កីឡា

ពានស្វាយរៀងខាប់អាយុ ១៥ ឆ្នាំ លើកទី២ ឈានដល់វគ្គផ្តាច់ព្រ័ត្រ ថ្ងៃសៅរ៍នេះ

បានផុស

៥ ខែ មុន

នៅ

ថ្ងៃចន្ទ ៩ កុម្ភៈ ២០២៦

ដោយ

ការប្រកួតកីឡាបាល់ទាត់ ពានរង្វាន់ ស្វាយរៀងខាប់ យុវជនអាយុ ១៥ឆ្នាំ លើកទី២ ឆ្នាំ២០២៥ បានឈានដល់វគ្គផ្តាច់ព្រ័ត្រ នាចុងសប្តាហ៍នេះហើយ បន្ទាប់ពីបានរង់ចាំពេលវេលាល្អអស់រយៈពេលប្រមាណជាងមួយខែមកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមដែលឈានដល់វគ្គផ្តាច់ព្រ័ត្រដណ្តើមជើងឯក និងក្រុមដណ្តើមចំណាត់ថ្នាក់លេខ ៣ បានរកឃើញតាំងពីខែធ្នូ ឆ្នាំ ២០២៥ ប៉ុន្តែដោយសារពេលវេលាមមាញឹក ទើបត្រូវបានពន្យារពេលដើម្បីរកពេលវេលាល្អសម្រាប់ការប្រកួតថ្ងៃផ្តាច់ព្រ័ត្រ។

ពេលនេះកាលបរិច្ឆេទនៃការប្រកួតត្រូវបានប្រកាសជាផ្លូវការហើយគឺ នៅថ្ងៃសៅរ៍ ទី១៤ ខែកុម្ភៈ ឆ្នាំ ២០២៦ នៅកីឡដ្ឋានខេត្តស្វាយរៀង។ វេលាម៉ោង ២ រសៀល ជាការប្រកួតដណ្តើមយកចំណាត់ថ្នាក់លេខ ៣ រវាង ក្រុមយុវជនសាមគ្គីអាយុ ១៥ ឆ្នាំ ជាមួយក្រុម សាលាបឋមសិក្សាជ្រៃធំអាយុ ១៥ ឆ្នាំ។

នៅវេលាម៉ោង ៤ រសៀល ជាការប្រកួតដណ្តើមជើងឯករវាង ក្រុមព្រះខ័នរាជស្វាយរៀងអាយុ ១៥ ឆ្នាំ ជាមួយ ក្រុមគោព្រៃជ្រៃធំអាយុ១៥ឆ្នាំ។

មុនឈានដល់វគ្គផ្តាច់ព្រ័ត្រ ក្រុមគោព្រៃភូមិស្វាយធំ បានយកឈ្នះលើក្រុម យុវជនសាមគ្គី ក្នុងលទ្ធផល ២-១ ក្នុងវគ្គពាក់កណ្តាលផ្តាច់ព្រ័ត្រ កាលពីថ្ងៃទី២០ ខែធ្នូ ឆ្នាំ ២០២៥។

ចំណែក ក្រុមព្រះខ័នរាជស្វាយរៀង អាយុក្រោម ១៥ ឆ្នាំ បានយកឈ្នះលើក្រុម សាលាបឋមសិក្សាជ្រៃធំ ក្នុងលទ្ធផលយ៉ាងចាស់ដៃ ៦-០ ក្នុងវគ្គពាក់កណ្តាលផ្តាច់ព្រ័ត្រ កាលពីថ្ងៃទី២១ ខែធ្នូ ឆ្នាំ ២០២៥។

ដូច្នេះក្រុមឈ្នះ ប៉ះ ក្រុមឈ្នះ ដើម្បីដណ្តើមជើងឯក ខណៈក្រុមចាញ់ ប៉ះ ក្រុមចាញ់ ដើម្បីដណ្តើមចំណាត់ថ្នាក់លេខ ៣៕