សន្តិសុខសង្គម

ព្រឹកព្រលឹមថ្ងៃចូលឆ្នាំទី៣ អគ្គិភ័យលេបត្របាក់ផ្ទះពលរដ្ឋ៣ខ្នងនៅខេត្តឧត្ដរមានជ័យ និងបណ្ដាលឲ្យស្ត្រីម្នាក់បាត់បង់ជីវិត

បានផុស

៣ ខែ មុន

នៅ

ថ្ងៃព្រហស្បតិ៍ ១៦ មេសា ២០២៦

ដោយ

ករណីគ្រោះអគ្គិភ័យមួយបានកើតឡើងនៅវេលាម៉ោង៤និង៣០នាទីទាបភ្លឺ ថ្ងៃទី១៦មេសានេះ ដែលជាថ្ងៃទី៣នៃពិធីបុណ្យចូលឆ្នាំថ្មី បណ្ដាលឆេះខូចខាតផ្ទះប្រជាពលរដ្ឋចំនួន៣ខ្នង និងបណ្ដាលឲ្យស្ត្រីវ័យ៤៥ឆ្នាំម្នាក់បាត់បង់ជីវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរបាយការណ៍របស់នាយកដ្ឋាននគរបាលបង្ការពន្លត់អគ្គិភ័យ និងសង្គ្រោះនៃអគ្គស្នងការដ្ឋាននគរបាលជាតិ បានឲ្យដឹងថា ករណីអគ្គិភ័យនេះបានកើតឡើងនៅភូមិ អូរជញ្ជៀន ឃុំអន្លង់វែង ស្រុកអន្លង់វែង ខេត្តឧត្ដរមានជ័យ។ ស្ត្រីរងគ្រោះក្នុងហេតុការណ៍នេះមានឈ្មោះ កាវ ស៊ូហេង ភេទស្រី អាយុ៤៥ឆ្នាំ។

តាមរបាយការណ៍ ផ្ទះដែលរងការឆាបឆេះនេះមាន ទី១ជារបស់ឈ្មោះ កាវ លីឃុន ភេទប្រុស អាយុ៧២ឆ្នាំ និងប្រពន្ធឈ្មោះ គីម ញ៉រ អាយុ ៧០ឆ្នាំ ផ្ទះទំហំ ១៦មែត្រ គុណ ៨០មែត្រ សាងសង់ថ្មប្រក់ក្បឿង ខូចខាតមួយ និងសម្ភារប្រើប្រាស់ចំនួន។ ម្ចាស់ផ្ទះទី២ ឈ្មោះ សុន ចាន់កា ភេទប្រុស អាយុ៣៥ឆ្នាំ ប្រពន្ធឈ្មោះ ហ៊ួ គឹមហ័រ អាយុ ២៨ឆ្នាំ ផ្ទះទំហំ ៧មែត្រ គុណ ៨០មែត្រ សាងសង់ពី ឈើលើ ថ្មក្រោម ដំបូលប្រក់ក្បឿង លាយស័ង្កសី ខូចខាតទាំងស្រុង និងសម្ភារប្រើប្រាស់មួយចំនួនធំ។ ម្ចាស់ផ្ទះទី៣ ឈ្មោះ យន់ សារឹម ភេទប្រុស អាយុ៥៥ឆ្នាំ ប្រពន្ធឈ្មោះ ញ៉ែម ណារស់ អាយុ ៤៨ឆ្នាំ ផ្ទះទំហំ ៨មែត្រ គុណ ៨០មែត្រ សាងសង់ពីឈើលើថ្មក្រោម ដំបូលប្រក់ក្បឿងលាយស័ង្កសី។

ក្នុងប្រតិបត្តិការអន្តរាគមន៍ កម្លាំងជំនាញបង្ការពន្លត់អគ្គិភ័យរបស់ស្នងការដ្ឋានខេត្ត បានចេញរថយន្ដពន្លត់អគ្គិភ័យចំនួន៤ គ្រឿង ចុះទៅកន្លែងកើតហេតុ និងបានប្រើប្រាស់ទឹកអស់ចំនួន ១៨រថយន្ត និងរឺម៉កដឹកទឹកចំនួន ៥គ្រឿង ទើបពន្លត់ឱ្យរលត់ទាំងស្រុង នៅម៉ោង ០៧:៤០ នាទីព្រឹក នាថ្ងៃ ខែ ឆ្នាំដដែល។ ចំពោះមូលហេតុ កម្លាំងជំនាញបញ្ជាក់ថា បណ្តាលមកពីឆ្លងចរន្ដក្នុងផ្ទះទី១៕