បច្ចេកវិទ្យា
មេ Facebook អាចជាប់គុក បើមិនគោរពច្បាប់សុវត្ថិភពអនឡាញថ្មី
រដ្ឋលេខាធិការក្រសួងវប្បធម៌ចក្រភពអង់គ្លេសលោកស្រី Nadine Dorries បានព្រមានថា នាយកប្រតិបត្តិក្រុមហ៊ុន Meta លោក Mark Zuckerberg និងនាយកប្រតិបត្តិក្រុមហ៊ុន Big Tech ផ្សេងទៀតរងហានិភ័យជាប់គុក ប្រសិនបើវេទិកាប្រព័ន្ធផ្សព្វផ្សាយសង្គមរបស់ពួកគេមិនទប់ស្កាត់ខ្លឹមសារដែលចាត់ទុកថាមានគ្រោះថ្នាក់ ក្រោមច្បាប់សុវត្ថិភាពអនឡាញនាពេលខាងមុខនេះ ។
ថ្លែងទៅកាន់វិទ្យុ Times កាលពីថ្ងៃសៅរ៍លោកស្រី Dorries បាននិយាយថា លោក Zuckerberg ប្រធានក្រុមហ៊ុន Meta ដែលជាក្រុមហ៊ុនមេរបស់ Facebook និងថៅកែផ្នែកបច្ចេកវិទ្យាផ្សេងទៀតអាចស្ថិតក្នុងការឃុំឃាំង ប្រសិនបើពួកគេមិនអនុវត្តតាមសេចក្តីព្រាងច្បាប់ស្តីពីសុវត្ថិភាពអនឡាញរបស់រដ្ឋាភិបាល ។
ទន្ទឹមនោះ លោកស្រីបានសម្តែងក្តីសង្ឃឹមថា “ច្បាប់នេះនឹងក្លាយជាការជូនដំណឹងដល់វេទិកាអនឡាញមួយនេះដើម្បីឲ្យយើងដឹងថា បច្ចុប្បន្នវាជាអ្វី និងចាប់ផ្តើមធ្វើអ្វីដែលអ្នកត្រូវធ្វើ” ។
ចំណែកសារព័ត៌មាន The Telegraph បានរាយការណ៍ថា នៅក្រោមរបប ‘កាតព្វកិច្ចនៃការថែទាំ’ ដែលបានស្នើឡើងដោយច្បាប់នេះ អំណាចរបស់និយតករទំនាក់ទំនងអង់គ្លេស (Ofcom) អាចដាក់គុកនាយកប្រតិបត្តិក្រុមហ៊ុនបច្ចេកវិទ្យារហូតដល់ ២ ឆ្នាំសម្រាប់ការខកខានក្នុងការដកចេញនូវខ្លឹមសារខុសច្បាប់ ។
ស្របពេលជាមួយគ្នានេះ រដ្ឋាភិបាលអង់គ្លេសបានប្រកាសកាលពីថ្ងៃសុក្រថា បទល្មើសព្រហ្មទណ្ឌថ្មីជាច្រើនត្រូវបានបន្ថែមទៅក្នុងច្បាប់នេះ រួមមានការស៊ែររូបភាពអាសអាភាស ឧក្រិដ្ឋកម្មស្អប់ខ្ពើម ការក្លែងបន្លំ ការលក់គ្រឿងញៀន ឬអាវុធខុសច្បាប់ ការផ្សព្វផ្សាយ ឬសម្របសម្រួលការធ្វើអត្តឃាត ការរត់ពន្ធមនុស្ស និងការកេងប្រវ័ញ្ចផ្លូវភេទជាដើម ៕
ប្រែសម្រួលដោយ ៖ ជីវ័ន្ត
ប្រភព ៖ RT
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន