ភ្នំភ្លើង Semeru នៅ ឥណ្ឌូណេស៊ី ផ្ទុះជាលើកទី២

ភ្នំភ្លើង Semeru បានផ្ទុះឡើងម្តងទៀតនាថ្ងៃសៅរ៍ទី២២ ខែវិច្ឆិកា ដោយបានបញ្ជូនដុំផ្សែងដ៏អាប់អួរ និងជះកម្អែលប្រហែល ១,០០០ ម៉ែត្រពីលើកំពូលនៅក្នុងខេត្ត East Java នៃប្រទេសឥណ្ឌូណេស៊ី នេះបើយោងតាមរបាយការណ៍របស់ប្រព័ន្ធផ្សព្វផ្សាយក្នុងស្រុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទូរទស្សន៍ Kompas TV បានរាយការណ៍ថា ភ្នំភ្លើង Semeru បានបង្ហាញពីការកើនឡើងយ៉ាងខ្លាំងនៃសកម្មភាពភ្នំភ្លើង ដោយមានឧបករណ៍ត្រួតពិនិត្យកត់ត្រាការផ្ទុះចំនួន ១៥៧ កំឡុងពេលសង្កេតចុងក្រោយនេះ។ ក្រុមត្រួតពិនិត្យក៏បានកត់ត្រាការរញ្ជួយដីចំនួន ១៧ លើក និងការរញ្ជួយដីចំនួន ១៩លើកផងដែរ។

យ៉ាងណាមិញ កាលពីថ្ងៃព្រហស្បតិ៍ អាជ្ញាធរបាននិយាយថា អ្នកស្រុកជិត ១,០០០នាក់ ត្រូវបានជម្លៀសចេញពីភូមិជុំវិញភ្នំ Semeru បន្ទាប់ពីការផ្ទុះភ្លាមៗ ខណៈដែលអ្នកឡើងភ្នំចំនួន ១៧៨ នាក់ផ្សេងទៀតកំពុងជួយសង្គ្រោះ។

មួយថ្ងៃមុននេះ បន្ទាប់ពីការផ្ទុះ ទីភ្នាក់ងារភ្នំភ្លើងរបស់ប្រទេសបានដំឡើងស្ថានភាពប្រកាសអាសន្នដល់កម្រិតខ្ពស់បំផុតគឺកម្រិត IV ។

សូមបញ្ចាក់ដែរថា ភ្នំភ្លើង Semeru ឈរនៅកម្ពស់ ៣,៦៧៦ ម៉ែត្រ ពីលើនីវ៉ូទឹកសមុទ្រ គឺជាភ្នំភ្លើងសកម្មបំផុតមួយក្នុងប្រទេស មានប្រវត្តិនៃការផ្ទុះដ៏យូរមកហើយ ដែលមួយចំនួនបានបណ្តាលឲ្យមនុស្សស្លាប់ជារឿយៗ។ នោះក៏ដោយសារតែឥណ្ឌូណេស៊ីមានទីតាំងនៅលើមហាសមុទ្រប៉ាស៊ីហ្វិក «Ring of Fire» ដូច្នេះតែងតែជួបប្រទះនឹងសកម្មភាពរញ្ជួយដីជាញឹកញាប់ ហើយជាជម្រករបស់ភ្នំភ្លើងសកម្មជាង ១២០ឯណោះ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ពូទីន នឹងបើកសិទ្ធដល់ពលរដ្ឋ ចិន ចូល រុស្ស៊ី ដោយគ្មានទិដ្ឋាការ