ព័ត៌មានអន្ដរជាតិ

តម្លៃប្រេងអន្តរជាតិធ្លាក់ចុះ ជុំវិញកង្វល់នៃកំណើនការផ្គត់ផ្គង់

បានផុស

៧ ខែ មុន

នៅ

ថ្ងៃព្រហស្បតិ៍ ២៧ វិច្ឆិកា ២០២៥

ដោយ

តម្លៃប្រេងអន្តរជាតិបានធ្លាក់ចុះសម្រាប់ការជួញដូរនៅលើទីផ្សារអាស៊ីនាព្រឹកថ្ងៃព្រហស្បតិ៍នេះ ដោយសារតែការរំពឹងទុកពីបទឈប់បាញ់នៃសង្រ្គាមអ៊ុយក្រែន-រុស្ស៊ី ដែលអាចឱ្យលោកខាងលិចបន្ថយទណ្ឌកម្មលើប្រេងរុស្ស៊ី ហើយបង្កើនការផ្គត់ផ្គង់សកល។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តម្លៃប្រេងឆៅនាពេលអនាគត ម៉ាក Brent បានធ្លាក់ចុះ ២១ សេន ឬ ០,៣% មកនៅត្រឹម ៦២,៩២ ដុល្លារ/បារ៉ែល 62.92 ដុល្លារក្នុងមួយបារ៉ែល គិតត្រឹមម៉ោង ៩ ព្រឹក នៅទីក្រុងហុងកុង ខណៈតម្លៃប្រេងឆៅអាមេរិក ម៉ាក West Texas Intermediate (WTI) របស់សហរដ្ឋអាមេរិកវិញ បានធ្លាក់ចុះ ២១ សេន ឬ ០,៤% មកត្រឹម ៥៨,៤៤ ដុល្លារ/បារ៉ែល។

តម្លៃប្រេងទាំង ២ បានកើនឡើងប្រហែល ១% ពេលបិទការជួញដូរថ្ងៃពុធ នៅពេលវិនិយោគិនបន្តវាយតម្លៃពីហានិភ័យពាក់ព័ន្ធនឹងការផ្គត់ផ្គង់ និងលទ្ធភាពដំណោះស្រាយសន្តិភាពអ៊ុយក្រែន-រុស្ស៊ី។ ទោះបីជាយ៉ាងណាក៏ដោយ កត្តាទាំង២នេះ រួមចំណែកដល់ការអត្រាតម្លៃប្រេងនាពេលកន្លងមក ដែលឡើងចុះនៅក្នុងរង្វង់ក្បែរ ៦០ ដុល្លារ/បារ៉ែល ជាច្រើនសប្ដាហ៍រួមមកហើយ។

ក្រៅពីបញ្ហាអ៊ុយក្រែន-រុស្ស៊ី កំណើនប្រេងឆៅក្នុងស្ដុករបស់សហរដ្ឋអាមេរិក ដែលច្រើនជាងការរំពឹងទុកក៏បានជះឥទ្ធិពលដល់ទីផ្សារផងដែរ។

រដ្ឋបាលព័ត៌មានថាមពលបានឱ្យដឹងកាលពីថ្ងៃពុធថា ស្តុកប្រេងឆៅរបស់សហរដ្ឋអាមេរិកបានកើនឡើង ២,៨ លានបារ៉ែល ដល់ ៤២៦,៩ លានបារ៉ែលកាលពីសប្តាហ៍មុន ខណៈការនាំចូលបានកើនឡើងដល់កម្រិតខ្ពស់បំផុតក្នុងរយៈពេល ១១ សប្តាហ៍។ អ្នកវិភាគ បានរំពឹងថានឹងពីកំណើនប្រេងក្នុងស្តុកត្រឹមតែ ៥៥ ០០០ ប៉ុណ្ណោះ។

ឥឡូវនេះ វិនិយោគិនកំពុងរងចាំមើលពីការសម្រេចចិត្តរបស់អង្គការនៃប្រទេសនាំចេញប្រេងកាត និងសម្ព័ន្ធមិត្ត (OPEC+) ក្នុងកិច្ចប្រជុំនាថ្ងៃអាទិត្យខាងមុខ ថាតើនឹងបង្កើនផលិតកម្ម ឬយ៉ាងណា៕