រថយន្តក្រឡុកសុីម៉ង់ត៍ក្រឡាប់ផ្ងារជើងនៅគល់ស្ពានព្រះមុនីវង្សថ្មី

រថយន្តក្រឡុកសុីម៉ង់ត៍មួយគ្រឿង ពណ៌ស ពាក់ស្លាកលេខភ្នំពេញ ៥A 1370 បានក្រឡាប់ផ្ងារជើងនៅគល់ស្ពានព្រះមុនីវង្សថ្មី ស្ថិតនៅក្នុងភូមិព្រែកតានូ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីលោក កែវ សាវឿន ចៅសង្កាត់ចាក់អង្រែលើដែលបានចុះទៅដល់ចំណុចកើតហេតុបានឲ្យដឹងថាករណីក្រឡាប់រថយន្តក្រឡុកសុីម៉ង់ត៍នេះ បានកើតឡើងនៅវេលាម៉ោង៩និង១០នាទីព្រឹកថ្ងៃទី១៤ខែមករា។ លោកចៅសង្កាត់បន្តថា នៅមុនពេលគ្រោះថ្នាក់មានរថយន្តក្រឡុកសុីម៉ង់ត៍មួយគ្រឿងពាក់ស្លាកលេខភ្នំពេញ ៥A ១៣ ៧០ ពណ៌ស បានបើកបរតាមបណ្តោយផ្លូវជាតិលេខ២ក្នុងបំណងឆ្លងស្ពានព្រះមុនីវង្សថ្មីឆ្ពោះទៅខណ្ឌច្បារអំពៅ។ លុះមកដល់គល់ស្ពានបួងចង្កូតខ្លាំងពេកក៏ក្រឡាប់តែម្តង ប៉ុន្តែមិនប៉ះពាល់ដល់អ្នកធ្វើដំណើរគ្រាន់តែខូចខាតរថយន្តត្រង់កញ្ចក់មុខប៉ុណ្ណោះ។ ហើយក្នុងនោះចរាចរណ៍បានកកស្ទះគួរសមតែក្នុងនោះសមត្ថកិច្ច និងអាជ្ញាធរបានជួយសម្រួលមិនឲ្យកកស្ទះឡើយ។ ចំពោះករណីគ្រោះថ្នាក់ចរាចរណ៍នេះដោយសារអ្នកបើកបរបួងចង្កួតខ្លាំងពេក៕

អត្ថបទ៖ នរា