កីឡា
លោក Ronaldo ឈរឈ្មោះប្រជែងប្រធានសហព័ន្ធបាល់ទាត់ប្រេស៊ីល
អតីតកីឡាករបាល់ទាត់ប្រេសុីលដ៏ឆ្នើម លោក Ronaldo បានក្លាយជាបេក្ខភាពឈរឈ្មោះក្នុងការប្រជែងតំណែងប្រធានសហព័ន្ធកីឡាបាល់ទាត់ប្រេស៊ីល។
លោក Ronaldo មានបំណងវិលត្រឡប់មកកាន់ការងារជាមួយក្រុមជម្រើសជាតិវិញ បន្ទាប់ពីកាន់តំណែងជាម្ចាស់ក្លិប Cruzeiro។ លោកបានបង្ហាញពីចេតនាធ្វើជាប្រធានសហព័ន្ធបាល់ទាត់ប្រេស៊ីល។ លោក និងប្រធានក្លិបបាល់ទាត់ Valladolid ជាបេក្ខភាពប្រជែងគ្នាដើម្បីស្នងតំណែងបន្តពីលោក Ednaldo Rodrigues ដែលជាប្រធានសហព័ន្ធបាល់ទាត់ប្រេស៊ីលបច្ចុប្បន្ន។
ការបោះឆ្នោតជ្រើសរើសប្រធានសហព័ន្ធកីឡាបាល់ទាត់ប្រេស៊ីលថ្មី ត្រូវបានគេរំពឹងថា នឹងប្រព្រឹត្តទៅចន្លោះខែមីនា ឆ្នាំ២០២៥ និងខែមីនា ឆ្នាំ២០២៦ (កាលបរិច្ឆេទជាក់លាក់មិនទាន់ត្រូវបានកំណត់ច្បាស់)។ ទោះបីជាយ៉ាងណា ដំណើរការបោះឆ្នោតបច្ចុប្បន្នកំពុងបើកចំហ ហើយលោក Ronaldo ទំនងជាទទួលបានការការគាំទ្រច្រើន។
«ខ្ញុំមានកម្លាំងចិត្តរាប់រយ តែអ្វីដែលធំជាងគេគឺការត្រឡប់ចូលរួមជាមួយក្រុមបាល់ទាត់ប្រេស៊ីលវិញ។ អ្វីដែលកើតឡើងញឹកញាប់បំផុតគឺមនុស្សមួយចំនួនចង់បញ្ឈប់ខ្ញុំ ប៉ុន្តែមួយចំនួនស្នើឲ្យខ្ញុំត្រឡប់មកវិញ ពីព្រោះស្ថានភាពបាល់ទាត់ប្រេសុីលបច្ចុប្បន្នមិនល្អទេ»។ Ronaldo បាននិយាយក្នុងបទសម្ភាសន៍មួយ។
ចំពោះបញ្ហាប្រឈមរបស់ក្រុមជម្រើសជាតិប្រេស៊ីល លោក Ronaldo ចង់ដោះស្រាយបញ្ហាទាំងអស់ជុំវិញប្រតិទិននៃការប្រកួតបាល់ទាត់នៅក្នុងប្រទេសឲ្យបានល្អ។ រឿងនេះបានក្លាយជាបញ្ហាប្រឈម ដោយសារការមិនចុះសម្រុងគ្នារវាងក្លិប និងសហព័ន្ធ ដូចករណីមុនព្រឹត្តិការណ៍ Copa America ឆ្នាំ២០២៤ ជាឧទាហរណ៍៕
ប្រែសម្រួល៖ ផា រតនា
-
ព័ត៌មានជាតិ១ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៧ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១១ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៥ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ