ឈ្នះ ទីហ្វី អាមី ៥-២, ស្មើ អាយអេសអាយ ដង្កោសែនជ័យ ៤-៤ និងចុងក្រោយចាញ់ វិសាខា ០-១។
បច្ចុប្បន្ន ព្រះខ័នរាជស្វាយរៀង មាន១៥ពិន្ទុ ឈរលេខ៥ បន្ទាប់ពីឆ្លងកាត់៧ប្រកួតគឺឈ្នះ៥ និងចាញ់២ ខណៈបឹងកេត មាន១៤ពិន្ទុ ឈរលេខ៦ បន្ទាប់ពីឆ្លងកាត់៩ប្រកួតគឺឈ្នះ៤ ស្មើ២ និងចាញ់៣ ដូច្នេះនេះជាការប្រកួតលើកទី៨ របស់ព្រះខ័នរាជស្វាយរៀង ប៉ុន្តែជាការប្រកួតលើកទី១០ របស់បឹងកេត។
ក្រុមទាំងពីរមានប្រវត្តិជួបគ្នា១២លើកក្នុងនោះ ព្រះខ័នរាជស្វាយរៀង ឈ្នះ៥លើក បឹងកេត ឈ្នះ៣លើក និងស្មើគ្នា៤លើក។
សូមបញ្ជាក់ថា លោក Conor Nester បានចាកចេញពីព្រះខ័នរាជស្វាយរៀង កាលពីដើមរដូវកាលមុនជំនួសដោយលោក Josep Muñoz ដែលបានជួយក្លិបនៅខេត្តស្វាយរៀងបានឈ្នះជើង២ក្នុង១រដូវកាលគឺ ខេមបូឌានព្រីមៀរលីគ និងពានរង្វាន់សម្តេចតេជោ ហ៊ុន សែន៕
អត្ថបទ៖ វីរបុត្រ
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៧ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង