កីឡា

លោកតា អ៊ឹម ចាន់វុទ្ធី៖ លោក ពេជ្រ សុផាន់ អួតមែនតែគេអាចធ្វើបាន…

បានផុស

១០ ខែ មុន

នៅ

ថ្ងៃអង្គារ ២៤ មិថុនា ២០២៥

ដោយ

អតីតអ្នកប្រដាល់សកល និងជាអ្នកគាំទ្រគុនខ្មែរមួយរូបគឺលោកតា អ៉ឹម ចាន់វុទ្ធី សរសើរលោក ពេជ្រ សុផាន់ មិនដាច់ពីមាត់ និងពោលថា «គេអួតមែន ប៉ុន្តែគេធ្វើបាន» សិស្សរបស់លោកខ្លាំងៗឈ្នះស្ទើរគ្រប់កម្មវិធីតូច-ធំ ទាំងក្នុង និងក្រៅស្រុក។

លោក ពេជ្រ សុផាន់ និង សម្បត្តិ ឈ្នះខ្សែក្រវាត់ Ganzberg

លោកតា អ៉ឹម ចាន់វុទ្ធី បានឲ្យដឹងថា លោកជាអ្នកគាំទ្រ និងតាមដានជានិច្ចចំពោះការប្រកួតរបស់កីឡាករក្លឹបលោក ពេជ្រ សុផាន់ តាមកម្មវិធីប្រកួតផ្សេងៗ។ ប៉ុន្តែលោកមិនទាន់មានឱកាសបានទៅដល់ក្លឹបហ្វឹកហាត់ពេជ្រសុផាន់គុនខ្មែរនៅឡើយទេ។

សម្បត្តិ ឈ្នះខ្សែក្រវាត់ក្រោយផ្ដួលជើងខ្លាំងអេស្ប៉ាញ

លោកតាវ័យ ៦៥ឆ្នាំរូបនេះបន្ថែមទៀតថា លោកសុំសរសើរដោយចិត្តស្មោះចំពោះលោក ពេជ្រ សុផាន់ ដែលខំប្រឹងបង្ហាត់បង្រៀនសិស្ស និងធ្វើឲ្យសិស្សៗមានសមត្ថភាពខ្លាំងហើយល្បីឈ្មោះដូចបានឃើញជាក់ស្ដែងសព្វថ្ងៃនេះ។ «គ្រូ ពេជ្រ សុផាន់ អួតមែន តែអួតគេធ្វើបាន ដូច្នេះលោកសុំសរសើរ»។

លោកតា អ៉ឹម ចាន់វុទ្ធី

បញ្ជាក់ដែរថា ការលើកឡើងរបស់លោកតា អ៉ឹម ចាន់វុទ្ធី គឺក្នុងថ្ងៃផ្ដាច់ព្រ័ត្ររបស់កីឡាករ អាទិទេព ដែលបានឈ្នះខ្សែក្រវាត់ ១គ្រឿង អមដោយប្រាក់រង្វាន់ ៥០លានរៀលនៅសង្វៀនបាយ័ន។ ថ្ងៃផ្ដាច់ព្រ័ត្រនោះលោកតាក៏បានឧបត្ថម្ភថវិកាមួយចំនួនដល់ អាទិទេព ផងដែរ។ ស្របពេលនេះផងដែរក្លឹបប្រដាល់លោក ពេជ្រ សុផាន់ មានភាពល្បីល្បាញនៅកម្ពុជាពិសេសសំបូរកីឡាករល្អៗប្រកបដោយគុណភាព និងប្រកួតឈ្នះស្ទើរគ្រប់កម្មវិធីមិនថាក្នុងស្រុក ឬឯក្រៅប្រទេសនោះឡើយ។ ជាក់ស្ដែងទៀតនោះនៅថ្ងៃទី២៨ ខែមិថុនា ២០២៥ នេះសិស្សលោក ពេជ្រ សុផាន់ មានដល់ទៅ៣រូបដែលមហាជនចង់តាមដានបំផុតប្រកួតនៅសង្វៀនហង្សមាស ដូចជា សម្បត្តិ អាទិទេព សឹង្ហៈ៕