ចរាចរណ៍
ពិព័រណ៍ម្ហូបអាហារខ្មែរ បានទាក់ទាញអ្នកចូលរួមយ៉ាងច្រើនដែលឆ្លុះបញ្ចាំងពីផ្នែកមួយនៃវប្បធម៌ជាតិខ្មែរ
ពិព័រណ៍ម្ហូបអាហារខ្មែរ ត្រូវបានរៀបចំឡើងនាថ្ងៃបញ្ចប់នៃព្រឹត្តិការណ៍មហោស្រពសិល្បៈអន្ដរជាតិអង្គរកាលពីរសៀលថ្ងៃទី ១២ ខែធ្នូ ២០២១ នៅបរិវេណសួនច្បារព្រះរាជ ដំណាក់ក្រុងសៀមរាប ដើម្បីអបអរសាទរទីក្រុងសៀមរាប ជាទីក្រុងវប្បធម៌អាស៊ាន ឆ្នាំ២០២០-២០២២ ។ ពិព័រណ៍នេះទាក់ទាញអ្នកចូលរួមដ៏ច្រើនមានទាំងទេសចរជាតិ និង អន្តរជាតិ ។
លោក ហាប់ ទូច រដ្ឋលេខាធិការ ក្រសួងវប្បធម៌ និងវិចិត្រសិល្បៈ មានប្រសាសន៍ថា ពិព័រណ៍ម្ហូបអាហារដែលរៀបចំនៅពេលនេះ ជាផ្នែកមួយនៃវប្បធម៌របស់ជាតិខ្មែរ ហើយវាពិតជាមានសារៈសំខាន់ក្នុងការរួមគ្នាលើកតម្កើងឡើងវិញ ។ លោកបន្តថា ក្នុងឱកាសដែលទីក្រុងសៀមរាប ក្លាយជាទីក្រុងវប្បធម៌អាស៊ានឆ្នាំ២០២០-២០២២ពិ តជាមានអត្ថន័យ និងអត្ថប្រយោជន៍ដ៏ធំធេងណាស់ក្នុងផ្សព្វផ្សាយ និងបំផុសស្មារតីជាតិទាំងមូលឱ្យចូលរួមលើកស្ទួយការអភិរក្ស និងអភិវឌ្ឍវប្បធម៌ជាតិសំដៅរួមចំណែកលើកកម្ពស់សេដ្ឋកិច្ចសង្គម និងជីវភាពរស់នៅប្រជាពលរដ្ឋឱ្យបានល្អប្រសើតាមរយៈការចាប់យកអត្ថប្រយោជន៍ពីធនធានវប្បធម៌ទាំងនេះ។
លោក ហាប់ទូច ក៏បានថ្លែងនូវអំណរគុណចំពោះរដ្ឋបាលខេត្តគ្រប់ជាន់ថ្នាក់ដែលបានយកចិត្តទុកដាក់ និងជួយបង្កលក្ខណៈងាយស្រួលដល់ព្រឹត្តិការណ៍នេះប្រព្រឹត្តទៅប្រកបដោយជោគជ័យ។ លោកក៏បានថ្លែងអំណរគុណដល់ក្រុមហ៊ុន Cambodian Arts and Festival Enterprise ដែលបានចូលរួមឧបត្ថម្ភ និងរៀបចំសិល្បៈចម្រុះ ដើម្បីអបអរព្រឹត្តិការណ៍នេះផងដែរ។
ពិព័រណ៍ម្ហូបអាហារខ្មែរជា ផ្នែកមួយនៃមហោស្រពអន្ដរជាតិអង្គរដោយមានការរៀបចំដូចជា ការសម្ដែងចាប៉ីដងវែង ការបង្ហាញ និងសម្តែងល្ខោន ការបង្ហាញក្បាច់គុណល្បុកតោកម្ពុជា ការគូរគំនូរលើផ្ទាំងក្រណាត់ ការតាំងពិព័រណ៍គំនូរ ការសម្តែងសៀករហ័សសកម្ម ការបង្ហោះខ្លែងឯក ។ល។ ដែលកម្មវិធីនេះ មានរយៈពេល ៣ថ្ងៃ ចាប់ពីថ្ងៃទី១០ ដល់ថ្ងៃទី១២ ខែធ្នូ ឆ្នាំ២០២១៕
អត្ថបទ ៖ ណារី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង