បច្ចេកវិទ្យា
ទីបំផុត រថយន្តម៉ូដែល Cybertruck របស់ក្រុមហ៊ុនមហាសេដ្ឋី Elon Musk ចាប់ផ្ដើមផលិតហើយ
នៅទីបំផុត ក្រុមហ៊ុន Tesla ចាប់ផ្តើមផលិតរថយន្តម៉ូដែល Cybertruck ដំបូងរបស់ខ្លួននៅរោងចក្រ Gigafactory ក្បែរទីក្រុង Austin រដ្ឋ Texas បន្ទាប់ពីគំរូឡានមួយនេះ ត្រូវបានបង្ហាញកាលពីជាង ៤ ឆ្នាំមុន។
Tesla បានបង្ហាញគំរូដើមនៃរថយន្តម៉ូដែល Cybertruck កាលពីឆ្នាំ ២០១៩ ហើយគ្រោងផលិតនៅចុងឆ្នាំ ២០២១ ។ គំរូរថយន្តមួយនេះ មើលទៅពិតជាគួរឲ្យទាក់ទាញមែនទែន ដោយផ្នែកខាងក្រៅរបស់វាធ្វើឡើងពីដែកអ៊ីណុក ។ ប៉ុន្តែ កាលពីធ្វើតេស្តដោយយកដុំដែកគប់កញ្ចក់ដើម្បីបង្ហាញពីភាពមាំនោះ បែរជាបរាជ័យទៅវិញ ដោយកញ្ចក់រថយន្តនោះត្រូវបានបែក ទើបជាហេតុធ្វើឲ្យការផលិតត្រូវផ្អាក ។
ចាប់ទាំងពីពេលនោះ ក្រុមហ៊ុន Tesla បានរក្សាភាពស្ងៀមស្ងាត់នៃគម្រោងរថយន្តម៉ូដែល ប៉ុន្តែនៅឆ្នាំ ២០២១ ក្រុមហ៊ុនបានប្រកាសពីការអភិវឌ្ឍនៃ Version ថ្មី ខណៈនៅពេលនោះ មហាសេដ្ឋី Elon Musk បាននិយាយថា ក្រុមហ៊ុនមិនទាន់អាចបង្ហាញរថយន្តថ្មីនេះបានឡើយ ដោយសារបញ្ហាខ្សែសង្វាក់ផ្គត់ផ្គង់ ។
ទោះយ៉ាងណាក៏ដោយ នៅក្នុងខែមករា Tesla បានប្រកាសថា នឹងចាប់ផ្តើមផលិតរថយន្តម៉ូដែល Cybertruck នៅចុងឆ្នាំ ២០២៣ ហើយបរិមាណនៃការផ្គត់ផ្គង់ទីផ្សារ ត្រូវបានរំពឹងទុកនៅឆ្នាំ ២០២៤ ខាងមុខ ។
ចំពោះឡាន Cybertruck នេះដែរនឹងជួយឲ្យក្រុមហ៊ុន Tesla អាចប្រកួតប្រជែងក្នុងទីផ្សាររថយន្តភីកអាប់អគ្គិសនីបាន ដែលរួមមានរថយន្ត R1T របស់ក្រុមហ៊ុន Rivian, រថយន្ត Ford F-150 Lightning និងរថយន្តភីកអាប់ GMC Hummer EV ជាដើម ៕
ប្រែសម្រួល៖ នាង រតនៈ
ប្រភព៖ CNN
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២១ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានជាតិ១៩ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»