កីឡា

ទិវារត់ប្រណាំងអន្តរជាតិពាក់កណ្ដាលម៉ារ៉ាតុងខេត្តព្រះសីហនុ មានអ្នកចុះឈ្មោះចូលរួមខ្ទង់ ២០០០នាក់ហើយ

បានផុស

២ ខែ មុន

នៅ

ថ្ងៃពុធ ៤ មីនា ២០២៦

ដោយ

ទិវារត់ប្រណាំងអន្តរជាតិពាក់កណ្ដាលម៉ារ៉ាតុង ឯខេត្តព្រះសីហនុ លើកទី១១ ថ្ងៃទី២២ ខែមីនា ឆ្នាំ២០២៦ នេះមានអ្នកចុះឈ្មោះចូលរួមប្រហែលខ្ទង់ ២០០០នាក់រួចហើយ ខណៈបរទេសជម្រុះជាតិសាសន៍មានប្រហែល ២០០នាក់ផងដែរត្រៀមនឹងទៅទីនោះ។

លោក វ៉ាត់ ចំរើន អគ្គលេខាធិការ NOCC

លោក វ៉ាត់ ចំរើន អគ្គលេខាធិការ នៃគណៈកម្មាធិការជាតិអូឡាំពិកកម្ពុជា បានលើកឡើងថា ទិវារត់ប្រណាំងនៅឯខេត្តព្រះសីហនុនេះមានអ្នកចុះឈ្មោះចូលរួមប្រហែល ២០០០នាក់មកហើយ។ ដោយក្នុងនោះមានបរទេសជម្រុះជាតិសាសន៍ខ្ទង់ ២០០នាក់ផងដែរ។ លោករំពឹងថាចំនួនអ្នកចូលរួមអាចនឹងកើនឡើងរហូតដល់ ២៥០០នាក់បន្ទាប់ពីមានការផ្សព្វផ្សាយផ្សេងៗទៀតនោះ។

លោក សែម ផល្លា គណៈកម្មការរៀបចំ

អ្នកជំនាញផ្នែកកីឡារូបនេះបន្ថែមទៀតថា ទិវារត់ប្រណាំងអន្តរជាតិនេះរៀបចំឡើងក្នុងគោលបំណងចូលរួមថែរក្សាការពារបរិស្ថាននៅតំបន់ឆ្នេរ។ ចំណែកថវិកាដែលទទួលបានគឺនៅតែយកទៅជួយលើកិច្ចមនុស្សធម៌ និងជាការបង្កើតនូវព្រឹត្តិការណ៍កីឡាលើកកម្ពស់សុខុមាលភាពធារណៈផងដែរ។

ទិដ្ឋភាពសន្និសីទសារព័ត៌មាន

បញ្ជាក់ផងដែរថា ទិវារត់ប្រណាំងអន្តរជាតិពាក់កណ្ដាលម៉ារ៉ាតុងនេះនឹងធ្វើឡើងនៅឯខេត្តព្រះសីហនុ ថ្ងៃទី២២ ខែមីនា ឆ្នាំ២០២៦។ គណៈកម្មការរៀបចំនៅតែទទួលការចុះឈ្មោះចូលរួមពីសាធារណៈជនដែលមានបំណងចង់ទៅរត់លេងកម្សាន្តក្នុងកម្មវិធីខាងលើនេះ។ អ្នកចង់ចុះឈ្មោះអាចទំនាក់ទំនងទៅកាន់ហ្វេសបុក ឬវេបសាយ Cambodia Events Organizer (015 213 525 / 069 213 525 / 077 213 525)/(Telegram: +85515213525 or https://t.me/CambodiaMarathon)៕