ព័ត៌មានអន្ដរជាតិ

អាមេរិកបានចំណាយជិត២ប៊ីលានដុល្លារសម្រាប់គ្រោះមហន្តរាយអាកាសធាតុនៅឆ្នាំ២០២៥

បានផុស

៣ ខែ មុន

នៅ

ថ្ងៃសុក្រ ៩ មករា ២០២៦

ដោយ

សហរដ្ឋអាមេរិកបានចំណាយទឹកប្រាក់រហូតជិត២ប៊ីលានដុល្លារក្នុងឆ្នាំ២០២៥ សម្រាប់គ្រោះមហន្តរាយអាកាសធាតុ ដែលបណ្តាលឱ្យមនុស្សស្លាប់យ៉ាងតិច ២៧៦នាក់ និងខាតបង់ប្រាក់សរុប ១១៥ប៊ីលានដុល្លារ។

មនុស្សដើរកាត់តុលាការកំពូលរបស់សហរដ្ឋអាមេរិក។ Reuters

យោងតាមការចេញផ្សាយដោយ សារព័ត៌មាន ABC News ទោះជាយ៉ាងណា នេះជាលើកដំបូងនៃការវិភាគដែលរៀបរាប់ពីផលប៉ះពាល់ប្រចាំឆ្នាំនៃគ្រោះមហន្តរាយ ប៉ុន្តែវាមិនត្រូវបានចេញផ្សាយដោយរដ្ឋបាលមហាសមុទ្រ និងបរិយាកាសជាតិ (NOAA) របស់សហរដ្ឋអាមេរិកនោះទេ។

ជាក់ស្តែងបញ្ហានេះ កើតឡើងដោយសារតែការផ្សាយនានា ត្រូវបានបញ្ឈប់ដោយរដ្ឋបាល លោក ត្រាំ ក្នុងឆ្នាំ២០២៥ ចំពោះសំណុំទិន្នន័យអាកាសធាតុ និងគ្រោះមហន្តរាយអាកាសធាតុរាប់ពាន់លានដុល្លារ។ តែយ៉ាងណាអ្នកធ្វើការក្នុងវិស័យអង្គការក្រៅរដ្ឋាភិបាល [Climate Central] នៅតែបន្តជួយរកទិន្នន័យ និងថែទាំ Website ឱ្យដំណើរការជាដើម។

យ៉ាងណាក្តី កាលពីឆ្នាំមុន មានគ្រោះមហន្តរាយអាកាសធាតុ ចំណាយអស់ខ្ទង់២៣ប៊ីលានដុល្លារដាច់ដោយឡែក ដែលមានចំនួនសរុបប្រចាំឆ្នាំខ្ពស់បំផុតទីបីក្នុងកំណត់ត្រា នៅពីក្រោយឆ្នាំ២០២៣ និង ២០២៤។ នេះបើយោងតាមរបាយការណ៍ថ្មី ដែលចេញផ្សាយកាលពីថ្ងៃព្រហស្បតិ៍ ដោយអង្គការ Climate Central ។

ចំណែកមហន្តរាយដែលចាយលុយច្រើនជាងគេបំផុតនៃឆ្នាំ២០២៥ គឺភ្លើងឆេះព្រៃនៅទីក្រុង Los Angeles ក្នុងខែមករា ដែលបណ្តាលឱ្យមានការខូចខាតជាង ៦១ប៊ីលានដុល្លារ។ នេះបើយោងតាមការវិភាគ។

ការវិភាគបានបង្ហាញទៀតថា ការប្រែប្រួលអាកាសធាតុធ្ងន់ធ្ងរ រួមទាំងព្យុះ ផ្គរ រន្ទះ និងខ្យល់ព្យុះនាភាគត្បូងអាមេរិក បានចាយលុយយ៉ាងច្រើន ប្រហែល៩១ភាគរយ នៃគ្រោះមហន្តរាយផ្សេងទៀត។

តែយ៉ាងណា ការប្រែប្រួលអាកាសធាតុ ដែលបង្កឱ្យមានគ្រោះមហន្តរាយធំៗ និងចំណាយលុយច្រើន ឬជួយសង្គ្រោះ ភាគច្រើនកើតឡើងដោយសារសកម្មភាពមនុស្សប៉ុណ្ណោះ៕

ប្រែសម្រួល៖ ណឺ មិនា