កីឡា
Atalanta ហួសចិត្ត ខឹងមិនស្ទើរទេ បណ្តើរបាល់ដល់មុខទី Real ស្រាប់តែអាជ្ញាកណ្តាលផ្លុំកញ្ចែបញ្ឈប់
ក្រុម Atalanta បានធ្លាក់ចេញពី Champions League ត្រឹមវគ្គ១៦ក្រុមចុងក្រោយ បន្ទាប់ពីចាញ់ Real Madrid ជើងទី២ដោយលទ្ធផល ៣-១ កាលពីយប់មិញ ដែលសរុបទាំងពីរជើងដោយលទ្ធផល ៤-១។
ប៉ុន្តែក្នុងការប្រកួតយប់មិញមានរឿងចម្រូងចម្រាសកើតមានឡើងដែលធ្វើឲ្យក្រុមមកពីប្រទេសអ៊ីតាលី និងអ្នកគាំទ្ររបស់ខ្លួនទូទាំងពិភពលោកខឹងសម្បារមិនស្ទើរទេ នៅពេលអាជ្ញាកណ្តាលបានផ្លុំកញ្ចែបញ្ឈប់ការប្រកួតវគ្គទី១នៅពេលកីឡាករ Atalanta បានបណ្តើរបាល់ទៅដល់តំបន់គ្រោះថ្នាក់ត្រៀមនឹងស៊ុតទៅវិញហើយ។
រឿងនេះបានកើតមានឡើងនៅចុងវគ្គទី១នៅពេលខ្សែប្រយុទ្ធ Luis Muriel ទទួលបានបាល់ពីមិត្តរួមក្រុម ហើយបណ្តើរចូលទៅតំបន់គ្រោះថ្នាក់របស់ Real Madrid នៅនាទី៤៥ និង៥៩វិនាទី ក៏ស្រាប់តែអាជ្ញាកណ្តាលលោក Danny Makkelie ផ្លុំកញ្ចែបញ្ឈប់ការប្រកួតតែម្តង។
ប្រការនេះហើយដែលធ្វើឲ្យក្រុមមកពីអ៊ីតាលី និងអ្នកគាំទ្រខឹងសម្បារយ៉ាងខ្លាំង ខណៈនៅតែមួយឬពីរវិនាទីកីឡាករ Luis Muriel នឹងស៊ុតទៅហើយ ពីព្រោះនៅវគ្គទី១នេះ Reald Madrid ទើបតែនាំមុខ ១-០ ប៉ុណ្ណោះ ដូច្នេះបើ Atalanta អាចស៊ុតបានសម្រេចតាមស្មើនោះច្បាស់ជាមានកម្លាំងចិត្តនៅវគ្គទី២។
នៅវគ្គទី២ Real Madrid រកគ្រាប់បាល់បន្ថែមបាន២គ្រាប់ទៀត ខណៈ Atalanta រកបាន១គ្រាប់ ដើម្បីបញ្ឈប់ដោយលទ្ធផល ៣-១ ប៉ុន្តែបើសរុបទាំងពីរជើងដោយលទ្ធផល ៤-១ បន្ទាប់ពីជើងទី១ Real Madrid ឈ្នះ ១-០ នៅទឹកដីអ៊ីតាលី។
គិតត្រឹមយប់មិញនេះ Real Madrid បានឡើងទៅវគ្គ៨ក្រុមចុងក្រោយជាមួយក្រុមអង់គ្លេស Manchester City ដែលបានយកឈ្នះក្រុម Borussia Monchengladbach ដោយលទ្ធផល ២-០ ដែលសរុបទាំងពីរជើងដោយលទ្ធផលតដៃមិនរួច ៤-០ បន្ទាប់ពីជើងទី១ឈ្នះ ២-០ ដែរ៕
អត្ថបទ៖ វីរបុត្រ
ប្រភពរូប៖ Dailymail
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
សន្តិសុខសង្គម១ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង