Neymar គ្មានឈ្មោះក្នុងកីឡាករ ១១ នាក់ត្រូវបានធានាដោយលោក Ancelotti នៅ World Cup

គ្រូបង្វឹកក្រុមជម្រើសជាតិ ប្រេស៊ីល លោក Carlo Ancelotti បានបញ្ចេញបញ្ជីឈ្មោះកីឡាករ ១១ នាក់ ដែលត្រូវបានធានានឹងមានឈ្មោះលេងនៅព្រឹត្តិការណ៍បាល់ទាត់ជើងឯកពិភពលោក (World Cup 2026) ប្រសិនបើពួកគេគ្មានបញ្ហារបួស ប៉ុន្តែអ្វីដែលភ្ញាក់ផ្អើល គឺគ្មានឈ្មោះ Neymar នោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការចុះផ្សាយដោយអ្នកកាសែត អ៉ីតាលី លោក Fabrizio Romano បានឱ្យដឹង ថា លោក Ancelotti បានកំណត់ឈ្មោះកីឡាករ ១១ នាក់រួចជាស្រេច ដើម្បីលេងនៅ World Cup 2026 ប្រសិនបើពួកគេគ្មានបញ្ហារបួស។ កីឡាករទាំងនោះរួមមានអ្នកចាំទី Allison (Liverpool), Marquinhos (Paris Saint-Germain), Gabriel Magalhães (Arsenal), Casemiro (Manchester United), Bruno Guimaraes (Newcastle United), Vinicius Jr. (Real Madrid), Estevao (Chelsea), Raphinha (Barcelona), Rodrygo (Real Madrid), Matheus Cunha (Man United) និង Gabriel Martinelli (Arsenal)។

តាមរយៈបញ្ជីឈ្មោះខាងលើ ឃើញ ថា សុទ្ធតែជាកីឡាករឆ្នើមៗ ដែលកំពុងឡើងជើងនាពេលបច្ចុប្បន្ន។ ទោះបីជាយ៉ាងណា Neymar ដែលជាតួអង្គដ៏សំខាន់មួយរូប បែជាមិនមានឈ្មោះនោះទេ នោះក៏ដោយសារបច្ចុប្បន្នខ្សែបយុទ្ធក្រុម Santos រូបនេះ ហាក់ធ្លាក់ទម្រង់លេង និងតែងតែមានបញ្ហារបួសញឹកញាប់។

ប្រការនេះ មិនមែនមានន័យ ថា Neymar នឹងគ្មានឈ្មោះលេងនៅ World Cup 2026 នោះទេ ប៉ុន្តែឈ្មោះរបស់គាត់កំពុងស្ថិតក្នុងភាពស្រពិចស្រពិលនៅឡើយ។ ដូច្នេះទាល់តែក្នុងរយៈពេល ពីឥឡូវនេះទៅ រហូតដល់មុន World Cup 2026 មកដល់ អតីតខ្សែប្រយុទ្ធ Barcelona បង្ហាញសមត្ថភាពល្អខ្លាំង ហើយមិនសូវមានបញ្ហារបួស នោះទើបគាត់អាចទទួលបានសេចក្តីទុកចិត្ត ក្នុងការកោះហៅពីលោក Ancelotti៕

ប្រែសម្រួល៖ សេម កុសល
ប្រភព៖ Fabrizio Romano