ចរាចរណ៍

គណៈបញ្ជាការឯកភាពខណ្ឌ ៧ មករា បន្តអនុវត្តច្បាប់ចរាចរណ៍ផ្លូវគោក និងជាតិស្រវឹង ក្នុងមូលដ្ឋាន

បានផុស

៦ ខែ មុន

នៅ

ថ្ងៃអាទិត្យ ៨ ធ្នូ ២០២៤

ដោយ

ដើម្បីកាត់បន្ថយគ្រោះថ្នាក់ចរាចរណ៍ ក៏ដូចជាបទល្មើសផ្សេងៗ អនុវត្តតាមប្រមុខថ្នាក់ដឹកនាំរបស់រដ្ឋាភិបាល តាមរយៈរដ្ឋបាលរាជធានីភ្នំពេញ ដូច្នេះកម្លាំងគណៈបញ្ជាការឯកភាពខណ្ឌ ៧ មករា បានដាក់គោលដៅត្រួតពិនិត្យអាវុធជាតិផ្ទុះ ជាតិស្រវឹង និងបទល្មើសផ្សេងៗ ដើម្បីបង្ការ ទប់ស្កាត់ រាល់បទល្មើស នៅក្នុងមូលដ្ឋាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងកាលពីយប់ថ្ងៃទី ៧ ខែធ្នូ ឆ្នាំ ២០២៤ លោក ថេង សុថុល អភិបាល នៃគណៈអភិបាលខណ្ឌ ៧ មករា និងជាប្រធានគណៈបញ្ជាការឯកភាព បានដឹកនាំផ្ទាល់កម្លាំងចម្រុះដាក់គោលដៅត្រួតពិនិត្យអាវុធជាតិផ្ទុះ ស្រវឹង និងបទល្មើសផ្សេងៗ ក្នុងមូលដ្ឋាន ដើម្បីបង្ការ ទប់ស្កាត់ និងបង្កើនសន្តិសុខជូនប្រជាពលរដ្ឋឲ្យមានភាពប្រសើរ។

លោក ថេង សុថុល ប្រធានគណៈបញ្ជាការឯកភាព ដឹកនាំចុះផ្ទាល់ បានឲ្យដឹងថា ការចុះត្រួតពិនិត្យ និងអនុវត្តច្បាប់ចរាចរណ៍នេះ យោងតាមថ្នាក់ដឹកនាំដែលដាក់បទបញ្ជាឲ្យដាក់ត្រួតពិនិត្យជាប់ជាប្រចាំ និងតាមបណ្ដាគោលដៅផ្សេងៗ ក្នុងមូលដ្ឋាន ដើម្បីបង្ការ ទប់ស្កាត់ រាល់បទល្មើស ជាពិសេសបទល្មើសគ្រោះថ្នាក់ចរាចរណ៍កើតឡើងក្នុង ១ ថ្ងៃៗ ជាច្រើនករណី បណ្ដាលឲ្យមានមនុស្សរងរបួស និងស្លាប់ជាប់ជាប្រចាំផងដែរ។ ក្នុងនោះ ដើម្បីកាត់បន្ថយគ្រោះថ្នាក់ចរាចរណ៍ សូមចូលរួមគោរពច្បាប់ចរាចរណ៍ទាំងអស់គ្នា និង កុំបើកបរក្នុងពេលស្ថានភាពស្រវឹង។

ឆ្លៀតក្នុងឱកាសនោះ លោកវរសេនីយ៍ទោ ជុន ប៊ុនណាន អធិការនគរបាលខណ្ឌ ៧ មករា ក៏បានធ្វើការអំពាវនាវដល់ប្រជាពលរដ្ឋឲ្យចូលរួមសហការជាមួយកម្លាំងសមត្ថកិច្ចដែលចុះអនុវត្តច្បាប់ចរាចរណ៍តាមគោលដៅ ជាប្រយោជន៍ដើម្បីកាត់បន្ថយគ្រោះថ្នាក់ចរាចរណ៍ជាយថាហេតុ៕

អត្ថបទ ៖ សុភា