កីឡា

សម្តេចតេជោ ហ៊ុន សែន មានប្រសាសន៍ថា អេ ភូថង ជាដើមទុនធំនៅក្នុងគុនខ្មែរ

បានផុស

៣ ខែ មុន

នៅ

ថ្ងៃសៅរ៍ ២៨ កុម្ភៈ ២០២៦

ដោយ

សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជាបានចាត់ទុកលោក អេ ភូថង ជាដើមទុនដ៏ធំនៅក្នុងកីឡាប្រដាល់គុនខ្មែរនាប៉ុន្មានទសវត្សរ៍ចុងក្រោយ។

សម្តេចតេជោ ហ៊ុន សែន ក្នុងពិធីបិទកីឡាជាតិ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចតេជោមានប្រសាសន៍ថា ៖«ពុកបានដឹកនាំប្រទេសជាង ៤៧ ឆ្នាំហើយ។ ការរីកចម្រើននៃកីឡាប្រដាល់គុនខ្មែរមានចំណែករបស់ពុកបន្សល់ទុក។ អេ ភូថង ជាដើមទុនធំរបស់កម្ពុជានាពេលនោះដើម្បីកីឡាប្រដាល់ខ្មែរ និងទាញបរទេសមកវាយនៅកម្ពុជា»។

កាលពីថ្ងៃទី២៧ ខែកុម្ភៈ ឆ្នាំ ២០២៦ សម្តេចតេជោ ហ៊ុន សែន បានស្នើឲ្យសហព័ន្ធកីឡាប្រដាល់គុនខ្មែរ លុបចោលជាបណ្តោះអាសន្ននូវការពិន័យរយៈពេល ៦ ខែដែលមិនឲ្យកីឡាករ ម៉ឺន មេឃា និងកីឡាករ អេ អាំម៉ារីនភូថង ឡើងប្រកួត ពីបទមិនគោរពវិន័យ និងបទបញ្ជារបស់អង្គភាព ពីព្រោះកីឡាករទាំងពីរនាក់ជាទាហាននៅមជ្ឈមណ្ឌលកងយោធពលខេមរភូមិន្ទនៃក្រសួងការពារជាតិ។

កីឡាករ អេ អាំម៉ារីន ឈ្នះខ្សែក្រវាត់នៅអូស្ត្រាលី

ទោះជាយ៉ាងណា ការពិន័យនេះ ស្របពេល កីឡាករ ម៉ឺន មេឃា ដែលជាកូនប្រុសរបស់លោក អេ ភូថង កំពុងស្ថិតនៅប្រទេសអង់គ្លេសដើម្បីប្រកួតនៅទីនោះ។ ជាមួយគ្នានេះ កីឡាករ អេ អាំម៉ារីន ក៏មានឈ្មោះប្រកួតនៅថ្ងៃសៅរ៍ ទី២៨ ខែកុម្ភៈនេះ នៅខេត្តរតនគិរី។

នៅរសៀលថ្ងៃទី២៧ ខែកុម្ភៈ ឆ្នាំ ២០២៦ សហព័ន្ធកីឡាប្រដាល់កម្ពុជា បានសេចក្តីប្រកាសជាផ្លូវការពីការលុបចោលការពិន័យលើកីឡាករទាំងពីរនាក់។

កូនលោក អេ ភូថង ពេលឈ្នះខ្សែក្រវាត់មកពីអូស្ត្រាលី

សូមបញ្ជាក់ថា លោក អេ ភូថង បានលះបង់គ្រប់យ៉ាងដើម្បីកីឡាប្រដាល់គុនខ្មែរតាំងពីកុមារភាព។ លោកជាអតីតកីឡាប្រដាល់គុនខ្មែរដ៏ឆ្នើមម្នាក់លើឆាកអន្តរជាតិក្នុងរយៈពេលប្រមាណ ២០ ឆ្នាំ មុនពេលលោកចូលនិវត្តន៍ និងបានក្លាយជាគ្រូបង្ហាត់។ កូនប្រុសរបស់លោក ២ នាក់ និងកូនស្រី១នាក់ក៏បានក្លាយជាអ្នកប្រដាល់ដ៏ល្បីល្បាញ ហើយភរិយារបស់លោកក៏ចូលស៊ុបក្នុងកីឡាប្រដាល់ដែរ៕