សន្តិសុខសង្គម

Update៖ករណីអគ្គិភ័យឆាបឆេះ ហាងលក់ពូកនៅក្រុងសៀមរាមខូចខាតសម្ភារៈទាំងស្រុងនៅគិតជាទឹកប្រាក់ជាង១០មុឺនដុលា្ល

បានផុស

១ ខែ មុន

នៅ

ថ្ងៃសៅរ៍ ១៤ មីនា ២០២៦

ដោយ

ហាងលក់ពូមួយកន្លែងត្រូវបានអគ្គិភ័យឆាបឆេះ ខូចខាតសម្ភារៈខាងក្នុងទាំងស្រុង គិតជាទឹកប្រាក់ខ្ទង់មុឺនដុល្លា បង្កមានការភ្ញាក់ផ្អើលរថយន្តពន្លត់អគ្គិភ័យចេញអន្តរាគមន៍បាញ់ពន្លត់បញ្ជៀសការរាលដាលបន្តដល់ផ្ទះអ្នកក្បែងខាង ក្នុងករណីនេះមិនបណ្ដាលឲ្យមាននរណាម្នាក់រងរបួស រឺ ប៉ះពាល់ដល់អាយុជីវិតនោះទេ។

សូមបញ្ជាក់ថា ហេតុការណ៍អគ្គិភ័យឆាបឆេះហាងលក់ពូកបានកើតឡើងកាលពីថ្ងៃទី១៣ ខែមីនា ឆ្នាំ២០២៦ វេលាម៉ោង០៩និង១៥នាទី ស្ថិតនៅតាមបណ្តោយផ្លូវខ្នារ ក្នុងភូមិខ្នារចាស់ សង្កាត់ជ្រាវ ក្រុងសៀមរាប មុនពេលកើតហេតុ អ្នកជិតខាងបានឃើញមានផ្សែងលាយលំអណ្តាតភ្លើងឆេះចេញមកពីក្នុង ភ្លាមនោះគាត់បានរត់ទៅយកបំពង់ពន្លត់អគ្គិភ័យ មកបាញ់ពន្លត់ តែមិនអាចគ្រប់គ្រងបានដោយសារមានផ្សែងច្រើន លាយលំនឹងអណ្តាតភ្លើងឆាបឆេះសន្ធោសន្ធៅទៅហើយ ភ្លាមៗគាត់ក៏ប្រញាប់រាយការណ៍ជូនសមត្ថកិច្ចជំនាញអគ្គិភ័យ ដើម្បីមកជួយអន្តរាគមន៍អោយទាន់ពេលវេលា ជៀសវាងបង្កការរាលដាលបន្ត។ ដោយមានសេចក្តីរាយការណ៍ពីប្រជាពលរដ្ឋតាមលេខបន្ទាន់១២៩៦ របស់កងរាជអាវុធហត្ថខេត្តថា មានករណីអគ្គិភ័យឆេះហាងលក់ពូកក៏ចេញរថយន្តពន្លត់អគ្គិភ័យអន្តរាគមន៍ភ្លាមៗ។

ម្ចាស់ទីតាំងមានឈ្មោះ យឈ្មោះ នាក់ គារ៉ា ភេទប្រុស អាយុ៤០ឆ្នាំ មុខរបរ លក់ដូរ (លក់ពូក-ខ្នើយ)និងលក់បាយ ស្ថិតនៅភូមិ ខ្នារ សង្កាត់ជ្រាវ ក្រុងសៀមរាប។

ក្នុងរង្វង់ប្រតិបត្តិការនេះសមត្ថកិច្ចជំនាញបានប្រើប្រាស់រថយន្តពន្លត់អគ្គិភ័យរបស់ស្នងការដ្ឋាននគរបាលខេត្តសៀមរាប៣គ្រឿង រថយន្តពន្លត់អគ្គិភ័យផ្សារចាស់១គ្រឿង និងកងរាជអាវុធហត្ថ ទើបគ្រប់គ្រងអោយរលត់ទៅវិញទាំងស្រុងដោយមិនរាលដាលបន្តទៀត។ ករណីអគ្គិភ័យខូចខាតផ្ទះទទឹង១៣ម៉ែត្រ បណ្ដោយ២៥ម៉ែត្រ ដំបូលប្រក់ស័ង្កសី ឆេះអស់ទាំងស្រុង ម៉ូតូ១គ្រឿងម៉ាកឌ្រីមសង់ស៊េរីឆ្នាំ២០១៨ ពូកចំនួន៩០០ និងកម្រាលចំនូន៧០ ម៉ាស៊ីនត្រជាក់២គ្រឿង ប្រាក់រៀល៥០លានរៀល ចង្ក្រានហ្កាស១០ឈុត អង្ករ១០បាវ និងសម្ភារៈប្រើប្រាស់មួយចំនួនទៀត។

ចំពោះមូលហេតុអគ្គិភ័យនេះ គឺបណ្ដាលមកពីទុស្សេចរន្តភ្លើងធ្លាក់ផ្កាភ្លើងមកលើពូក បណ្ដាលឲ្យឆាបឆេះតែម្ដង៕