ព័ត៌មានអន្ដរជាតិ

លោកត្រាំ នឹងត្រូវចារក្នុងប្រវត្តិសាស្ត្រ បើគ្រប់គ្រងកោះ Greenland ពិតមែន

បានផុស

៤ ខែ មុន

នៅ

ថ្ងៃអង្គារ ២០ មករា ២០២៦

ដោយ

យោងតាម Reuters កាលពីថ្ងៃទី ១៩ ខែមករា អ្នកនាំពាក្យវិមានក្រឹមឡាំង លោក Dmitry Peskov បានលើកឡើងពីអ្នកជំនាញអន្តរជាតិជាច្រើនដែលធ្វើការអះអាងថា លោក ដូណាល់ ត្រាំ នឹងត្រូវចារក្នុងប្រវត្តិសាស្ត្រ ប្រសិនបើគាត់ដោះស្រាយបញ្ហានៃការបញ្ចូលកោះ Greenland មិនត្រឹមតែប្រវត្តិសាស្ត្រសហរដ្ឋអាមេរិកប៉ុណ្ណោះទេ ប៉ុន្តែថែមទាំងប្រវត្តិសាស្ត្រពិភពលោកផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះជាយ៉ាងណាក៏ដោយ លោក Peskov បានសង្កត់ធ្ងន់ថា លោកកំពុងបង្ហាញការពិត និងការវាយតម្លៃដែលពិបាកបដិសេធ ដោយមិនបានធ្វើអត្ថាធិប្បាយលើថា តើចលនារបស់ប្រធានាធិបតីអាមេរិកត្រឹមត្រូវ ឬខុស ឬថាតើវាអនុលោមតាមបទប្បញ្ញត្តិនៃច្បាប់អន្តរជាតិដែរឬទេ។

នាពេលកន្លងមកនេះ លោក ត្រាំ បានទទូចម្តងហើយម្តងទៀតថា ខ្លួនត្រូវតែគ្រប់គ្រង Greenland ដែលជាកោះស្វយ័តនៃប្រទេសដាណឺម៉ាក ដោយទុកលទ្ធភាពនៃការប្រើប្រាស់កម្លាំងដើម្បីសម្រេចគោលដៅនេះ។ សេតវិមានក៏បាននិយាយផងដែរថា វត្តមានរបស់កងកម្លាំងអឺរ៉ុបនៅលើកោះ មិនបានប៉ះពាល់ដល់ផែនការរបស់អាមេរិកក្នុងការគ្រប់គ្រងកោះនេះទេ។ ក្នុងនោះ ប្រសិនបើអាមេរិកមិនគ្រប់គ្រង Greenland ទេ នោះរុស្ស៊ី ឬចិន នឹងធ្វើវាមិនខាន។

យ៉ាងណា ជាការឆ្លើយតបទៅនឹងការអះអាងរបស់លោកត្រាំ អ្នកនាំពាក្យវិមានក្រឹមឡាំងបានតវិញថា ដោយសារតែនាពេលថ្មីៗនេះមានព័ត៌មានគួរឲ្យព្រួយបារម្ភជាច្រើន។ ប៉ុន្តែវិមានក្រឹមឡាំងនឹងមិនធ្វើអត្ថាធិប្បាយលើការចោទប្រកាន់ប្រឆាំងនឹងរុស្ស៊ីទាក់ទងនឹងកោះ Greenland ទេ។

ប៉ុន្តែ ក្រសួងការបរទេសរុស្ស៊ីកាលពីសប្តាហ៍មុនបាននិយាយថា វាមិនអាចទទួលយកបានទេសម្រាប់លោកខាងលិចក្នុងការអះអាងដែលថា រុស្ស៊ី និងចិនបានគំរាមកំហែង Greenland វិបត្តិលើទឹកដីនេះបានបង្ហាញពីស្តង់ដារពីររបស់មហាអំណាចលោកខាងលិច ដែលអះអាងថា មានឧត្តមភាពខាងសីលធម៌។

យ៉ាងណាមិញ ដោយសារតែបញ្ហា Greenland ប្រធានាធិបតីត្រាំ បានគំរាមដាក់ពន្ធ ១០% លើការនាំចូលទាំងអស់ពីប្រទេសដាណឺម៉ាក ន័រវេស ស៊ុយអែត បារាំង អាល្លឺម៉ង់ ចក្រភពអង់គ្លេស ហូឡង់ និងហ្វាំងឡង់។ ពន្ធនេះចូលជាធរមាននៅថ្ងៃទី ១ ខែកុម្ភៈ ហើយនឹងកើនឡើងដល់ ២៥% នៅដើមខែមិថុនា។ លោកថា វិធានការនេះនឹងនៅតែមានសុពលភាពរហូតដល់អាមេរិកសម្រេចបានកិច្ចព្រមព្រៀងមួយដើម្បីទទួលយកកោះបានទាំងស្រុង និងពេញលេញ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖