កីឡា

កំណត់ត្រាកីឡាករគុនខ្មែរ ២រូបឈ្នះខ្សែក្រវាត់ ៣ខ្សែពីកម្មវិធី I-1 World Supreme នៅហុងកុង

បានផុស

១០ ខែ មុន

នៅ

ថ្ងៃសុក្រ ៥ កញ្ញា ២០២៥

ដោយ

កម្មវិធីប្រដាល់ I-1 World Supreme Championship ជាការប្រកួតក៏ធំមួយនៅទីក្រុង ហុងកុង ដែលប្រជុំដោយជើងខ្លាំងមកពីជុំវិញពិភពលោកបានក្រសោបយកប្រជាប្រិយភាព និងមានអ្នកតាមដានទស្សនាជាច្រើនទាំងការទស្សនាផ្ទាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឈឿង ល្វៃ ប្រកួតកន្លងទៅ

ក្នុងចំណោមកីឡាករល្បីៗជុំវិញពិភពលោកទាំងនោះក៏មានជើងខ្លាំងរបស់កម្ពុជា ២រូប បានឈ្នះខ្សែក្រវាត់ ៣ខ្សែផងដែរនាពេលកន្លងទៅ។ នៅពេលនេះ កម្ពុជាថ្មី សូមលើកយកសមិទ្ធផលខ្សែក្រវាត់ទាំង ៣ខ្សែ ជូនប្រិយមិត្តបានដឹង។

ឈឿង ល្វៃ ពេលឈ្នះខ្សែក្រវាត់

ខ្សែក្រវាត់ទី១ ឈ្នះដោយអ្នកលេងគុនខ្មែរ ឈឿង ល្វៃ បន្ទាប់ពីរូបគេប្រកួត World Super-4 Champion កាលពីថ្ងៃទី១២ ខែមីនា ឆ្នាំ២០២៤។ កាលនោះនៅជុំទី១ រូបគេផ្ដួលកីឡាករថៃ Fahsang ឲ្យសន្លប់នៅទឹកទី១ បានឡើងទៅវគ្គផ្ដាច់ព្រ័ត្រ និងបន្តឈ្នះពិន្ទុលើជើងខ្លាំងអាល្លឺម៉ង់ Elysee Kochiese ទទួលបានខ្សែក្រវាត់ លើប្រភេទទម្ងន់ ៧៥គីឡូក្រាម។

ឈឿង ល្វៃ ពេលឈ្នះខ្សែក្រវាត់

ខ្សែក្រវាត់ទី២ ឈ្នះដោយអ្នកលេងគុនខ្មែរ ឈឿង ល្វៃ ដដែលដោយនៅពេលនោះរូបគេបានប្រកួតឈ្នះពិន្ទុដាច់លើជើងខ្លាំងរបស់អ៉ីតាលី Luca Lombardo កាលពីថ្ងៃទី២៥ ខែមិថុនា ឆ្នាំ២០២៤ ទទួលបានខ្សែក្រវាត់ លើប្រភេទទម្ងន់ ៧៥គីឡូក្រាម។ ដូច្នេះសរុបទៅកីឡាករ ឈឿង ល្វៃ ឈ្នះខ្សែក្រវាត់ដល់ទៅ ២ខ្សែម្នាក់ឯងពីកម្មវិធី I-1 World Supreme Championship។

សូត្រ ខេវិន និងកីឡាករសៀម

ខ្សែក្រវាត់ទី៣ ឈ្នះដោយអ្នកលេងគុនខ្មែរ សូត្រ ខេវិន ដោយរូបគេបានប្រកួតឈ្នះពិន្ទុលើកីឡាករសៀម JOHNNY កាលពីយប់ថ្ងៃទី៤ ខែកញ្ញា ឆ្នាំ២០២៥ ទទួលបានខ្សែក្រវាត់ លើប្រភេទទម្ងន់ ៦៥គីឡូក្រាម។ ជ័យជម្នះមួយនេះបានធ្វើឲ្យអ្នកគាំទ្រនៅកម្ពុជាមានការកក្រើកឡើងវិញទាំងយប់ ដោយសារទី១ ជាការអបអរសារទរ ព្រោះបានឈ្នះលើកីឡាករសៀម ទី២ បានបញ្ចប់មតិរិះគន់រវាងអ្នកគាំទ្រ៕