លោក ស៊ឹម សុរិន្ទ នាយកវិទ្យាស្ថានបច្ចេកទេស JVC បានឱ្យដឹងថា​ នៅឆ្នាំនេះ​ខុសប្លែកពីឆ្នាំមុន​ មានការចាប់អារម្មណ៍ច្រើនទៅលើ​ផ្នែកជំនាញរថយន្ត គ្រឿងចក្រ និងម៉ាស៊ីនកសិកម្មផ្សេងៗ ខណៈ​វិទ្យាស្ថានរបស់លោក មានដៃគូសហការនៅក្នុងស្រុក និងបរទេស​ទទួលយកសិស្ស​ដែល​រៀនចប់ទៅធ្វើការ​។

​នៅឆ្នាំ ២០២៣ នេះ ​វិទ្យាស្ថានបច្ចេកទេស JVC ទទួលសិស្សត្រឹមតែជាង ២០០ នាក់ ប៉ុណ្ណោះ ខណៈ លោក ស៊ឹម សុរិន្ទបញ្ជាក់ថា សិស្សដែលរៀននៅវិទ្យាស្ថានរបស់លោក មិនមានបញ្ហាចោទលើការងារនោះទេ ហើយមានតម្រូវការក្នុងស្រុក និងបរទេសកាន់តែច្រើន។​ យុវជនចាប់អារម្មណ៍ ដោយសារប្រើពេលខ្លី​ឆាប់បានការងារ​ធ្វើនិង​ឆាប់បានប្រាក់ខែ។

​បច្ចុប្បន្នវិទ្យាស្ថានបច្ចេកទេស JVC មានទំនាក់ទំនងជាមួយភាគីជប៉ុន ក្នុងការនាំចេញអ្នក​បច្ចេកទេស​ទៅធ្វើការនៅទីនោះ។

សូមជំរាបថា សិស្សអាចចូលរៀន នៅវិទ្យាស្ថានបច្ចេកទេស JVC ដោយតម្រូវឱ្យមានសញ្ញាបត្រឌីប្លូម ជាប់ ឬធ្លាក់ នេះគឺលក្ខខណ្ឌអាហារូបករណ៍របស់រដ្ឋ ចំណែកឯថ្នាក់មធ្យមត្រូវមានសញ្ញាបត្របាក់ឌុបធ្លាក់ ឬជាប់ ខណៈដែលតម្លៃ ៣០០ ដុល្លារ ក្នុង១ ឆ្នាំ៕