កីឡា

លោក MCCONKEY ឆ្លើយតបដូចនេះចំពោះសំនួរថាប៉ះ Johor គួរទម្លាក់ទប់ ឬការពារវាយបក..

បានផុស

៦ ខែ មុន

នៅ

ថ្ងៃពុធ ៣ ធ្នូ ២០២៥

ដោយ

គ្រូបង្វឹករបស់ក្លឹបបាល់ទាត់ព្រះខ័នរាជ្យស្វាយរៀង លោក MATTHEW MCCONKEY ថាមុនការប្រកួតជាមួយខ្លាំងក្រុម Johor មកដល់នេះមានគេសួរសំនួរច្រើនថាលេងទម្រង់ទម្លាក់មកការពារ ឬការពារវាយបក ទាំងនេះមិនមែនជាអ្វីដែលក្រុមគួរធ្វើសម្រាប់ការប្រកួតនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក MATTHEW MCCONKEY

លោក MATTHEW MCCONKEY បានឲ្យក្នុងសន្និសីទសារព័ត៌មានថា មុនការប្រកួតជាមួយ Johor នេះមកដល់លោកលឺច្រើនអំពីថាព្រះខ័នរាជ្យស្វាយរៀងគួរលេងទម្រង់យ៉ាងណាប៉ះក្រុមខ្លាំងមកពីម៉ាឡេស៊ីលើកនេះ។ អ្នកខ្លះលើកឡើងថាលេងទម្រង់ទម្លាក់មកទប់ ឬលេងទម្រង់ការពារវាយបកវិញ និងមានមតិយោបល់ច្រើនអំពីរឿងនេះ។

សន្និសីទសារព័ត៌មានមុនប្រកួត

ឆ្លើយតបនិងរឿងនេះលោក MATTHEW MCCONKEY ការលេងទម្រង់ទម្លាក់មកទប់ ឬការពារវាយបក ចំណុចទាំងនេះគឺមិនមែនជាអ្វីដែលក្រុមព្រះខ័នរាជ្យស្វាយរៀងគួរធ្វើសម្រាប់ការប្រកួតនោះទេ។ រឿងដែលសំខាន់គឺក្រុមត្រូវលេងទៅតាមផែនការដែលបានរៀបចំ។ ចំពោះលទ្ធផលឈ្នះ-ចាញ់ ឬស្មើ យ៉ាងណានោះក្រុមនឹងទទួលបានអ្វីមួយពីការប្រកួតមួយនេះ។ ដូច្នេះក្រុមនៅរក្សាទម្រង់លេងមួយតាមផែនការ និងគ្រប់គ្រងការប្រកួតតាមរយៈក្រុមមានបាល់ជាដើម។

គ្រូបង្វឹករបស់ក្រុម Johor

បញ្ជាក់ដែរថា ការប្រកួតវគ្គសន្សំពិន្ទុក្នុងពូល B នៃពានរង្វាន់ ASEAN Club Championship (Shopee Cup) រវាងព្រះខ័នរាជ្យស្វាយរៀង និង Johor Darul Ta’zim នេះនឹងធ្វើឡើងនៅយប់ថ្ងៃទី៤ ខែធ្នូ ឆ្នាំ២០២៥ នៅពហុកីឡដ្ឋានមរតកតេជោ វេលាម៉ោង ៧តទៅ។ Johor Darul Ta’zim ជាក្រុមខ្លាំងមួយនៅតំបន់អាស៊ាន និងកំពុងឈរលេខ១ ក្នុងពូល B មាន ៦ពិន្ទូនៃពានរង្វាន់ Shopee Cup នេះទៀតផងក្រោយ ២ប្រកួតឈ្នះទាំង ២ប្រកួត និងស៊ុតបញ្ចូលទីដៃគូបានរហូត ៧គ្រាប់ និងរបូតវិញតែ ១គ្រាប់ប៉ុណ្ណោះ៕