នគរបាលខេត្តពោធិ៍សាត់ បញ្ជូនជនបរទេសឆ្លង​ដែនខុសច្បាប់៧៨នាក់ទៅអគ្គនាយកដ្ឋានអន្តោប្រវេសន៍ដើម្បីអនុវត្តនិតិវិធីច្បាប់

កម្លាំងនគរបាលទទួលផែនអន្តោប្រវេសន៍នៃស្នងការដ្ឋាននគរបាលខេត្តពោធិ៍សាត់ កាលពីថ្ងៃទី២៧ ខែមករា ឆ្នាំ២០២៦ បានបញ្ជូនខ្លួនជនបរទេសចំនួន៧៨នាក់ទៅកាន់អគ្គនាយកដ្ឋានអន្តោប្រវេសន៍ ដើម្បីបន្តនិតិវិធីបញ្ជូនចេញទៅប្រទេសកំណើតវិញ ក្រោយពីលួចឆ្លងដែនដោយខុសច្បាប់ចូលមកកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមកម្លាំងជំនាញ ជនបរទេសទាំង៧៨នាក់ដែលត្រូវឃាត់ខ្លួន និងបញ្ជូនទៅអនុវត្តនិតិវិធីច្បាប់នេះ មានជនជាតិចិនចំនួន ៦២នាក់ ជនជាតិមីយ៉ាន់ម៉ា ៩នាក់ និងថៃ ៧នាក់។

ស្នងការដ្ឋាននគរបាលខេត្តពោធិ៍សាត់ បញ្ជាក់ថា ជនបរទេសទាំងនេះត្រូវបានកម្លាំងចម្រុះនៃស្នងការដ្ឋាននគរបាលខេត្ត ឃាត់ខ្លួនជាបន្តបន្ទាប់ នៅពេលកម្លាំងល្បាតនៅក្នុងភូមិសាស្ត្រ ដើម្បីបង្ការបង្ក្រាប និងត្រួតពិនិត្យរាល់ការធ្វើដំណើរដោយមានការសង្ស័យដឹកជនបរទេសដែលឆ្លងដែនដោយខុសច្បាប់ ការជួញដូរមនុស្សដែលមានគោលដៅដឹកពីកន្លែងមួយទៅកន្លែងមួយ និងជនបរទេសដែលប្រព្រឹត្តបទល្មើស Online Scam ។ ជាលទ្ធផលក្នុងរយៈពេលក្រោយមកនេះ បទល្មើសផ្សេងៗ នៅក្នុងភូមិសាស្ត្រនៃខេត្តពោធិ៍សាត់មានការថយចុះគួរឱ្យគត់សម្គាល់ និងទទួលបានការសាទរពីប្រជាពលរដ្ឋក្នុងមូលដ្ឋាន។

ស្នងការដ្ឋាននគរបាលខេត្តពោធិ៍សាត់ ក៏សូមឲ្យប្រជាពលរដ្ឋដែលរស់នៅក្នុងមូលដ្ឋានខេត្តពោធិ៍សាត់ ឬឆ្លងកាត់ខេត្តពោធិ៍សាត់ ចូលរួមសហការ ជាសមត្ថកិច្ចដើម្បីរាយការណ៍រាល់ពេលដែលប្រទះឃើញបទល្មើសជាក់ស្ដែង ឬសង្ស័យថា ជាជនបរទេសដែលលួចឆ្លងដែនខុសច្បាប់ តាមរយៈវេនប្រចាំបញ្ជាប្រចាំថ្ងៃដែលស្នងការដ្ឋាននគរបាលខេត្តពោធិ៍សាត់បានផ្សព្វផ្សាយជារៀងរាល់ថ្ងៃ៕