កីឡា

ឡៅ ស៊ីណាត ចំណុចទាំងនេះដែលលោកត្រូវបំពេញចំពោះ ចន្ទ្រា និង ចិត្រា មុនទៅអាមេរិក

បានផុស

១ year មុន

នៅ

ថ្ងៃអង្គារ ២០ ឧសភា ២០២៥

ដោយ

លោក ឡៅ ស៊ីណាត អតីតអ្នកប្រដាល់ល្បីឈ្មោះនៅកម្ពុជា និងជាបងប្រុសបង្កើតរបស់ ឡៅ ចន្ទ្រា និង ឡៅ ចិត្រា ថានឹងបុកហ្វឹកហាត់ដល់ប្អូនប្រុសទាំងពីរឲ្យខ្លាំងជាងមុនពិសេសនោះគឺហាត់យកល្បឿនមុនចេញទៅសហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឡៅ ស៊ីណាត និងប្អូនៗ

លោក ឡៅ ស៊ីណាត បានឲ្យដឹងថា លោកនឹងហៅ ចន្ទ្រា ឲ្យមកហ្វឹកហាត់ជាមួយលោកនៅក្នុងក្រុមជម្រើសជាតិឯស្តាតចាសដើម្បីងាយស្រួលដល់លោកជួយពង្រឹងចំណុចខ្វះខាតនានា ព្រោះកាន់តែកៀកនិងថ្ងៃចេញទៅសហរដ្ឋអាមេរិកហើយ។

នេះជាឱកាសល្អមួយសម្រាប់ប្អូនៗលោកបានរួមចំណែកផ្សព្វផ្សាយគុនខ្មែរលើទឹកដីអាមេរិកជាមួយមិត្តរួមជាតិផ្សេងៗទៀត។ សមត្ថភាព បច្ចេកទេស គឺប្អូនប្រុសរបស់លោកមានហើយ ដូច្នេះត្រូវពង្រឹងកម្លាំងស៊ុហ្វ និងល្បឿនឲ្យបានល្អទៅគឺអាចទប់ទល់ជាមួយដៃគូបានហើយ។

លោក ឡៅ ស៊ីណាត (រូបភាពហ្វេសបុក)

ក្រុមគុនខ្មែរដែលដឹកនាំដោយប្រធានសហព័ន្ធលោក ខូវ ឆាយ នឹងចេញទៅប្រកួតនៅសហរដ្ឋអាមេរិកជាលើកទី២ ក្នុងនោះមានកីឡាការិនី អេ យ៉ានុត កីឡាករ ពេជ្រ សម្បត្តិ លន បញ្ញា ឡៅ ចិត្រា និង ឡៅ ចន្ទ្រា។ ការប្រកួតនេះនឹងធ្វើឡើងនៅថ្ងៃទី១ ខែមិថុនា ឆ្នាំ២០២៥ ម៉ោង ៧ព្រឹកនៅកម្ពុជា៕

អត្ថបទដោយ៖ នួន ស៊ីណា