កីឡា

អនុប្រធានសហព័ន្ធតេក្វាន់ដូ ITF ភាពខ្លាំង និងលេចធ្លោរបស់កីឡាមួយនេះគឺមានមេដឹកនាំល្អ

បានផុស

៤ ខែ មុន

នៅ

ថ្ងៃពុធ ៣១ ធ្នូ ២០២៥

ដោយ

អនុប្រធានសហព័ន្ធកីឡាតេក្វាន់ដូ ITF ថាភាពខ្លាំង និងលេចធ្លោរបស់កីឡាមួយនេះគឺមានមេដឹកនាំល្អលោក កែវ រ៉េមី ក្នុងរយៈពេលប្រហែល ១០ឆ្នាំមកនេះសមិទ្ធផល កេរ្តិ៍ឈ្មោះទាំងក្នុងថ្នាក់ជាតិ លើឆាកអន្តរជាតិ ទទួលបានការគោរពស្រឡាញ់ច្រើន។

លោក ផាន់ វណ្ណរ័ត្ន អនុប្រធានសហព័ន្ធ

លោក ផាន់ វណ្ណរ័ត្ន អនុប្រធានសហព័ន្ធកីឡាតេក្វាន់ដូ ITF បានឲ្យដឹងថា ការប្រកួតជ្រើសរើសជើងឯកថ្នាក់ជាតិដែលបញ្ចប់ទៅនេះគឺដំណើរការបានល្អប្រសើរទាំងការរៀបចំ មន្ត្រីបច្ចេកទេស ចៅក្រម អាជ្ញាកណ្ដាលគ្រប់គ្រងការប្រកួតបានល្អដោយមិនមានបញ្ហាប្រឈមអ្វីឡើយ។ មួយវិញទៀតដោយសារតែសហព័ន្ធធ្លាប់មានបទពិសោធច្រើនមកហើយពិសេសការទទួលរៀបចំការប្រកួតជើងឯកអាស៊ីអាគ្នេយ៍អំឡុងកន្លះឆ្នាំមុននេះ។

លោក កែវ រ៉េមី ប្រធានសហព័ន្ធ

អនុប្រធានខាងលើបន្តទៀតថា តាមរយៈសមត្ថភាពដ៏ល្អលេចធ្លោរបស់កីឡាករ កីឡារិនី កេរ្តិ៍ឈ្មោះល្បីក្នុងមជ្ឈដ្ឋានកីឡានៅកម្ពុជា សមិទ្ធផលមេដាយគ្រប់កម្រិតលើឆាកអន្តរជាតិទាំងនេះគឺបានដោយសារតែមានមេដឹកនាំល្អគឺលោក កែវ រ៉េមី អំឡុងរយៈពេលប្រហែល ១០ឆ្នាំមកនេះ។ ដូច្នេះហើយការខំប្រឹងប្រែងហ្វឹកហាត់របស់ក្រុមកីឡាករ កីឡាការិនីផង រួមផ្សំជាមួយការប៉ិនប្រសព្វក្នុងការដឹកនាំ និងការលៈបង់គ្រប់បែបយ៉ាងរបស់លោក កែវ រ៉េមី ទើបធ្វើឲ្យកីឡាមួយនេះរីកចម្រើនខ្លាំងបានដូចឃើញស្រាប់នៅពេលនេះ។

ទិដ្ឋភាពបិទការប្រកួតម្សិលមិញ

បញ្ជាក់ដែរថា សហព័ន្ធកីឡាតេក្វាន់ដូ ITF បានបិទបញ្ចប់ការប្រកួតជ្រើសរើសជើងឯកថ្នាក់ជាតិរបស់ខ្លួនហើយកាលពីថ្ងៃទី៣០ ខែធ្នូ ឆ្នាំ២០២៥ នៅសកលវិ់ទ្យាល័យភូមិន្ទភ្នំពេញក្រោយដំណើរការរៀបចំតាំងពីថ្ងៃទី២៨ ខែធ្នូ នេះ។ ចំណាត់ថ្នាក់លេខ១ បានលើក្រុមក្រសួងមហាផ្ទៃ ឈ្នះមេដាយសរុប ២៤ មាស១៤ ប្រាក់៨ សំរឹទ្ធ២។ លេខ២ បានលើក្រសួងសេដ្ឋកិច្ច ឈ្នះមេដាយសរុប ១២ មាស៥ ប្រាក់៤ សំរឹទ្ធ៣។ លេខ៣ បានលើក្រុមវីរភាពកីឡា ខេត្តបន្ទាយមានជ័យ ឈ្នះមេដាយសរុប ៦ មាស២ សំរឹទ្ធ៤៕