Connect with us

ចរាចរណ៍

ប្ដីប្រពន្ធមួយគូទើបរៀបការបានមួយខែជួបគ្រោះថ្នាក់ចរាចរណ៍ ស្លាប់ទាំង ២ នាក់

បានផុស

នៅ

ប្ដី​ប្រពន្ធ​ពីរ​នាក់​ទើបតែ​រៀបការ​បាន​មួយ​ខែ​ប៉ុណ្ណោះ វិលត្រឡប់​ពី​ផ្សារ​សាមគ្គី​ខេត្ត​ស្ទឹងត្រែង​ទៅ​គេហដ្ឋាន​វិញ បាន​ជួប​គ្រោះថ្នាក់​ចរាចរណ៍​ដ៏​រន្ធត់​មួយ​បណ្ដាល​ឲ្យ​ស្លាប់​ទាំងពីរ​នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ច​បាន​ឲ្យ​ដឹង​ថា ប្ដី​ប្រពន្ធ​រងគ្រោះ​ទាំងពីរ​នាក់​ជួប​គ្រោះថ្នាក់​ចរាចរណ៍​ដល់​អាយុជីវិត​នេះ​មាន​ឈ្មោះ រ៉ូ សុ​វ៉ាន់ ជា​អ្នកបើកបរ​ម៉ូតូ និង​ឈ្មោះ ផា រចនា ភេទ​ស្រី អាយុ ១៨ ឆ្នាំ មុខរបរ​កសិករ ជនជាតិ​ខ្មែរ ទីលំនៅ​ភូមិ​ស្រឡៅ ឃុំ​អន្លង់​ជ្រៃ ស្រុក​ថា​ឡា​បរិ​វ៉ា​ត់ ខេត្ត​ស្ទឹងត្រែង ទើប​រៀប​មង្គលការ​បាន​មួយ​ខែ ត្រូវ​បាន​ស្លាប់​នៅ​នឹង​កន្លែង​កើតហេតុ​ទាំងពីរ​នាក់​ប្ដី​ប្រពន្ធ​យ៉ាង​អាណោចអាធ័ម។

សមត្ថកិច្ច​នគរបាល​ចរាចរណ៍​ខេត្ត​បាន​បន្ត​ឲ្យ​ដឹង​ទៀត​ថា គ្រោះថ្នាក់​ចរាចរណ៍​បង្ក​ឡើង​រវាង​រថយន្ត​ម៉ាក​ហ៊ី​យ៉ាន់ដាយ និង​ម៉ូតូ​បើកបរ​បញ្ច្រាស​ទិស​គ្នា​នៅ​ចំណុច​ចន្លោះ​បង្គោល​គីឡូ​លេខ ៤៨៦ និង ៤៨៧ លើ​ផ្លូវ​ជាតិ ០៩ កាលពី​វេលា​ម៉ោង ១៨ និង ១៦ នាទី យប់​ថ្ងៃ​ទី ២៥ ខែ​ធ្នូ ឆ្នាំ ២០២២ ភូមិ​សំអាង ឃុំ​សំអាង ស្រុក​ថា​ឡា​បរិ​វ៉ា​ត់ ខេត្ត​ស្ទឹងត្រែង។

ចំណែក​អ្នកបើកបរ​រថយន្ត​មិន​ស្គាល់​អត្តសញ្ញាណ​នោះ​ទេ។ ក្រោយ​កើតហេតុ អ្នកបើកបរ​រថយន្ត​បាន​រត់​គេច​ខ្លួន​បាត់ ចត​រថយន្ត​ចោល​នៅ​នឹង​ផ្លូវ មាន​ចម្ងាយ​ពី​កន្លែង​កើត​ប្រហែល ០២ គីឡូម៉ែត្រ។

សមត្ថកិច្ច​បញ្ជាក់​ថា រថយន្ត​បង្ក​ម៉ាក​ហ៊ីយ៉ាន់ដាយ ពណ៌​ស ផ្លាក​លេខ​ត្បូងឃ្មុំ ៣A២៩៥៩ សណ្ដោង​រ៉ឺម៉ក​ពណ៌​ខៀវ ផ្លាក​លេខ ៤A១៧១៤ បើកបរ​ទិសដៅ​ពី​លិច​ទៅ​កើត បាន​បុក​ជាមួយ​ម៉ូតូ​ម៉ាក​សង់ C125 ពណ៌​ខ្មៅ ផ្លាក​លេខ​ស្ទឹងត្រែង ១D.៤៧៩៣ ទិសដៅ​ពី​កើត​ទៅ​លិច ហើយ​ការ​បើក​នេះ​អាច​ជា​ករណី​វ៉ា​ជែង​គ្នា​មិន​ផុត ប៉ះ​ដៃចង្កូត​ដួល ត្រូវ​រថយន្ត​កិន​ស្លាប់​តែម្ដង តែ​ទោះជា​យ៉ាងណា សមត្ថកិច្ច​បាន​ធ្វើការ​វាស់វែង និង​ត្រួតពិនិត្យ​រួចរាល់។

សូម​បញ្ជាក់​ថា រថយន្ត និង​ម៉ូតូ ត្រូវ​បាន​សមត្ថកិច្ច​នគរបាល​ចរាចរណ៍​នាំ​យក​មក​រក្សាទុក​នៅ​ការិយាល័យ​ចរាចរណ៍​ផ្លូវគោក​ខេត្ត។ ចំណែក​សព​ទាំងពីរ​នាក់ ប្រគល់​ជូន​ក្រុម​គ្រួសារ​យក​ទៅ​ធ្វើ​បុណ្យ​តាម​ប្រពៃណី៕

អត្ថបទ ៖ ងិន លីម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម