ពលរដ្ឋថៃ បារម្ភខ្លាំងក្រោយរកឃើញសារធាតុអាសេនិចក្នុងទន្លេ Salween លើសកម្រិតសុវត្ថិភាព៥ដង

យោងតាមការចេញផ្សាយរបស់ Amarintv នៅថ្ងៃទី៣១ខែតុលា សហគមន៍ដែលរស់នៅតាមដងទន្លេ Salween ភាគខាងជើងប្រទេសថៃ កំពុងមានការព្រួយបារម្ភកាន់តែខ្លាំងឡើងបន្ទាប់ពីមានរបាយការណ៍ថាទឹកទន្លេនេះមានកម្រិតអាសេនិចខ្ពស់ជាងកម្រិតសុវត្ថិភាពប្រាំដងឯណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការធ្វើតេស្តរបស់អ្នកស្រាវជ្រាវបានរកឃើញគំរូទឹកពីតំបន់ជាច្រើនតាមដងទន្លេក្នុងខេត្ត Mae Hong Sonមានកម្រិតគ្រោះថ្នាក់ពីសារធាតុអាសេនិច ដែលទំនងជាបណ្តាលមកពីសកម្មភាពរុករករ៉ែនៅផ្នែកខាងលើ។

ការរកឃើញនេះបានធ្វើឲ្យប្រជាពលរដ្ឋដែលពឹងផ្អែកលើទឹកទន្លេសម្រាប់ផឹក ចម្អិនអាហារ និងធ្វើស្រែចម្ការនិយាយថាពួកគេមានការព្រួយបារម្ភយ៉ាងខ្លាំងអំពីហានិភ័យសុខភាពដែលអាចកើតមាន។ មនុស្សជាច្រើនខ្លាចថាការបំពុលអាចប៉ះពាល់ដល់គ្រួសារ និងបំផ្លាញជីវភាពរស់នៅរបស់ពួកគេ ប្រសិនបើមិនមានសកម្មភាពណាមួយធ្វើឡើងក្នុងពេលឆាប់ៗនេះទេ។

អ្នកភូមិកំពុងជំរុញឱ្យភ្នាក់ងាររដ្ឋាភិបាលថៃស៊ើបអង្កេតជាបន្ទាន់ បញ្ជាក់លទ្ធផលតេស្ត និងផ្តល់ការណែនាំអំពីសុវត្ថិភាពច្បាស់លាស់ដើម្បីការពារអ្នកដែលរស់នៅតាមដងទន្លេ៕

អត្ថបទ៖ ប៊ុន សុភាព