ដើមកំណើតនៃព័ត៌មានក្លែងក្លាយបានផ្សព្វផ្សាយតាំងពីពេលណាមក?

ព័ត៌មានក្លែងក្លាយ មិនមែនទើបតែសាយភាយនៅក្នុងសតវត្សទី ២១ ដែលមានបច្ចេកវិទ្យាលឿននោះទេ តាមពិតវាកើតឡើងតាំងពី ២០០០ឆ្នាំមុនមកម្ល៉េះ។ ចាប់ពីសម័យបុរណរ៉ូម រហូតមកដល់បច្ចុប្បន្ន ព័ត៌មានមិនពិតត្រូវបានគេបន្លំប្រើប្រាស់ដើម្បីប្រើប្រាស់ជាផលប្រយោជន៍ផ្ទាល់ខ្លួន ផ្លាស់ប្តូរគំនិតមនុស្សនិងយោបល់ជាដើម។

កាលពីជិត ២០០០ឆ្នាំមុន សាធារណរដ្ឋរ៉ូម៉ាំងកំពុងជួបប្រទះនូវសង្គ្រាមស៊ីវិលរវាងកូនប្រុសចិញ្ចឹមឧត្តមសេនីយ៍មួយរូបឈ្មោះ Octavian និងលោក Mark Anthony មេបញ្ជាការដ៏គួរឱ្យទុកចិត្តប្រចាំទីក្រុង Caesar។ ដើម្បីឈ្នះសង្គ្រាម Octavian ដឹងថាលោកត្រូវតែធ្វើយ៉ាងណាឱ្យសាធារណជនកាន់ជើងខាងលោកដែលវាជួយដល់ជ័យជម្នះការប្រយុទ្ធនេះ។ ប៉ុន្តែប្រសិនបើប្រជាជនមិនចូលចិត្តលោក Octavian ទេនោះ លោកមិនអាចក្លាយជាអ្នកគ្រប់គ្រងដ៏ជោគជ័យបានឡើយ។

ក្នុងគោលបំណងចង់បានការគាំទ្រពីសំណាក់មហាជន លោកបានបង្កើតសង្គ្រាមព័ត៌មានក្លែងក្លាយប្រឆាំងនិងលោក Mark Anthony ដោយអះអាងថា លោក Anthony មានស្នេហាលួចលាក់ជាមួយម្ចាស់ក្សត្រីអេហ្ស៊ីប Cleopatra និងមិនគោរពដល់គុណតម្លៃប្រពៃណីរ៉ូម៉ាំងដូចជា ភាពស្មោះត្រង់ និងការគោរព។ លោក Octavian បានបន្តទៀតថា លោក Mark Anthony មិនសាកសមកាន់កាប់ការិយាល័យនិងតំណែងនេះឡើងព្រោះលោក Mark តែងតែស្រវឹងជានិច្ច។

លោក Octavian ទទួលបានសារពីសាធារណជនតាមរយៈកំណាព្យនិងពាក្យស្លោកខ្លីដែលបានបោះពុម្ភជាប់នឹងកាក់។ វាជាទម្រង់បុរាណបន្តិច បើប្រៀបធៀបជាមួយអ្នកនយោបាយបច្ចុប្បន្នដែលចេញសៀវភៅ ឬបង្ហោះលើបណ្តាញសង្គម។ ជាការសាទរ លោក Octavian ពិតជាទទួលបានជ័យជំនះលើសង្គ្រាមនេះនិងបានក្លាយទៅជាស្តេចដំបូងគេបង្អស់នៃទីក្រុងរ៉ូម អាចកាន់អំណាចបានប្រមាណ ៤០ឆ្នាំ៕

អត្ថបទដោយ៖ Jacqueli

ប្រភព៖ BBC.co.uk