កីឡា
កីឡាករ ឧក រហ៊ីត មិនទាន់សម្រេចក្ដីស្រមៃយកមេដាយកម្រិតអន្តរជាតិជូនកម្ពុជាបាន
កីឡាករអត្តពលកម្ម ឧក រហ៊ីត ថាខ្លួនមិនទាន់សម្រេចដក្ដីស្រមៃយកមេដាយកម្រិតអន្តរជាតិដូចស៊ីហ្គេមជាដើមជូនប្រទេសកម្ពុជានៅឡើយទេ។
ឧក រហ៊ីត ប្រកួតកន្លងទៅ
ឧក រហ៊ីត បានឲ្យដឹងថា បើនិយាយពីរឿងជោគជ័យក្នុងអាជីពកីឡាអត្តពលកម្មនេះចែកជាពីរដំណាក់កាលគឺដំណាក់កាលទី១ អាចថាបានជោគជ័យហើយដោយសារការប្រឹងប្រែងកន្លងមកតាំងពីគេមិនទទួលស្គាល់ ឬមិនសារទររហូតមានអ្នកស្គាល់ រួមទាំងក្រុមគ្រួសារផងដែរ។ មនុស្សជុំវិញ និងមហាជនក្នុងវិស័យកីឡាអត្តពលកម្ម ឬកីឡារត់ចម្ងាយនេះមានគេស្គាល់ខ្លួន និងដឹងពីសមត្ថភាព។
ឧក រហ៊ីត ប្រកួតកន្លងទៅ
ចំណែកដំណាក់កាលទី២ នៅមិនទាន់សម្រេចនោះទេគឺការយកមេដាយអន្តរជាតិជូនដូចជាស៊ីហ្គេម ឬកម្មវិធីប្រកួតជើងឯកផ្សេងៗតំណាងឲ្យប្រទេសកម្ពុជា។ ត្រង់ចំណុចនេះគឺជាក្ដីស្រមៃមួយរបស់ខ្លួនដែលមិនទាន់អាចបំពេញបាន។ រូបគេនឹងបន្តខំប្រឹងប្រែងហ្វឹកហាត់តទៅទៀត ពង្រឹងសមត្ថភាព និងស្វែងរកនូវវិធីសាស្ត្រល្អៗដើម្បីឲ្យខ្លួនអភិវឌ្ឍន៍សមត្ថភាពឈានដល់ដណ្ដើមមេដាយជូនកម្ពុជាឲ្យបាន។
ឧក រហ៊ីត ប្រកួតកន្លងទៅ
កីឡាករដើមកំណើតពីខេត្តសៀមរាបរូបនេះបន្តទៀតថា នៅថ្ងៃខាងមុខរូបគេប្រហែលនឹងទៅហ្វឹកហាត់នៅប្រទេសចិនរយៈពេលវែង ព្រោះនេះជាឱកាសល្អមួយសម្រាប់ខ្លួនអាចបង្កើនសមត្ថភាពឲ្យកាន់តែខ្លាំងឆ្ពោះទៅសម្រេចក្ដីស្រមៃយកមេដាយជូនប្រទេសកម្ពុជា។
ឧក រហ៊ីត និង កាន់ ស្រីរ័ត្ន
បញ្ជាក់ដែរថា កីឡាករ ឧក រហ៊ីត ចូលប្រឡូកក្នុងវិស័យកីឡាអត្តពលកម្មនេះតាំងពីឆ្នាំ២០១៤ និងបានតេស្តជាប់ជម្រើសជាតិចាប់ពីឆ្នាំ២០១៩ ក្លាយជាជម្រើសជាតិរហូតមកដល់ពេលនេះ។ រូបគេចាត់ជាកីឡាករឆ្នើមរបស់កម្ពុជាហើយនៅពេលបច្ចុប្បន្នតាមរយៈការឈ្នះមេដាយក្នុងព្រឹត្តិការណ៍ម៉ារ៉ាតុងនានានៅកម្ពុជា។ រហ៊ីត កំពុងលេងលើវិញ្ញាសារត់ចម្ងាយ ២១គីឡូម៉ែត្រ (Half Marathon)៕
អត្ថបទដោយ៖ នួន ស៊ីណា
-
សេដ្ឋកិច្ច៥ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ២ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៥ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៣ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៣ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៥ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៥ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
ព័ត៌មានជាតិ៦ ថ្ងៃ agoអាជ្ញាធរសង្កាត់ចោមចៅទី ៣ បន្តចុះបូមស្តារប្រព័ន្ធលូជូនប្រជាពលរដ្ឋ