កីឡា
មិនធម្មតា! វិសាខា ក្រសោបបានពានយុវជនទាំង ៤ កម្រិតនៅរដូវកាលនេះ
ក្លិបបាល់ទាត់ វិសាខា បានឈ្នះពានរង្វាន់យុវជន ៤ ផ្សេងគ្នានៅរដូវកាលនេះ បន្ទាប់ពីចុងក្រោយពួកគេបានឈ្នះពានយុវជនអាយុ ១៤ ឆ្នាំ កាលពីថ្ងៃទី២៩ ខែមីនា ឆ្នាំ ២០២៦។
ក្រុមហ៊ុនខេមបូឌានព្រីមៀរលីគ (CPL) បានរៀបចំពានរង្វាន់ ៤ ផ្សេងគ្នាដើម្បីជាមូលដ្ឋានគ្រឹះនៃការអភិវឌ្ឍលីគបាល់ទាត់កម្ពុជាឲ្យរីកចម្រើននៅក្នុងរដូវកាល ២០២៥-២៦ និងដើម្បីបំពេញទៅតាមតម្រូវការលក្ខខណ្ឌអាជ្ញាប័ណ្ណក្លិបបាល់ទាត់អាស៊ីសម្រាប់រដូវកាល ២០២៦-២៧។ ពានរង្វាន់ទាំង ៤ ត្រូវបានក្រុមយុវជនរបស់ វិសាខា ប្រមូលយកទាំងអស់ដែលបានក្លាយជាក្លិបតែមួយគត់បានឈ្នះពានរង្វាន់ច្រើនជាងគេក្នុងមួយរដូវកាល។
ទី១. ពានយុវជនអាយុ ១៤ ឆ្នាំ
ពានរង្វាន់យុវជនអាយុ ១៤ ឆ្នាំ ត្រូវបានរៀបចំនៅឆ្នាំ ២០២៦ នេះដោយមានក្រុមចំនួន ១០ បានចូលរួមប្រកួត ហើយប្រកួតសន្សំពិន្ទុក្នុងពូល និងវគ្គខ្វែង។ ទីបំផុត ក្រុមយុវជន វិសាខា អាយុ ១៤ ឆ្នាំ បាន ឈ្នះជើងឯក។
ទី២. លីគយុវជនអាយុ ១៦ ឆ្នាំ
ក្រុមយុវជន វិសាខា អាយុ ១៦ ឆ្នាំ បានឈ្នះលីគយុវជនអាយុ ១៦ ឆ្នាំ រដូវកាល ២០២៥-២៦ ដែលកម្រិតនេះមានក្រុមចំនួន ១០ បានចូលរួមប្រកួត។ នេះជាលើកទី ២ ជាប់គ្នាដែលពួកគេបានឈ្នះលីគយុវជនអាយុ ១៦ ឆ្នាំ បន្ទាប់ពីឈ្នះម្តងកាលពីឆ្នាំ ២០២៤។
ទី៣. លីគយុវជនអាយុ ១៨ ឆ្នាំ
ក្រុម វិសាខា អាយុ ១៨ ឆ្នាំ បានឈ្នះជើងឯកលីគយុវជនអាយុ ១៨ ឆ្នាំ នៅរដូវកាល ២០២៥-២៦ ដែលមានក្រុមចំនួន ១០ ចូលរួមប្រកួត។ នេះជាលើកដំបូងដែលពួកគេបានឈ្នះ ខណៈកាលពីកាលពីឆ្នាំ ២០២៤ ក្រុមយុវជនរបស់ អាយអេសអាយ ដង្កោសែនជ័យ ជាជើងឯក។
ទី៤. លីគអភិវឌ្ឍ
លីគអភិវឌ្ឍ ត្រូវបានរៀបចំជាលើកដំបូងនៅក្នុងរដូវកាល ២០២៥-២៦ ដោយកំណត់ឲ្យក្រុមកម្រិត B ចូលរួមប្រកួត ហើយមានទាំងកីឡាករបរទេស និងកីឡាករកម្រិតយុវជនលាយចូលជាមួយកីឡាករអាជីព ចាប់ពីថ្ងៃទី១៤ ខែកញ្ញា ឆ្នាំ២០២៥ ដល់ថ្ងៃទី២៣ ខែកុម្ភះ ឆ្នាំ២០២៦ ដោយមានក្រុមចំនួន ៦ ចូលរួមប្រកួត។ ទីបំផុត ជើងឯកបានទៅក្រុម វិសាខា កម្រិត B។
អត្ថបទ៖ វិរបុត្រ
-
ព័ត៌មានជាតិ៥ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៣ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ១ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ៦ ថ្ងៃ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានជាតិ៤ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ៦ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានអន្ដរជាតិ៤ ថ្ងៃ agoប្រធានាធិបតីអ៊ីរ៉ង់ ប្រាប់ត្រាំថា គ្មានសិទ្ធិដកហូតនុយក្លេអ៊ែរអ៊ីរ៉ង់ ទេ