ចរាចរណ៍
ប្ដីប្រពន្ធមួយគូទើបរៀបការបានមួយខែជួបគ្រោះថ្នាក់ចរាចរណ៍ ស្លាប់ទាំង ២ នាក់
ប្ដីប្រពន្ធពីរនាក់ទើបតែរៀបការបានមួយខែប៉ុណ្ណោះ វិលត្រឡប់ពីផ្សារសាមគ្គីខេត្តស្ទឹងត្រែងទៅគេហដ្ឋានវិញ បានជួបគ្រោះថ្នាក់ចរាចរណ៍ដ៏រន្ធត់មួយបណ្ដាលឲ្យស្លាប់ទាំងពីរនាក់។
![](https://www.kampucheathmey.com/wp-content/uploads/2022/12/photo_2022-12-26_09-03-37-1024x1024.jpg)
សមត្ថកិច្ចបានឲ្យដឹងថា ប្ដីប្រពន្ធរងគ្រោះទាំងពីរនាក់ជួបគ្រោះថ្នាក់ចរាចរណ៍ដល់អាយុជីវិតនេះមានឈ្មោះ រ៉ូ សុវ៉ាន់ ជាអ្នកបើកបរម៉ូតូ និងឈ្មោះ ផា រចនា ភេទស្រី អាយុ ១៨ ឆ្នាំ មុខរបរកសិករ ជនជាតិខ្មែរ ទីលំនៅភូមិស្រឡៅ ឃុំអន្លង់ជ្រៃ ស្រុកថាឡាបរិវ៉ាត់ ខេត្តស្ទឹងត្រែង ទើបរៀបមង្គលការបានមួយខែ ត្រូវបានស្លាប់នៅនឹងកន្លែងកើតហេតុទាំងពីរនាក់ប្ដីប្រពន្ធយ៉ាងអាណោចអាធ័ម។
![](https://www.kampucheathmey.com/wp-content/uploads/2022/12/photo_2022-12-26_09-03-36-1024x1024.jpg)
សមត្ថកិច្ចនគរបាលចរាចរណ៍ខេត្តបានបន្តឲ្យដឹងទៀតថា គ្រោះថ្នាក់ចរាចរណ៍បង្កឡើងរវាងរថយន្តម៉ាកហ៊ីយ៉ាន់ដាយ និងម៉ូតូបើកបរបញ្ច្រាសទិសគ្នានៅចំណុចចន្លោះបង្គោលគីឡូលេខ ៤៨៦ និង ៤៨៧ លើផ្លូវជាតិ ០៩ កាលពីវេលាម៉ោង ១៨ និង ១៦ នាទី យប់ថ្ងៃទី ២៥ ខែធ្នូ ឆ្នាំ ២០២២ ភូមិសំអាង ឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង។
![](https://www.kampucheathmey.com/wp-content/uploads/2022/12/photo_2022-12-26_09-03-36-2-1024x1024.jpg)
ចំណែកអ្នកបើកបររថយន្តមិនស្គាល់អត្តសញ្ញាណនោះទេ។ ក្រោយកើតហេតុ អ្នកបើកបររថយន្តបានរត់គេចខ្លួនបាត់ ចតរថយន្តចោលនៅនឹងផ្លូវ មានចម្ងាយពីកន្លែងកើតប្រហែល ០២ គីឡូម៉ែត្រ។
![](https://www.kampucheathmey.com/wp-content/uploads/2022/12/photo_2022-12-26_09-03-38-2-1024x768.jpg)
សមត្ថកិច្ចបញ្ជាក់ថា រថយន្តបង្កម៉ាកហ៊ីយ៉ាន់ដាយ ពណ៌ស ផ្លាកលេខត្បូងឃ្មុំ ៣A២៩៥៩ សណ្ដោងរ៉ឺម៉កពណ៌ខៀវ ផ្លាកលេខ ៤A១៧១៤ បើកបរទិសដៅពីលិចទៅកើត បានបុកជាមួយម៉ូតូម៉ាកសង់ C125 ពណ៌ខ្មៅ ផ្លាកលេខស្ទឹងត្រែង ១D.៤៧៩៣ ទិសដៅពីកើតទៅលិច ហើយការបើកនេះអាចជាករណីវ៉ាជែងគ្នាមិនផុត ប៉ះដៃចង្កូតដួល ត្រូវរថយន្តកិនស្លាប់តែម្ដង តែទោះជាយ៉ាងណា សមត្ថកិច្ចបានធ្វើការវាស់វែង និងត្រួតពិនិត្យរួចរាល់។
![](https://www.kampucheathmey.com/wp-content/uploads/2022/12/photo_2022-12-26_09-03-38-3-1024x768.jpg)
សូមបញ្ជាក់ថា រថយន្ត និងម៉ូតូ ត្រូវបានសមត្ថកិច្ចនគរបាលចរាចរណ៍នាំយកមករក្សាទុកនៅការិយាល័យចរាចរណ៍ផ្លូវគោកខេត្ត។ ចំណែកសពទាំងពីរនាក់ ប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
អត្ថបទ ៖ ងិន លីម
![](https://www.kampucheathmey.com/wp-content/uploads/2022/12/photo_2022-12-26_09-03-38-1024x768.jpg)
-
សន្តិសុខសង្គម៧ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៧ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២៣ ម៉ោង ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ