ព័ត៌មានអន្ដរជាតិ

ចិនពង្រឹងចំណងមិត្តភាពជាមួយអៀរឡង់ ពង្រីកដៃគូនៅតំបន់អ៊ឺរ៉ុប

បានផុស

៦ ខែ មុន

នៅ

ថ្ងៃចន្ទ ៥ មករា ២០២៦

ដោយ

ប្រធានាធិបតីចិន លោក ស៊ី ជីនពីង បានប្រាប់នាយករដ្ឋមន្ត្រីអៀរឡង់កាលពីថ្ងៃចន្ទ ថា ខ្លួនចង់ពង្រឹងទំនាក់ទំនងទ្វេភាគីឱ្យកាន់តែរឹងមាំជាមួយគ្នា ដែលជាមធ្យោបាយមួយក្នុងការជំរុញទំនាក់ទំនងជាមួយសហភាពអឺរ៉ុបផងដែរ។ នេះបើយោងតាមសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ី បានសង្កត់ធ្ងន់លើការគោរពគ្នាទៅវិញទៅមក និងការសម្រេចបាននូវលទ្ធផលឈ្នះ-ឈ្នះថា ជាបទពិសោធន៍ដ៏មានតម្លៃ សម្រាប់ការអភិវឌ្ឍយូរអង្វែង និងស្ថិរភាពនៃទំនាក់ទំនងចិន-អៀរឡង់ ការលើកឡើងនេះ បានថ្លែងក្នុងសុន្ទរកថាបើក នៅឯកិច្ចប្រជុំជាមួយនាយករដ្ឋមន្ត្រី លោក ម៉ាទីន [Micheal Martin] នៅមហាសាលប្រជាជន។

ជាក់ស្តែង ប្រទេសចិនបានបង្ហាញពីចំណាប់អារម្មណ៍កាន់តែខ្លាំងឡើង ក្នុងការចូលរួមជាមួយបណ្តាប្រទេសសហភាពអឺរ៉ុបជាលក្ខណៈបុគ្គល ខណៈដែលទំនាក់ទំនងជាមួយទីក្រុងព្រុចសែល [Brussels] នៅតែមានភាពល្អប្រសើរ។ ទីក្រុងប៉េកាំងក៏បានចាត់ទុកកិច្ចប្រជុំទ្វេភាគីជាមធ្យោបាយសម្រាប់បង្ហាញទស្សនៈរបស់ខ្លួនលើទំនាក់ទំនងជាមួយសហភាពអឺរ៉ុបផងដែរ។

លោក ស៊ី បានប្រាប់ លោក ម៉ាទីន ថាប្រទេសចិននិងសហភាពអឺរ៉ុបគួរបង្កើតទំនាក់ទំនងក្នុងរយៈពេលវែង ប្រកាន់យកវិធីសាស្រ្តដែលមានគោលបំណងច្បាស់លាស់ និងសមហេតុផល ចំពោះភាពខុសគ្នារបស់យើងទាំងពីរ ហើយសម្លឹងឆ្ពោះទៅរកកិច្ចសហប្រតិបត្តិការឈ្នះ-ឈ្នះ។ នេះបើយោងតាមទីភ្នាក់ងារសារព័ត៌មានរដ្ឋ Xinhua.

លោក ស៊ី បាននិយាយថា៖ «សង្ឃឹមថាអៀរឡង់នឹងដើរតួនាទីស្ថាបនាក្នុងការអភិវឌ្ឍន៍ប្រកបដោយភាពវៃឆ្លាត និងស្ថិរភាពនៃទំនាក់ទំនងចិន-សហភាពអឺរ៉ុប»។ ដោយសំដៅលើអៀរឡង់ដែលទទួលតំណែងជាប្រធានប្តូរវេននៃក្រុមប្រឹក្សាសហភាពអឺរ៉ុបនៅពាក់កណ្តាលចុងឆ្នាំនេះ។

យោងតាមសារព័ត៌មានរដ្ឋ Xinhua បានឱ្យដឹងថា ចិនចាប់អារម្មណ៍ក្នុងការសហការជាមួយអៀរឡង់ក្នុងវិស័យដូចជា បញ្ញាសិប្បនិមិត្ត សេដ្ឋកិច្ចឌីជីថល ឱសថ ក៏ដូចជាទេសចរណ៍ផងដែរ។

គួរឱ្យដឹងផងដែរថាអៀរឡង់គឺជាប្រទេសនាំចេញផលិតផលទឹកដោះគោដ៏ធំបំផុតរបស់អឺរ៉ុប ជាមួយការដឹកជញ្ជូនតាមកសិដ្ឋានច្រើនជាង ៩០ភាគរយនៃទិន្នផលសរុប ដែលមានតម្លៃប្រហែល ៦ប៊ីលានអឺរ៉ូ (៧.០២ប៊ីលានដុល្លារ)៕

ប្រែសម្រួល៖ ណឺ មិនា