ព័ត៌មានអន្ដរជាតិ
សមាជិកណាតូឯកភាពគ្នាបន្តជួយអ៊ុយក្រែន ទោះបីជម្លោះនៅមជ្ឈិមបូព៌ាកំពុងរីករាលដាល
អគ្គលេខាធិការអង្គការណាតូ លោក ម៉ាក រូតតេ (Mark Rutte) លើកឡើងថា សមាជិកសម្ព័ន្ធមិត្តទាំងអស់បានឯកភាពគ្នាស្វែងរកមធ្យោបាយដើម្បីបន្តគាំទ្រអ៊ុយក្រែនក្នុងសង្គ្រាមប្រឆាំងនឹងរុស្ស៊ី ទោះបីជាជម្លោះនៅមជ្ឈិមបូព៌ាកំពុងរីករាលដាល និងធ្វើឱ្យប្រទេសមួយចំនួនក្នុងតំបន់ស្វែងរកជំនួយពីអឺរ៉ុប ជាពិសេសអាវុធការពារដែនអាកាសក៏ដោយ។
ក្នុងបទសម្ភាសន៍ជាមួយសារព័ត៌មាន Reuters នៅថ្ងៃព្រហស្បតិ៍ ថ្ងៃទី០៥ខែមីនា ឆ្នាំ២០២៦ លោក Mark Rutte និយាយពីលទ្ធភាពផ្តល់ជំនួយរបស់អឺរ៉ុបដែលអាចជួយបាន ដោយសារការគាំទ្រផ្នែកដែនអាកាសសម្រាប់អ៊ុយក្រែនមានកម្រិតរួចហើយ។
លោក Rutte និយាយថា៖ «ឧស្សាហកម្មនឹងត្រូវបង្កើនការផលិតអាវុធបែបនេះ ដូចដែលយើងបានធ្វើក្នុងប៉ុន្មានឆ្នាំថ្មីៗនេះ ជាមួយនឹងគ្រាប់កាំភ្លើងធំ»។
លោកបន្តថា៖ «យើងត្រូវតែបង្កើតឡើងវិញនូវអ្វីដែលយើងកំពុងធ្វើជាមួយគ្រាប់រំសេវ ពេលនិយាយពីអាវុធសំខាន់ៗផ្សេងទៀត»។
ក្នុងរយៈពេលតិចជាងមួយសប្តាហ៍ បន្ទាប់ពីសហរដ្ឋអាមេរិក និងអ៊ីស្រាអែល បានបើកការវាយប្រហារលើអ៊ីរ៉ង់ ជម្លោះនេះឈានដល់ព្រំដែនអឺរ៉ុបដែលធ្ងន់ធ្ងរបំផុត នៅពេលដែលប្រទេសតួកគី ជាសមាជិកណាតូលើកឡើងថា ប្រព័ន្ធការពារដែនអាកាសរបស់សម្ព័ន្ធមិត្តត្រូវដាក់ពង្រាយនៅថ្ងៃពុធ ដើម្បីបំផ្លាញមីស៊ីលផ្លោងរបស់អ៊ីរ៉ង់ អំឡុងបាញ់ចូលទៅក្នុងដែនអាកាសតួកគី។
ដូចគ្នានេះដែរ ដ្រូនផលិតដោយអ៊ីរ៉ង់កាលពីថ្ងៃចន្ទ បានកំណត់គោលដៅមូលដ្ឋានទ័ពអាកាសអង់គ្លេសលើកោះស៊ីប ដែលជាសមាជិកសហភាពអឺរ៉ុប ទោះបីជាមិនមែនជាសមាជិកណាតូក៏ដោយ។
ចក្រភពអង់គ្លេស និងប្រទេសណាតូមួយចំនួនទៀតកំពុងពិភាក្សាពីការបញ្ជូនសម្ភារៈកងទ័ពជើងទឹកទៅការពារប្រទេសស៊ីបនោះ។
លោក រូតតេ បានសន្ទនាជាមួយមេដឹកនាំមកពីអឺរ៉ុប និងកាណាដាក្នុងរយៈពេលប៉ុន្មានថ្ងៃថ្មីៗនេះ លោកលើកឡើងថា៖ «យើងកំពុងមានអារម្មណ៍ និងឮនូវបំណងប្រាថ្នាមួយធ្វើឱ្យប្រាកដថា ក្នុងនាមជាសម្ព័ន្ធមិត្ត យើងតាមដានអ្វីដែលអាមេរិកកំពុងធ្វើនៅមជ្ឈិមបូព៌ា ជាមួយអ៊ីរ៉ង់ […] ហើយក្នុងពេលជាមួយគ្នានេះ ធ្វើឱ្យប្រាកដថាអ៊ុយក្រែនមានអ្វីដែលគេត្រូវការដើម្បីរក្សាភាពរឹងមាំឥឡូវនេះក្នុងការប្រយុទ្ធ ប៉ុន្តែក៏សង្ឃឹមថានឹងឆ្លងកាត់កិច្ចព្រមព្រៀងសន្តិភាពមានភាពរឹងមាំតាមដែលអាចធ្វើទៅបាននៅពេលអនាគត»។
លោកប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី(Volodymyr Zelenskyy) លើកឡើងលើបណ្តាញសង្គម X កាលពីថ្ងៃព្រហស្បតិ៍ថា អ៊ុយក្រែនបានទទួលសំណើជាក់លាក់មួយពីសហរដ្ឋអាមេរិកក្នុងការដោះស្រាយជាមួយដ្រូនរបស់អ៊ីរ៉ង់នៅមជ្ឈិមបូព៌ា។
លោកបន្តថា៖ « ខ្ញុំបានផ្តល់ការណែនាំជាមធ្យោបាយចាំបាច់ និងធានាថាវត្តមានអ្នកជំនាញរបស់អ៊ុយក្រែនអាចធានាសន្តិសុខដែលអាមេរិកត្រូវការបាន»៕
ប្រែសម្រួល៖ ណឺ មិនា
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
សន្តិសុខសង្គម១ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង