ព័ត៌មានជាតិ
មកស្គាល់ប្រេងកូឡាខ្មែរ ៤ ម៉ាក កំពុងវាយលុកទីផ្សារក្នុងស្រុក ខ្លះមានប្រវត្តិបង្កើតជាង ២០ ឆ្នាំ
កន្លងទៅពលរដ្ឋខ្មែរស្គាល់ប្រេងកូឡានាំចូលពីបរទេស ខណៈប្រេងកូឡាផលិតក្នុងស្រុកហាក់មិនសូវមានការផ្សព្វផ្សាយនិងការស្គាល់ជាទូទៅ បើទោះបីប្រេងកូឡាខ្លះមានប្រវត្តិបង្កើតជាង ២០ ឆ្នាំ។
ប្រេងកូឡាខ្មែរក្នុងស្រុកចំនួន ៤ ម៉ាក នេះ កំពុងទទួលការចាប់អារម្មណ៍ និងចាប់ផ្តើមស្រួបទាញការគាំទ្រពីពលរដ្ឋខ្មែរ ក្រោយពេលកំសួលនៃការធ្វើពហិការទំនិញថៃពីពលរដ្ឋកើនឡើងពីមួយថ្ងៃទៅមួយថ្ងៃ។
ប្រេងកូឡា ៩៩៩ របស់សហគ្រាសខ្មែរម៉េងទ្រី ៩៩៩
ប្រេងកូឡា ៩៩៩ របស់សហគ្រាសខ្មែរម៉េងទ្រី ៩៩៩ បានឈរជើងក្នុងទីផ្សារក្នុងស្រុកជាង ២ ទសវត្សរ៍មកហើយតាំងពីឆ្នាំ ២០០២។
លោក ស៊ឹម ម៉េងទ្រី ម្ចាស់សិប្បកម្មផលិតប្រេងកូឡាខ្មែរម៉េងទ្រី ៩៩៩ បានប្រាប់កម្ពុជាថ្មីថា ពលរដ្ឋខ្មែរស្គាល់សហគ្រាសរបស់លោកតាមរយៈប្រេងកូឡា និងប្រេងខ្យល់យីហោ ៩៩៩។
លោកថា សិប្បកម្មមានមូលដ្ឋានមកពីខេត្តប៉ៃលិន ដែលបច្ចុប្បន្នក្រៅពីផលិតប្រេងកូឡា ប្រេងខ្យល់ ក៏ផលិតបានផលិតផលជាច្រើនមុខផ្សេងទៀតមានដូចជាសាប៊ូដុះខ្លួន សាប៊ូកក់សក់ដែលផ្សំពីរុក្ខជាតិធម្មជាតិ។
ពាក់ព័ន្ធដំណើរការសិប្បកម្មខ្មែរម៉េងទ្រី ៩៩៩ លោក ស៊ឹម ម៉េងទ្រី បានអះអាងថា បានចុះបញ្ជីទទួលស្គាល់ពីអាជ្ញាធរយ៉ាងត្រឹមត្រូវ។
ប្រេងកូឡារូបនាគព្រួសភ្លើង
ប្រេងកូឡា និងប្រេងខ្យល់រូបនាគព្រួសភ្លើងជាសហគ្រាសខ្មែរមួយទៀតដែលបានចុះបញ្ជីការនៅឆ្នាំ ២០១០។
ដោយវិវឌ្ឍពីសិប្បកម្មធ្វើដោយដៃទៅជាសហគ្រាសពាក់កណ្ដាលស្វ័យប្រវត្តិ សហគ្រាសផលិតប្រេងកូឡារូបនាគព្រួសភ្លើង នៅតែបន្តរក្សារូបមន្តបុរាណនៃការផលិតប្រេងកូឡា និងប្រេងខ្យល់ដើម្បីបម្រើតម្រូវការអតិថិជន។
ប្រេងកូឡា និងប្រេងខ្យល់របស់សហគ្រាសផលិតប្រេងកូឡាសញ្ញានាគព្រួសភ្លើង ប្រើប្រាស់វត្ថុធាតុដើមផលិតផ្សំពីប្រទាលឱសថធម្មជាតិ ដែលបានដាំដុះលើដីដ៏មានជីជាតិក្នុងខេត្តបាត់ដំបង។
បើតាមម្ចាស់សហគ្រាសប្រេងកូឡាខ្មែររូបនាគព្រួសភ្លើង អ្នកស្រី អូន សុគន្ធា បានឲ្យដឹងថា សហគ្រាសមានចក្ខុវិស័យក្នុងការរួមចំណែកគាំទ្រផលិតកម្មក្នុងស្រុក និងបណ្តុះស្មារតីជាតិនិយមសម្រាប់មនុស្សជំនាន់ក្រោយ។
បច្ចុប្បន្នផលិតផលប្រេងកូឡា ប្រេងខ្យល់របស់សហគ្រាសរូបនាគព្រួសភ្លើង មានលក់នៅផ្សារទំនើបធំៗដូចជា ផ្សារទំនើប ជីប ម៉ុង ម៉ាក្រូ និងអ៊ីអន និងតាមឱសថដ្ឋាននានាទូទាំងប្រទេសកម្ពុជា។
ប្រេងកូឡាសញ្ញាដំរី ៥ (5 ELEPHANTS)
ប្រេងកូឡាសញ្ញាដំរី ៥ (5 ELEPHANTS) ជាផលិតផលរបស់សហគ្រាស វ៉ាយ ស៊ី នេតឈ័រ ( Y.C NATURE )។
ប្រេងកូឡា និងប្រេងខ្យល់ខ្មែរសញ្ញាដំរី ៥ មានរោងចក្រផលិតនៅក្នុងស្រុក។ សហគ្រាសនេះដឹកនាំគ្រប់គ្រងដោយស្រ្តីខ្មែរដ៏ឆ្នើមមួយរូបគឺអ្នកស្រី យន់ ចិន្ដា ដែលកាលពីឆ្នាំ ២០២៥ ទទួលបានពានរង្វាន់ GREAT LEADERSHIP CEO EXCELLENCE 2025។
ការផ្តល់ពានរង្វាន់នេះដោយសារការដាក់ចេញគោលការណ៍របស់ក្រុមហ៊ុនក្នុងការជួយដល់សង្គម។ បើតាមអ្នកស្រី យន់ ចិន្តា ប្រាក់ចំណូលដែលបានមកពីការលក់ប្រេងកូឡាចំនួន ១ ក្លង ក្រុមហ៊ុនបានបរិច្ចាគចំនួនថវិកា ២០០ រៀល ផ្ដល់ជូនដល់អង្គការកុមារពិការខួរក្បាលអូទីសឹម ( KPF)។
ប្រេងកូឡា ម៉ម ពន្លៃ
ប្រេងកូឡា ម៉ម ពន្លៃ មានទីតាំងនៅខេត្តត្បូងឃ្មុំ ដែលក្រៅពីមានផលិតប្រេងកូឡា ក៏មានប្រេងខ្យល់ផងដែរ។ វត្ថុធាតុដើមសម្រាប់ផលិតមានដូចជា ពន្លៃ រមៀត គល់ស្លឹកគ្រៃ ប្រេងល្ងខ្មៅ ប្រទាលកន្ទុយក្រពើ។ សិប្បកម្មលក្ខខណៈគ្រួសារនេះមានលទ្ធភាពផលិតបានប្រមាណ ១ ០០០ ទៅ ២ ០០០ ដបក្នុងមួយថ្ងៃ។
ប្រេងកូឡារបស់ខ្មែរនេះមានខ្នាតតូចនិងធំ ហើយតម្លៃមានចាប់ពី ៥ ០០០ រៀល ដល់ ១០ ០០០ រៀល៕
-
ព័ត៌មានអន្ដរជាតិ៧ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា៣ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ២ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សន្តិសុខសង្គម១ សប្តាហ៍ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៣ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានអន្ដរជាតិ៤ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានជាតិ១៤ ម៉ោង agoរោងចក្រផលិតជីក្រុមហ៊ុន ម៉ុង ឫទ្ធី ចាយទុនប្រមាណ ១០ លាន នឹងចាប់ផ្តើមផលិតចែកចាយលក់ក្នុងតម្លៃទាបជួយកសិករដាំដុះដំណាំកសិកម្ម
-
ព័ត៌មានអន្ដរជាតិ៧ ថ្ងៃ agoមេ Scammer និងជាឧក្រិដ្ឋជន នៃបណ្តាញជួញដូរមនុស្សអន្តរជាតិ ត្រូវចាប់បាននៅ ថៃ