សេដ្ឋកិច្ច

កម្ពុជានាំចេញទៅអង់គ្លេស សម្រេចបាននូវទំហំជាង ១ ពាន់លានដុល្លារ កើនជាង ៥% នៅឆ្នាំ ២០២៥

បានផុស

៤ ខែ មុន

នៅ

ថ្ងៃអាទិត្យ ១១ មករា ២០២៦

ដោយ

deth leng

កម្ពុជានាំចេញទៅអង់គ្លេសសម្រេចបានទំហំទឹកប្រាក់ប្រមាណ ១ ពាន់លានដុល្លារ នៅក្នុងឆ្នាំ ២០២៥ កើនឡើង ៥,៨% ធៀបនឹងឆ្នាំ ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមក្រសួងពាណិជ្ជកម្ម នៅក្នុងឆ្នាំ ២០២៥ ការដោះដូរទំនិញកម្ពុជា-អង់គ្លេសសម្រេចបានទំហំទឹកប្រាក់ ១,០៦ ពាន់លានដុល្លារ កើន ៥,៦៨% ក្នុងនោះ កម្ពុជានាំចេញទៅអង់គ្លេសសម្រេចបានទំហំទឹកប្រាក់ប្រមាណ ១ ពាន់លានដុល្លារ កើនឡើង ៥,៨% ចំណែកអង់គ្លេសនាំចូលមកវិញ មានតម្លៃ ៥៤ លានដុល្លារ កើនឡើង ២,១៧%។

លោក ប៉ែន សុវិជាតិ រដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម មានប្រសាសន៍ថា កម្ពុជាបានជំរុញអនុវត្តអនុស្សរណៈនៃការយោគយល់គ្នាស្ដីពីវេទិកាពាណិជ្ជម្ម និងវិនិយោគ ដែលជាកាលនុវត្តភាព ដើម្បីលើកកម្ពស់សេដ្ឋកិច្ច សហប្រតិបត្តិការរវាងភាគីទាំងពីរ។

ការសម្រួលវិធានការដើមកំណើតទំនិញដែលធ្វើឱ្យកម្ពុជានាំចេញទំនិញបានច្រើនមុខទៅអង់គ្លេស បន្តការផ្ដល់អត្រាពន្ធសូន្យ សម្រាប់ទំនិញសម្លៀកបំពាក់ គ្រឿងអេឡិកត្រូនិក និងការលើកទឹកចិត្តអ្នកវិនិយោគអង់គ្លេសមកដាក់ទុននៅកម្ពុជា។

លោកបណ្ឌិត ជ័យ តិច អ្នកស្រាវជ្រាវការអភិវឌ្ឍសង្គម-សេដ្ឋកិច្ច បានបញ្ជាក់ឱ្យដឹងថា ពាណិជ្ជកម្មទ្វេភាគីកម្ពុជា-អង់គ្លេស មានលក្ខណៈល្អប្រសើរនៅឆ្នាំនេះ ដែលយើទទួលបានការអនុគ្រោះពន្ធពីអង់គ្លេស ពិសេសគឺការនាំចេញវិស័យវាយនភណ្ឌ កាត់ដេរ និងគ្រឿងបង្គុំអគ្គិសនី នាំចេញទៅអង់គ្លេសក្នុងអត្រាសូន្យភាគរយ៕

អត្ថបទ៖ ឡេង ដេត