ព័ត៌មានអន្ដរជាតិ
ចិនជំរុញឱ្យអ៊ីរ៉ង់ទទួលយកជម្រើសចរចាជាមួយអាមេរិក ជាជាងការប្រយុទ្ធ តែអ៊ីរ៉ង់មិនទាន់ព្រម
អ្នកការទូតកំពូលរបស់ប្រទេសចិន លោក វ៉ាង យី ( Wang Yi) ជំរុញឱ្យសម្ព័ន្ធមិត្តអ៊ីរ៉ង់ជ្រើសយកការនិយាយគ្នា ល្អជាងការប្រយុទ្ធ បន្ទាប់ពីទីក្រុងតេហេរ៉ង់បដិសេធសំណើររបស់ ប្រធានាធិបតីសហរដ្ឋអាមេរិក លោក ដូណាល់ ត្រាំ ដែលលើកឡើងពីលក្ខខណ្ឌនៃការចរចាបញ្ចប់សង្រ្គាម។ នេះបើតាមការសន្ទនាតាមទូរស័ព្ទរវាង លោក វ៉ាង និងរដ្ឋមន្ត្រីការបរទេសអ៊ីរ៉ង់ លោក Abbas Araghchi នៅថ្ងៃអង្គារ។
យោងតាម CNA ផ្សាយថ្ងៃទី២៤ ខែមីនា សង្គ្រាមរវាងសហរដ្ឋអាមេរិក-អ៊ីស្រាអែល និងអ៊ីរ៉ង់បានរីករាលដាលពាសពេញមជ្ឈិមបូព៌ា និងបណ្តាលឱ្យកកស្ទះថាមពលកាន់តែអាក្រក់ទៅៗក្នុងច្រកសមុទ្រ Hormuz ដែលជាផ្លូវទឹកសម្រាប់ការដឹកជញ្ជូនប្រេងឆៅជាងមួយភាគ៥នៃការផលិតថាមពលពិភពលោក។
ចាប់តាំងពីសង្គ្រាមបានផ្ទុះឡើងជិត១ខែមកនេះ ទីក្រុងប៉េកាំងនៅតែជាដៃគូដ៏សំខាន់របស់អ៊ីរ៉ង់ ប៉ុន្តែមិនមែនមានន័យថាប្រទេសចិនតែងតែគាំទ្រគ្រប់ការសម្រេចចិត្តរបស់ទីក្រុងតេហេរ៉ង់នោះទេ ហើយ ក៏មិនបានបង្ហាញពីការជួយសម្ព័ន្ធមិត្តក្នុងវិស័យយោធានោះដែរ។
ជាក់ស្តែងប្រទេសចិនធ្លាប់បានលើកឡើងថា៖ «ទីក្រុងប៉េកាំងមិនយល់ស្របជាមួយនឹងការវាយប្រហាររបស់ទីក្រុងតេហេរ៉ង់លើបណ្តាប្រទេសក្នុងឈូងសមុទ្រ ដែលមានមូលដ្ឋានទ័ពរបស់អាមេរិកនោះទេ ហើយក៏បានជំរុញឱ្យមានបទឈប់បាញ់ផងដែរ»។
យោងតាមក្រសួងការបរទេសចិន លោក វ៉ាង យី បានប្រាប់ លោក Abbas Araghchi ថា៖ «ទីក្រុងប៉េកាំងសង្ឃឹមថាគ្រប់ភាគីទាំងអស់អាចចាប់យកឱកាស បើកផ្លូវឆ្ពោះទៅរកសន្តិភាព និងចាប់ផ្តើមដំណើរការចរចាសន្តិភាពឱ្យបានលឿនតាមដែលអាចធ្វើទៅបាន»។
ក្នុងសេចក្តីថ្លែងការណ៍មួយ រដ្ឋមន្ត្រីការបរទេសអ៊ីរ៉ង់ លោក Abbas Araghchi ធ្លាប់លើកឡើងថា៖ «នាវាទាំងអស់អាចឆ្លងកាត់ច្រកសមុទ្រ Hormuz ដោយសុវត្ថិភាព លើកលែងតែនាវាជាកម្មសិទ្ធិរបស់ប្រទេសណាដែលកំពុងចូលរួមក្នុងជម្លោះ»។
លោក Araghchi ក៏បានប្រាប់សមភាគិចិន លោក វ៉ាង វិញថា៖ « ភាគីអ៊ីរ៉ង់ប្តេជ្ញាចិត្តក្នុងការសម្រេចបាននូវការបញ្ចប់ជម្លោះដែលសាកសម មិនមែនគ្រាន់តែជាបទឈប់បាញ់បណ្តោះអាសន្ននោះទេ»។
រដ្ឋមន្រ្តីក្រសួងបរទេសអ៊ីរ៉ង់រូបនេះក៏បានថ្លែងអំណរគុណដល់ប្រទេសចិន ចំពោះជំនួយមនុស្សធម៌ក្នុងប្រទេសខ្លួនផងដែរ៕
ប្រែសម្រួល៖ ណឺ មិនា
-
ព័ត៌មានជាតិ៤ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៤ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានអន្ដរជាតិ១ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ៥ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
ព័ត៌មានជាតិ៤ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
សេដ្ឋកិច្ច១ សប្តាហ៍ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម៣ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ៦ ថ្ងៃ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស