ព័ត៌មានអន្ដរជាតិ
វៀតណាម បង្ហាញសក្ដានុពលជាប្រទេសលែងប្រើសាច់ប្រាក់
អ្នកជំនាញខាងធនាគារវៀតណាមបាននិយាយនៅក្នុងសន្និសីទមួយថា វៀតណាមនឹងបន្តអនុវត្តបច្ចេកវិទ្យា និងគោលនយោបាយថ្មីក្នុងគោលបំណងដើម្បីក្លាយជាប្រទេសគ្មានសាច់ប្រាក់ ។
ទេសាភិបាលធនាគាររដ្ឋវៀតណាម (SBV) លោក Nguyen Thi Hong បានឲ្យដឹងថា ធនាគារកណ្តាលបានបង្កើតក្របខ័ណ្ឌគោលនយោបាយជាច្រើនសម្រាប់ការអនុវត្តបច្ចេកវិជ្ជាទូទាត់សាច់ប្រាក់តាមអេឡិចត្រូនិក ដូចជា បង្កើតគណនីធនាគារអេឡិចត្រូនិកផ្ទាល់ខ្លួន បង់ប្រាក់តាមទូរស័ព្ទ និងវិធីបង់ប្រាក់ផ្សេងទៀត រួមទាំងការប្រើប្រាស់ QR កូដ និងកាតបន្ទះឈីបជាដើម ។
គោលនយោបាយគាំទ្ររបស់រដ្ឋាភិបាលកើតឡើង ក្នុងអំឡុងពេលជំងឺរាតត្បាតកូវីដ ១៩ ដែលរួមមានការកាត់បន្ថយថ្លៃសេវាធនាគារអេឡិចត្រូនិក និងការលើកទឹកចិត្តផ្សេងទៀតដល់អ្នកប្រើប្រាស់ឲ្យកាត់បន្ថយប្រតិបត្តិការផ្អែកលើសាច់ប្រាក់ ។
ចាប់តាំងពីឆ្នាំ ២០២០ មក ធនាគារបានកាត់បន្ថយថ្លៃសេវាធនាគារជាង ២ ពាន់ពាន់លានដុង ហើយបានដំណើរការ ៨០ ភាគរយនៃប្រតិបត្តិការធនាគារផ្ទាល់ខ្លួនទាំងអស់ដោយមិនគិតថ្លៃ ។
ទន្ទឹមនោះ គោលបំណងរបស់វៀតណាមនាពេលខាងមុខ គឺបន្តគាំទ្របច្ចេកវិទ្យាធនាគារ និងតភ្ជាប់ការទូទាត់ដល់ផ្នែកដាច់ស្រយាល និងតំបន់ជនបទនៃប្រទេសជាមួយប្រព័ន្ធធនាគារ ផ្តល់ប្រតិបត្តិការខ្នាតតូចតាមប្រព័ន្ធអេឡិចត្រូនិកទូទាំងប្រទេស ផ្តល់សេវាហិរញ្ញវត្ថុដោយស្វ័យប្រវត្តិ ២៤ ម៉ោងក្នុងមួយថ្ងៃ និងដើម្បីធ្វើបច្ចុប្បន្នភាពមុខងារសុវត្ថិភាពការទូទាត់តាមអេឡិចត្រូនិក ។
លើសពីនេះ SBV នឹងធ្វើការយ៉ាងជិតស្និទ្ធជាមួយសារព័ត៌មានក្នុងកិច្ចខិតខំប្រឹងប្រែងដើម្បីលើកទឹកចិត្តអ្នកប្រើប្រាស់វៀតណាមឲ្យប្តូរទៅការទូទាត់ដោយគ្មានសាច់ប្រាក់ ដោយសង្កត់ធ្ងន់លើសុវត្ថិភាព ល្បឿន និងភាពងាយស្រួល ។
គួរបញ្ជាក់ថា ក្នុងរយៈពេល ៩ ខែដំបូងនៃឆ្នាំនេះ ចំនួនប្រតិបត្តិការដែលបានធ្វើឡើងដោយប្រើប្រព័ន្ធធនាគារអេឡិចត្រូនិកវៀតណាមបានកើនឡើង ១.៨៨ ភាគរយ និងតម្លៃ ៤២.៥៨ ភាគរយបើធៀបនឹងរយៈពេលដូចគ្នាកាលពីឆ្នាំមុន ខណៈចំនួននៃការទូទាត់តាមអ៊ីនធឺណិតបានកើនឡើង ៥១.១៦ ភាគរយ ខណៈនៅចុងខែកញ្ញា ចំនួនគណនីធនាគារផ្ទាល់ខ្លួនបានឈានដល់ជិត ១១១ លានករណី ដែលកើនឡើង ១៥.៤ ភាគរយ បើធៀបនឹងរយៈពេលដូចគ្នាកាលពីឆ្នាំមុន ៕
ប្រែសម្រួលដោយ ៖ ជីវ័ន្ត
ប្រភព ៖ The Nation
ចុចអាន ៖ អ្នកជំនាញ វៀតណាម ថា ឆ្នាំក្រោយ កូវីដ នឹងក្លាយជាជំងឺធម្មតា ស្រដៀង ផ្ដាសាយ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង