កីឡា

មូលនិធិរបស់ក្លិប Real Madrid ជួយដល់កុមារពិការនៅខេត្ត បាត់ដំបង

បានផុស

១៨ នាទីutes មុន

នៅ

ថ្ងៃអង្គារ ២៩ កក្កដា ២០២៥

ដោយ

ក្លិបអធិរាជស Real Madrid តាមរយៈមូលនិធិរបស់ខ្លួន ជួយដល់កុមារពិការកម្ពុជានៅខេត្តបាត់ដំបង ដោយមានលោក ទេព ច័ន្ទពិសិដ្ឋ (Kike Figaredo) ជាក្រុមអភិបាលព្រះសហគមន៍កាតូលិកភូមិភាគបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីទទួលបានមូលនិធិនេះ ដើម្បីជួយដល់កុមារពិការនៅខេត្តបាត់ ដំបង លោក ទេព ច័ន្ទពិសិដ្ឋ បានមានប្រសាសន៍ថា៖ «យើងនៅទីនេះដើម្បីឱ្យមនុស្សគ្រប់គ្នាមានជីវិតប្រកបដោយសេចក្តីថ្លៃថ្នូរ ហើយមូលនិធិក្លិបបាល់ទាត់ Real Madrid នឹងជួយឱ្យយើងមានជីវិតប្រកបដោយសេចក្តីថ្លៃថ្នូរ»។

គួរឱ្យដឹងថា នេះមិនមែនជាលើកទី ១ ទេ ដែល Real Madrid បានផ្តល់ជាមូលនិធិមកកាន់ប្រទេស កម្ពុជា ខណៈកន្លងៗមកពួកគេក៏ធ្លាប់ផ្តល់ជាមូលនិធិផ្សេងៗច្រើនលើកច្រើនសារមកហើយ។ រឿងពិសេសមួយទៀត គឺមូលនិធិរបស់ Real Madrid នេះ តែងតែជួយផ្គត់ផ្គង់ដល់កុមារនៅកម្ពុជា តាមរយៈអង្គការ និងដៃគូទាំងឡាយ ឱ្យកុមារកម្ពុជា ដែលជួបទុក្ខលំបាក ទទួលបាននូវកន្លែងស្នាក់នៅ ការអប់រំ និងការហ្វឹកហាត់កីឡាជាដើម៕