កីឡា

លោក Ronaldo ឈរឈ្មោះប្រជែងប្រធានសហព័ន្ធបាល់ទាត់ប្រេស៊ីល

បានផុស

២ years មុន

នៅ

ថ្ងៃអង្គារ ១៧ ធ្នូ ២០២៤

ដោយ

អតីតកីឡាករបាល់ទាត់ប្រេសុីលដ៏ឆ្នើម លោក Ronaldo បានក្លាយជាបេក្ខភាពឈរឈ្មោះក្នុងការប្រជែងតំណែងប្រធានសហព័ន្ធកីឡាបាល់ទាត់ប្រេស៊ីល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Ronaldo មានបំណងវិលត្រឡប់មកកាន់ការងារជាមួយក្រុមជម្រើសជាតិវិញ បន្ទាប់ពីកាន់តំណែងជាម្ចាស់ក្លិប Cruzeiro។ លោកបានបង្ហាញពីចេតនាធ្វើជាប្រធានសហព័ន្ធបាល់ទាត់ប្រេស៊ីល។ លោក និងប្រធានក្លិបបាល់ទាត់ Valladolid ជាបេក្ខភាពប្រជែងគ្នាដើម្បីស្នងតំណែងបន្តពីលោក Ednaldo Rodrigues ដែលជាប្រធានសហព័ន្ធបាល់ទាត់ប្រេស៊ីលបច្ចុប្បន្ន។

ការបោះឆ្នោតជ្រើសរើសប្រធានសហព័ន្ធកីឡាបាល់ទាត់ប្រេស៊ីលថ្មី ត្រូវបានគេរំពឹងថា នឹងប្រព្រឹត្តទៅចន្លោះខែមីនា ឆ្នាំ២០២៥ និងខែមីនា ឆ្នាំ២០២៦ (កាលបរិច្ឆេទជាក់លាក់មិនទាន់ត្រូវបានកំណត់ច្បាស់)។ ទោះបីជាយ៉ាងណា ដំណើរការបោះឆ្នោតបច្ចុប្បន្នកំពុងបើកចំហ ហើយលោក Ronaldo ទំនងជាទទួលបានការការគាំទ្រច្រើន។

«ខ្ញុំមានកម្លាំងចិត្តរាប់រយ តែអ្វីដែលធំជាងគេគឺការត្រឡប់ចូលរួមជាមួយក្រុមបាល់ទាត់ប្រេស៊ីលវិញ។ អ្វីដែលកើតឡើងញឹកញាប់បំផុតគឺមនុស្សមួយចំនួនចង់បញ្ឈប់ខ្ញុំ ប៉ុន្តែមួយចំនួនស្នើឲ្យខ្ញុំត្រឡប់មកវិញ ពីព្រោះស្ថានភាពបាល់ទាត់ប្រេសុីលបច្ចុប្បន្នមិនល្អទេ»។ Ronaldo បាននិយាយក្នុងបទសម្ភាសន៍មួយ។

ចំពោះបញ្ហាប្រឈមរបស់ក្រុមជម្រើសជាតិប្រេស៊ីល លោក Ronaldo ចង់ដោះស្រាយបញ្ហាទាំងអស់ជុំវិញប្រតិទិននៃការប្រកួតបាល់ទាត់នៅក្នុងប្រទេសឲ្យបានល្អ។ រឿងនេះបានក្លាយជាបញ្ហាប្រឈម ដោយសារការមិនចុះសម្រុងគ្នារវាងក្លិប និងសហព័ន្ធ ដូចករណីមុនព្រឹត្តិការណ៍ Copa America ឆ្នាំ២០២៤ ជាឧទាហរណ៍៕