Connect with us

ចរាចរណ៍

Update៖ ករណីក្រឡាប់រថយន្តដឹកកម្មករបណ្ដាលមកពីការវ៉ាជែងពេលមេឃកំពុងភ្លៀង

បានផុស

នៅ

សមត្ថកិច្ចបញ្ជាក់ថា មូលហេតុដែលបណ្ដាលឲ្យរថយន្ដដឹកកម្មករកម្មការិនីរោងចក្រ ក្រឡាប់និងមានអ្នករងរបួសនោះ គឺដោយសារតៃកុងរថយន្ដបើកបរវ៉ាជែងក្នុងល្បឿនលឿន ខ្វះការប្រុងប្រយ័ត្ននៅពេលមេឃកំពុងមានភ្លៀង តែទោះយ៉ាង​ណាក្នុងហេតុការណ៍នេះ មិនបណ្ដាលឲ្យមានអ្នកបាត់បង់អាយុជីវិតនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នគរបាលចរាចរណ៍ប្រាប់ថា រថយន្តដឹកកម្មករ កម្មការនីដែលគ្រោះថ្នាក់ចរាចរណ៍ម៉ាក HYUNDAI ពណ៌ ស គ្មានផ្លាកលេខ ដឹកកម្មករកម្មការនីចំនួន៦៥ (ស្រី៦០នាក់) បើកបរដោយឈ្មោះ ស្រួច សិទ្ធ ភេទប្រុស អាយុ២៨ឆ្នាំ បានគេចខ្លួនបាត់ មានទីលំនៅភូមិត្រពាំងកន្សែង ឃំុក្សេមក្សាន្ដ ស្រុកឧដុង្គ ខេត្តកំពង់ស្ពឺ ។ ចំណែករថយន្ដមួយគ្រឿងទៀត ម៉ាក HINO ពណ៌ ស ពាក់ផ្លាកលេខ កណ្តាល 3G-0470 អ្នកបើកបរមិនស្គាល់អត្តសញ្ញាណ បានគេចខ្លួនបាត់ បើកបរក្នុងទិសដៅបញ្ច្រាស់ទិសគ្នា ។

សាក្សីនិយាយថា មុនពេលកើតហេតុរថយន្ត​កូរ៉េ ចំណុះពីរតោនកន្លះដឹកកម្មករ កម្មការនីរោងចក្របានបេីកវ៉ាជែងបានប៉ះរថយន្តសណ្ដោ​ងរឺម៉ក​ មួយគ្រឿងទៀតខ្វះប្រុងប្រយ័ត្ន​ដោយការបេីកល្បឿនលឿនក្នុងស្ថានភាពមេឃភ្លៀងរលឹមបង្ករផ្លូវរអិលក្រឡាប់ចាក់ចោលជនរងគ្រោះរប៉ាត់រប៉ាយពេញផ្លូវមានអ្នករបួសជាច្រើននាក់ ។

ប៉ូលិសបញ្ជាក់ថា ជនររងគ្រោះរបួសធ្ងន់មាន ចំនួន០៥នាក់ រួមមាន៖

១- ឈ្មោះ អុង ចន ភេទស្រី អាយុ ៥៣ឆ្នាំ រស់នៅភូមិត្រពាំងកន្សែង ឃុំក្សេមក្សាន្ត ស្រុកឧដុង្គ ខេត្តកំពង់ស្ពឺ រោងចក្រសាប្រ៊ីណា ថ្នល់ទទឹង ។

២- ឈ្មោះ ផាន យូរី ភេទស្រី អាយុ ២៨ឆ្នាំរស់នៅភូមិដំបូងស ឃុំក្សេមក្សាន្ត ស្រុកឧដុង្គ ខេត្តកំពង់ស្ពឺ រោងចក្រហ្វាយយ៉ាង ថ្នល់ទទឹង ។

៣-ឈ្មោះ សុខ គីម ភេទស្រី អាយុ ២៣ ឆ្នាំរស់នៅភូមិអូរសំរ៉ែ ឃុំក្សេមក្សាន្ត ស្រុកឧដុង្គ ខេត្តកំពង់ស្ពឺ ។

៤-ឈ្មោះ កែវ ស្រីភាស់ ភេទស្រី អាយុ ១៨ ឆ្នាំ រស់នៅភូមិអូរសំរ៉ែ ឃុំក្សេមក្សាន្ត ស្រុកឧដុង្គ ខេត្តកំពង់ស្ពឺ រោងចក្រសាំងវ៉ូ  សម្រាកនៅពេទ្យអន្ទង់ក្រវៀន ។

៥- ឈ្មោះ ស្រី ចាន់ធី ភេទស្រី អាយុ ១៨ឆ្នាំ រស់នៅភូមិដំបូកស ឃុំក្សេមក្សាន្ត ស្រុកឧដុង្គ ខេត្តកំពង់ស្ពឺ រោងចក្រដុងរ៉ុង ។

ក្រោយពេលកើតហេតុ សមត្ថកិច្ច​នគរបាល​ស្រុក​  និងជំនាញ​ចរាចរណ៍​ខេត្ដ​កំពង់ស្ពឺ​ កំពុងអន្ដរាគមន៍​ជួយសម្រួល​ចរាចរណ៍និងបញ្ជូនជនរងគ្រោះទៅមន្ទីរពេទ្យ​ភ្លាមៗដើម្បីសង្គ្រោះ។

សូមបញ្ជាក់ថា​ ហេតុការណ៍គ្រោះថ្នាក់​ចរាចរណ៍​រថយន្ត​ដឹក​កម្មករ​កម្មការិនី​ ខាងលើកើតឡើងនៅវេលាម៉ោង០៦និង​២០នាទី​ព្រឹក ថ្ងៃទី១០ ខែមករា ឆ្នាំ២០២៣នេះ ស្ថិតលើផ្លូវជាតិលេខ​៥១ ចំណុចភូមិស្តុកស្លាត ឃុំភ្នំតូច ស្រុកឧដុង្គ ខេត្តកំពង់ស្ពឺ ។

អត្ថបទ៖ ភួង រដ្ឋា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា២៤ នាទី មុន

សំបុត្រ VIP ទស្សនាការប្រកួតរវាង Messi និង Ronaldo តម្លៃខ្ពស់កប់ក្ដោង

ព័ត៌មានជាតិ៤០ នាទី មុន

ក​.​ប​.​ប ចុះ​ពិសោធន៍​ផលិតផល​ត្រី​ប្រ​ម៉ា​ហើម​និង​ត្រីងៀត​គ្រប់​ប្រភេទ​នៅ​ស្រុក​ក្រគរ​រក​ពុំ​ឃើញ​មាន​សារ​ធាតុគីមី

ព័ត៌មានជាតិ២ ម៉ោង មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ២ ម៉ោង មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ២ ម៉ោង មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

Sokha Hotels

ព័ត៌មានពេញនិយម