កីឡាករខ្មែរ ៣ នាក់ឈ្នះខ្សែក្រវាត់គុនខ្មែរពិភព​លោក ខណៈ ឡៅ ចិត្រា ម្នាក់គត់ចាញ់

ការប្រកួតដណ្តើមខ្សែក្រវាត់គុនខ្មែរជើង​ឯក​ពិភព​លោក លើក​ទី​៦ ប្រចាំ​ឆ្នាំ ២០២៥ បានបញ្ចប់​ថ្ងៃ​ទី​១ កាលពីយប់មិញថ្ងៃ អង្គារ៍ ទី ១០ ខែ កុម្ភៈ ឆ្នាំ ២០២៦ ដោយកីឡាករគុនខ្មែរ ៣ នាក់បានទទួលជ័យជម្នះ ខណៈមានតែ ឡៅ ចិត្រា ម្នាក់គត់ បានបរាជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតដណ្តើមខ្សែក្រវាត់គុនខ្មែរជើងឯកពិភពលោកយប់មិញ បានដំណើការ ៤ គូ ក្នុងនោះគូទី ១ កីឡាករ ហាន់ ពី បានយកឈ្នះកីឡាករ ឥណ្ឌូណេស៊ី យេសុន មូសស្តាមូ ដោយផ្តួលឱ្យសន្លប់ទឹកទី ១។ គូទី ២ បឺត សង្ឃឹម ផ្តួលឱ្យកីឡាករ ហ្វីលីពីន ខេវិន ឡាប៉ាខេន សន្លប់ទឹកទី ១។ គូទី ៣ ឈឿង ល្វៃ យកឈ្នះកីឡាករ អាល្លឺម៉ង់ ជេន ដោយពិន្ទុ និងចុងក្រោយកីឡាករ ឡៅ ចិត្រា ចាញ់ពិន្ទុកីឡាករ បារាំង ម៉ីសស៊ី គូប៉ីឡា។

គួរឱ្យដឹង ថា ព្រឹត្តិការណ៍​ប្រកួត​កីឡា​ប្រដាល់​គុន​ខ្មែរ ជើង​ឯក​ពិភព​លោក បានរៀបចំឡើង ៥ លើករួចមកហើយ ខណៈទាំងឆ្នាំ ២០២៦ នេះទៀត គឺជាលើក​ទី​៦។ ព្រឹត្តិការណ៍ទាំងមូល ចាប់​ផ្តើម​ពី​ថ្ងៃ​ទី​១០ ដល់ ថ្ងៃ​ទី​១៣ ខែ​កុម្ភៈ ឆ្នាំ ២០២៦ នៅ​ខេត្ត​ព្រះ​សីហនុ ដោយ​មាន​ការ​ប្រកួត​កម្រិត​មិន​អាជីព កម្រិត​អាជីព​ និង​​​ដណ្តើម​ខ្សែ​ក្រវាត់៕

អត្ថបទ៖ សេម កុសល