កីឡា

គោរមៈ ច័ន្ទរាជ្យ និង រិន សារ័ត្ន កំពុងបុកហាត់ខ្លាំងត្រៀមប៉ះម្ចាស់ផ្ទះវៀតណាម

បានផុស

៧ ខែ មុន

នៅ

ថ្ងៃពុធ ១០ ធ្នូ ២០២៥

ដោយ

កីឡាករជើងខ្លាំងរបស់កម្ពុជា គោរមៈ ច័ន្ទរាជ្យ និង រិន សារ័ត្ន កំពុងបុកហ្វឹកហាត់ខ្លាំងដើម្បីពង្រឹងសមត្ថភាពត្រៀមជួបម្ចាស់ផ្ទះវៀតណាមលើសង្វៀន GMA ថ្ងៃទី២៧ ខែធ្នូ ឆ្នាំ២០២៥ ខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គូប្រកួតរបស់ គោរមៈ ច័ន្ទរាជ្យ

អ្នកលេងគុនខ្មែរ គោរមៈ ច័ន្ទរាជ្យ បានឲ្យដឹងថា រូបគេរួមទាំងសិស្សច្បងគឺកំពុងបុកហ្វឹកហាត់ខ្លាំងធ្វេដង ព្រោះត្រូវប៉ះជើងខ្លាំងវៀតណាមហើយនៅលើទឹកដីរបស់គេទៀត។ ចំណុចសំខាន់នៃការហ្វឹកហាត់នេះគឺហាត់ផ្ដោតលើកម្លាំងតែម្ដង ដោយសារតែនៅចាញ់ប្រៀបផ្នែកកម្លាំងនេះ។

កូនសិស្សលោក ហ៊ុន ច័ន្ទរាជ្យ រូបនេះបន្ថែមទៀតថា ចំពោះស្នៀតប្រយុទ្ធវិញគឺប្រហាក់ប្រហែលគ្នានោះទេ ប៉ុន្តែកម្លាំង និងការចាប់កីឡាករវៀតណាមល្អជាង។ ហេតុនេះហើយដែលរូបគេត្រូវពង្រឹងសមត្ថភាព និងប្រឹងហាត់ធ្វេដងដើម្បីទប់ទល់ក្នុងការប្រកួតនេះបាន។

គូប្រកួតរបស់ រិន សារ័ត្ន

បញ្ជាក់ដែរថា ថ្ងៃទី២៧ ខែធ្នូ ឆ្នាំ២០២៥ ខាងមុខនេះកីឡាករកម្ពុជា ៣រូបនឹងត្រូវប្រកួតនៅលើសង្វៀន GMA ឯប្រទេសវៀតណាម។ គោរមៈ ច័ន្ទរាជ្យ ប៉ះ Bui Troung Sinh ចំណែក រិន សារ័ត្ន ប៉ះ Nguyen Vu Phuong Hoai អ្នកទាំងពីរត្រូវដណ្ដើមខ្សែក្រវាត់។ ចំណែក អធិជ័យ ច័ន្ទរាជ្យ ប្រកួតមិត្តភាព៕