ជំងឺសួតឪពុក នាយក្រិន កាន់ធ្វើទុក្ខខ្លាំងដំណាក់កាលចុងក្រោយនៃជីវិត

តារា​កំប្លែង​មាឌ​ល្អិត​អភ័ព្វស្នេហ៍លោក ទេស សុជន ហៅ​នាយ​ ក្រិន និងក្រុមគ្រួសារពេលនេះកំពុងជួបទុក្ខ ខណ:លោកឪពុកជាទីស្រលាញ់ដែលមានវ័យជរាមានជំងឺសួតធ្វើទុក្ខធ្ងន់ធ្ងរ ដំណាក់កាលចុងក្រោយនៃជីវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្តែងលោក សាវិន ហ្វីលីព ដែលជាអ្នកសិល្ប: ជិតដិតជាមួយតារាកំប្លែងនាយ ក្រិន បានបញ្ជាក់ឱ្យដឹងថា ឪពុករបស់នាយ ក្រិន បាននិងកំពុងធ្វេីទុក្ខជំងឺសួតខ្លាំងដែលនេះជាដំណាក់កាលចុងក្រោយនៃជីវិតឪពុកគាត់។ លោកថា “ព្រះសង្ឃកំពុងឱ្យធម៌ដល់ឪពុកនាយ ក្រិន ផងដែរ”។

តារាកំប្លែងនាយ ក្រិន បច្ចុប្បន្នក្រៅពីរស់នៅចិញ្ចឹមកូនៗទាំង៣នាក់លោកក៏មានតួនាទីមើលថែជំងឺឪពុកដែលធ្លាក់ខ្លួនឈឺរយ:ពេលជាច្រើនឆ្នាំមកហើយនៅទឹកដីកំណើតឯខេត្តបាត់ដំបង។ ដំណឹងនេះដែរបានធ្វើឱ្យមហាជនអ្នកគាំទ្របង្ហាញក្តីអាណិតអាសូរ និងជួនពរឱ្យឪពុកជាទីស្រឡាញ់របស់នាយ ក្រិន បានជាសះស្បើយពីជំងឺ។

ប្រាកដណាស់មហាជននិងអ្នកគាំទ្រកត់សម្គាល់ថាកន្លងមកនាយ ក្រិន បានឃ្លាតឆ្ងាយពីសិល្ប:ស្ទើរទាំងស្រុកស្របពេលមហាជននិងអ្នកគាំទ្រកត់សម្គាល់ថាការបាត់ដំណឹងពីសិល្ប:របស់នាយ ក្រិនកាលណោះ គឺ​ចាប់តាំងពី​នាយជួបរឿងអកុសលត្រូវបែកបាក់ភរិយាទី២ រហូត​ឈានដល់​ផ្លូវ​លែងលះគ្នា។ មិនត្រឹមតែប៉ុណ្ណោះ អាជីពបើកហាងរបស់នាយ ក្រិន ក៏ត្រូវបានបិទទ្វាទាំងស្រុងព្រោះក្ស័យធន។

ដោយសារហេតុផលខាងលើនេះ ទើបកាលពី​ចុងឆ្នាំ​២០១៩ នាយ​ ក្រិន បាន​សម្រេចវេចបង្វិចនិងនាំកូនៗទាំង៣នាក់យ៉ាងកម្សត់ចាកចេញពីរាជធានីភ្នំពេញ ដើម្បីទៅរស់នៅឯស្រុកកំណើត នៅ​ខេត្តបាត់ដំបង៕ អត្ថបទ ៖ ចាន់រ៉ា