ចរាចរណ៍

សង្ស័យបើកម៉ូតូលឿន ខណៈដល់ផ្លូវបំបែកជាបួនជ្រុលបុករថយន្ត ១ គ្រឿង ស្លាប់ភ្លាមៗ នៅនឹងកន្លែង

បានផុស

១២ ខែ មុន

នៅ

ថ្ងៃសុក្រ ៩ ឧសភា ២០២៥

ដោយ

បុរសម្នាក់ ទើបចេញមកពីកន្លែងហូបចុក សង្ស័យបើកម៉ូតូលឿន ខណៈមកដល់ផ្លូវបំបែកជាបួនជ្រុលទៅបុកពេញទំហឹងជាមួយរថយន្ត ១ គ្រឿងទៀត បណ្ដាលឲ្យស្លាប់ភ្លាមៗ នៅនឹងកន្លែងកើតហេតុ។ ចំណែកឯរថយន្តបានបើកចេញពីកន្លែងកើតហេតុ រួចទុករថយន្តចោលរត់បាត់ស្រមោល។

ហេតុការណ៍នេះបានកើតឡើងកាលពីវេលាម៉ោង ១ និង ១០ នាទី រំលងអធ្រាត្រ ឈានចូលថ្ងៃទី ៩ ខែឧសភា ឆ្នាំ ២០២៥ ស្ថិតតាមបណ្ដោយផ្លូវ ១៨២ កែង ២១១ សង្កាត់វាលវង់ ខណ្ឌ ៧ មករា រាជធានីភ្នំពេញ។

តាមប្រភពពីមិត្តភ័ក្ដិជនរងគ្រោះបានឲ្យដឹងថា មុនពេលកើតហេតុពួកគេបាននាំគ្នាមកហូបចុកនៅមុខផ្សារអូរឫស្សី លុះដល់ពេលស្រវឹងតិចៗ ផង ជនរងគ្រោះក៏បានសុំចេញទៅមុន។ ក្នុងនោះ គាត់(មិត្តភ័ក្ដិជនរងគ្រោះ) បានជិះមកតាមក្រោយ ក៏ឃើញជនរងគ្រោះបានស្លាប់បាត់ទៅហើយ។

ដោយឡែកបើតាមប្រភពពីកន្លែងកើតហេតុបានឲ្យដឹងថា មុនពេលកើតហេតុគេបានឃើញបុរសម្នាក់ ជិះម៉ូតូម៉ាក Honda Dream c125 ពាក់ផ្លាកលេខ កណ្ដាល 1AU-2208 តាមបណ្ដោយផ្លូវ ១៨២ ទិសដៅពីកើតទៅលិច ខណៈមកដល់ចំណុចផ្លូវបំបែកជាបួនបានជ្រុលទៅបុករថយន្ត ព្រុស ពាក់ផ្លាកលេខ ភ្នំពេញ 2BG-8230 តាមបណ្ដោយផ្លូវ ២១១ ក្នុងទិសដៅពីត្បូងទៅជើង បណ្ដាលឲ្យអ្នកជិះម៉ូតូស្លាប់ភ្លាមៗ។

ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ធ្វើការវាស់វែងយកម៉ូតូ រួមទាំងរថយន្ត រក្សាទុក និងប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី៕

អត្ថបទ ៖ ម៉េង