ព័ត៌មានបឋម៖ រថយន្ដដឹកប្រេងបុកម៉ូតូមួយគ្រឿង រេចង្កូតទៅបុករថយន្ដដឹកកម្មករកម្មការិនី ស្លាប់ម្នាក់និងរបួសច្រើននាក់

យោងតាមរបាយការណ៍របស់ស្នងការដ្ឋាននគរបាលខេត្តកំពង់ស្ពឺបានឲ្យដឹងថា នៅវេលាម៉ោង៥និង២៥នាទីព្រឹក ថ្ងៃទី១២ ខែធ្នូ ឆ្នាំ២០២៣មានករណីគ្រោះថ្នាក់ចរាចរណ៍មួយបង្កដោយរថយន្ដដឹកប្រេងបុកជាមួយម៉ូតូមួយគ្រឿង និងបានរេចង្កូតទៅបុករថយន្ដដឹកកម្មករកម្មការិនីរោងចក្រមួយគ្រឿងទៀតបណ្ដាលឲ្យមានអ្នកស្លាប់ម្នាក់ និងរបួសច្រើននាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមរបាយការណ៍ករណីគ្រោះថ្នាក់ចរាចរណ៍នេះ បានកើតឡើងនៅលើផ្លូវជា​តិលេខ៤១ ចំណុចគីឡូម៉ែត្រលេខ២៣-២៤ ក្នុងភូមិម្កាក់ ឃុំស្នំក្រពើ ស្រុកគងពិសី ខេត្តកំពង់ស្ពឺ។ របាយការណ៍បញ្ជាក់ថា ព័ត៌មានបឋម ក្នុងហេតុការណ៍​គ្រោះថ្នាក់​ចរាចរណ៍​នេះបណ្តាលឱ្យស្លាប់១នាក់ ជាអ្នកបើកម៉ូតូ និងរងរបួសកម្មករមួយចំនួន សមត្ថកិច្ច​នគរបាល​បានអន្ដរាគមន៍​ជួយសង្គ្រោះ​ដោយបា​នបញ្ចូនទៅមន្ទីរពេទ្យនៅជិតកន្លែងកើតហេតុ។ បើតាមសមត្ថកិច្ច រថយន្ដដឹកកម្មករកម្មការិនីមានចំនួនប្រហែល៥០នាក់៕

អត្ថបទ៖ សុខុម