កីឡា

ភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ

បានផុស

១ year មុន

នៅ

ថ្ងៃព្រហស្បតិ៍ ១៦ មករា ២០២៥

ដោយ

លោកស្រី សាំង សុម៉ាលី បានបដិសេធរាល់ព័ត៌មាន និងការផ្សព្វផ្សាយទាំងឡាយណាដែលលើកឡើងពី លោកគ្រូ អេ ភូថង ដែលចង់ឈរឈ្មោះប្រជែងតំណែងប្រធានសហព័ន្ធកីឡាប្រដាល់គុនខ្មែរអាណត្តិថ្មី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចេញមុខបដិសេធរបស់លោកស្រី សាំង សុម៉ាលី បន្ទាប់ពីមានផេកខ្លះផ្សព្វផ្សាយពីលោកគ្រូ អេ ភូថង មានបំណងចង់ឈរឈ្មោះដើម្បីបោះឆ្នោតប្រជែងតួនាទីជាប្រធានសហព័ន្ធកីឡាប្រដាល់គុនខ្មែរដែលជិតផុតអាណត្តិ។

លោកស្រីបានរៀបរាប់លើគណនី Facebook ផ្ទាល់ខ្លួនថា ៖«ផេកមួយចំនួនកុំដោយសារប្រយោជន៍ផ្ទាល់ខ្លួននិយាយមិនពិតយល់។ ប្ដីខ្ញុំបាននិយាយពេលណាម៉ោងណាថាចង់ឈរឈ្មោះជាប្រធានសហព័ន្ធនោះ។ អ្នកណាចង់ធ្វើធ្វើទៅកុំយកឈ្មោះគាត់ទៅលាបពណ៌ចឹង។លោកសុំតាម៉ារស់ទេ សុំតាម៉ាសុខទេយល់។ គាត់សាងគុនខ្មែរមកតាំងពីគេមិនទាន់ស្គាល់រហូតដល់គេស្គាល់ច្រើន។ គាត់គ្មានចង់បានអីទេចង់ឲ្យតាគុនខ្មែរដែលជារបស់ខ្មែរនឹងវានៅគង់វង្សយូអង្វែងតដល់កូនចៅរបស់ខ្ញុំថា តាវាបានសាងគុនខ្មែរទុកអោយចៅៗស្គាល់។ ប្ដីខ្ញុំឈឺរាល់ថ្ងៃម៉ាថ្ងៃកាត់ម៉ាថ្ងៃកោទេ ចា៎សុំម៉ារស់ម៉ាសុខ។ ជាចុងក្រោយសូមអោយហ្វែនៗសុខភាពល្អសំណាងល្អគ្រប់ក្រុមគ្រួសារ»។

បច្ចុប្បន្ននេះ សុខភាពរបស់លោកគ្រូ អេ ភូថង មិនសូវល្អប្រសើរទេ។ លោកមានជំងឺជាប្រចាំកាយហើយ ត្រូវខំប្រឹងបង្វឹកបង្ហាត់ដល់កូនសិស្សជាច្រើនទៀត។

លោក ខូវ ឆាយ ត្រូវបានឡើងជាប្រធានសហព័ន្ធគុនខ្មែរ កាលពីខែមីនា ឆ្នាំ២០២៤ ដែលជាឆ្នាំចុងក្រោយនៃអាណត្តិទី៧ បន្តពីលោក តែម ម៉ឺន ដែលបានលាឈប់ពីតួនាទី និងធ្វើជាប្រធានកិត្តិយស។ ២០២៥គឺជាឆ្នាំចុងក្រោយនៃអាណត្តិទី៧ ដែលត្រូវបោះឆ្នោតជ្រើសប្រធាន និងគណៈកម្មការប្រតិបត្តិថ្មីសម្រាប់អាណត្តិទី៨៕