ត្បូងឃ្មុំ ប៉ះ កំពង់ចាម វគ្គផ្ដាច់ព្រ័ត្រ ពានសម្តេច​តេជោ ថ្នាក់​ខេត្ត

ការ​ប្រកួត​បាល់ទាត់់​ពាន​រង្វាន់​សម្តេចអគ្គមហាសេនាបតីតេជោ ហ៊ុន សែន ថ្នាក់ខេត្ត​ លើកទី១៨ ឆ្នាំ​២០២៤​ រក​ឃើញ​ក្រុម​ឡើង​វគ្គ​ផ្តាច់​ព្រ័ត្រ​ហើយ។

ក្រោយបញ្ចប់ការប្រកួតទាំង២ជើងក្នុង​វគ្គ​ពាក់​កណ្តាល​ផ្តាច់​ព្រ័ត្រ​ ក្រុមខេត្តកំពង់ចាម ត្រូវជួបគ្នាជាក្រុម​ខេត្តត្បូងឃ្មុំ ជាថ្មីម្ដងទៀត ក្នុង​វគ្គផ្ដាច់ព្រ័ត្រ ពានរង្វាន់​សម្តេចអគ្គមហាសេនាបតីតេជោ ហ៊ុន សែន ថ្នាក់ខេត្ត​ លើកទី១៨ ឆ្នាំ​២០២៤។

ក្រុមទាំង២ធ្លាប់ជួបគ្នាម្តង​ហើយ​វគ្គ​ផ្តាច់​ព្រ័ត្រ​ ថ្នាក់​ខេត្ត​ កាលពី​ឆ្នាំ​២០២៣ ដែល​ពេល​នោះ ក្រុមខេត្តកំពង់ចាម បានយកឈ្នះក្រុមខេត្តត្បូងឃ្មុំ ដោយ​លទ្ធផល ២-០។

លទ្ធផលការប្រកួតសរុបទាំង២ជើងវគ្គ​ពាក់​កណ្តាល​ផ្តាច់​ព្រ័ត្រ​

• ក្រុម​ខេត្តត្បូងឃ្មុំ ២-០ ក្រុម​បាល់ទាត់ឡាយអុិនឃីង
• ក្រុមខេត្តកំពង់ចាម ៦-៣ សមាគមកីឡាបាល់ទាត់ខេត្តកែប

អត្ថបទ៖ ផា រតនា