កីឡា

ក្លឹបបាល់ទះអកសមុទ្រ ដឹងថាខ្លួនតូច ប៉ុន្តែចិត្តធំមិនខ្លាចក្នុងការចូលរួមប្រកួតពានរង្វាន់សម្ដេច ក្រឡាហោម

បានផុស

៥ ខែ មុន

នៅ

ថ្ងៃសុក្រ ៣០ មករា ២០២៦

ដោយ

ក្លឹបបាល់ទះអកសមុទ្រ ដែលប្រជុំដោយកីឡាករ កីឡាការិនី ជាយុវជន និងនិស្សិត ទោះដឹងថាក្លឹបរបស់ខ្លួនតូចមិនមានកីឡាករអាជីពៗក្ដី ប៉ុន្តែមានចិត្តធំមិនខ្លាចញញើតក្នុងការចូលរួមប្រកួតប្រជែងក្នុងពានរង្វាន់សម្ដេច ក្រឡាហោម នៅថ្ងៃទី៧ ខែកម្ភៈ ឆ្នាំ២០២៦ នេះហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពលើផេកក្លឹបអកសមុទ្រ

លោក ម៉ៅ សុផាន់ណៃ ម្ចាស់ក្លឹបបាល់ទះអកសមុទ្របានឲ្យដឹងថា ការចូលរួមប្រកួតប្រជែងក្នុងពានរង្វាន់ សម្ដេច ក្រឡាហោម ឆ្នាំនេះជាលើកទី២ ហើយសម្រាប់ក្រុមបុរស និងជាលើកទី១ សម្រាប់ក្រុមនារីរបស់លោក។ ក្លឹបប្រើប្រាស់កីឡាករ កីឡាការិនីរបស់អកសមុទ្រសុទ្ធតែម្ដងដែលជាយុជន និងជានិស្សិត អ្នកធ្វើការងារផ្សេងៗ ពោលមិនមានខ្ចីជើង ឬទិញកីឡាករបរទេសពីណាមកជួយនោះឡើយ។

ម្ចាស់ក្លឹបខាលើបន្តទៀតថា បើនិយាយពីការហ្វឹកហាត់វិញគឺធ្វើឡើងជារៀងរហូតមកហើយ ប៉ុន្តែមិនជាប់លាប់ដូចក្លឹបដទៃ។ បើទោះជាដឹងថាការប្រកួតនេះប្រជុំដោយក្លឹបធំៗ ជួបស្មាត់ល្អៗយ៉ាងណាក្ដី ប៉ុន្តែក្រុមអបសមុទ្រមិនខ្លាចញញើតអ្វីនោះឡើយ ពោលស្មារតី នៃការចង់ប្រកួតម្នាក់ៗរង់ចាំតែពេលវេលាមកដល់ប៉ុណ្ណោះ។

រូបភាពលើផេកក្លឹបអកសមុទ្រ

ការចូលរួមនេះមានសារសំខាន់ចំពោះក្រុមអកសមុទ្រគឺបានលើកទឹកចិត្តដល់យុវជន សិស្សនិស្សិត និងអ្នកធ្វើការងារផ្សេងៗបានលេងកីឡាពីពេលទំនេរ បានជំរុញឲ្យគ្រប់គ្នាមានភាពក្លាហាន និងមានមោទកភាពចំពោះការបង្ហាញខ្លួនក្នុងពានរង្វាន់ធំមួយនេះ និងបំពេញក្ដីសុខរបស់ខ្លួនម្នាក់ៗដោយចាត់ទុកជាការប្រកួតបង្កើតភាពសប្បាយរីករាយ និងមិនគិតពីលទ្ធផល។

រូបភាពលើផេកក្លឹបអកសមុទ្រ

បញ្ជាក់ដែរថា ពានរង្វាន់សម្ដេច ក្រឡាហោម លើកទី៤ ឆ្នាំ២០២៦ នេះនឹងចាប់ដំណើរការប្រកួតជាផ្លូវនៅថ្ងៃទី៧ ខែកុម្ភៈ ដល់ថ្ងៃទី១ ខែមីនា នៅវិមានពហុកីឡដ្ឋានជាតិ។ ក្រុមចូលរួមប្រកួតប្រជែងមានសរុប ៣២ក្រុមបែងចែកជា ៨ពូល។ សម្រាប់ក្លឹបបាល់ទះអបសមុទ្រគឺស្ថិតនៅក្នុងពូល D ជាមួយក្រុម បញ្ជាការដ្ឋានអង្គរក្ស A ស្នងការ ន ប ពោធិសាតិ៍ ស្នងការ ន ប ខេត្តកណ្ដាល៕

អត្ថបទដោយ៖ នួន ស៊ីណា