កីឡា

ឡាង រាសីកែវ ការឈ្នះវិសាខា និងស្នងការស្វាយរៀង ដូចជាការយល់សុបិននៅពានសម្ដេចក្រឡាហោម

បានផុស

២ ខែ មុន

នៅ

ថ្ងៃព្រហស្បតិ៍ ២ មេសា ២០២៦

ដោយ

ដៃប៉ះសេរបស់ក្រុមបាល់ទះស្នងការ ន.ប រាជធានីភ្នំពេញ ឡាង រីសីកែវ ថាការយកឈ្នះលើក្រុមធំស្នងការខេត្តស្វាយរៀង និងវិសាខា គឺហាក់ដូចជាការយល់សុបិន និងសឹងមិនចង់ជឿចំពោះក្រុមខ្លួនឯងនៅក្នុងពានរង្វាន់សម្ដេច ក្រឡាហោម លើកទី៤ ដែលទើបបញ្ចប់ទៅនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ឡាង រាសីកែវ

កីឡាករ ឡាង រាសីកែវ បានឲ្យដឹងថា រំលឹកទៅជ័យជម្នះលើក្រុមធំៗក្នុងពានរង្វាន់សម្ដេច ក្រឡាហោម លើកទី៤ ថ្មីៗនេះគឺហាក់មិនចង់ជឿង ឬដូចជាការយល់សុបិនអីចឹង។ គ្រប់គ្នាសុទ្ធតែដឹងហើយថាក្រុមវិសាខាជាក្រុមធំ និងស្នងការស្វាយរៀងមានកីឡាករល្អៗពោពេញដោយបទពិសោធទៅទៀត។

កីឡាករ ឡាង រាសីកែវ

ដៃប៉ះសេខាងលើនេះបន្ថែមទៀតថា ក្រោយបញ្ចប់ភ្លាមៗនោះរូបគេហាក់ឆ្ងល់ចំពោះខ្លួនឯង និងក្រុមមិននឹកស្មានថាអាចយកឈ្នះលើស្នងការស្វាយរៀង និងវិសាខា ដោយស្រួលៗបែបនេះនោះទេ។ រូបគេធ្លាប់គិតថាឈ្នះដែរតែបែបតានតឹងជាមិនខាន។ យ៉ាងណាសមិទ្ធផល និងសមត្ថភាពដែលកើនឡើងនេះក៏ដោយសារតែក្រុមស្នងការរាជធានីភ្នំពេញបានហ្វឹកហាត់ដិតដល់ និងមានសន្ទុះកម្លាំងចិត្តកាន់តែខ្លាំងទើបអាចយកឈ្នះលើក្រុមធំៗងាយស្រួលបែបនេះទៅបាន។

ឡាង រាសីកែវ និង HERRERA

បញ្ជាក់ដែរថា ឡាង រាសីកែវ ជាដៃប៉ះសេរបស់ក្រុមបាល់ទះស្នងការ ន.ប រាជធានីភ្នំពេញ។ រូបគេ និងមិត្តរួមក្រុមទើបតែដណ្ដើមបានពានរង្វាន់សម្ដេច ក្រឡាហោម លើកទី៤ ឆ្នាំ២០២៦ ជូនក្លឹបផងដែរ។ អ្នកគាំទ្រក្នុងមជ្ឈដ្ឋានបាល់ទះកាន់តែភ្ញាក់ផ្អើលនោះគឺលទ្ធផលឈ្នះលើក្រុមធំៗមុនលើកពានរបស់ក្រុមស្នងការរាជធានីភ្នំពេញនេះតែម្ដង។ ឈ្នះខាងត្បូងឃ្មុំ ៣-០ វគ្គ១៦ក្រុម ឈ្នះស្វាយរៀង ៣-០ វគ្គ៨កុ្រម ឈ្នះវិសាខា ៣-០ វគ្គពាក់កណ្ដាលផ្ដាច់ព្រ័ត្រ និងឈ្នះកោះកុង ៣-០ វគ្គផ្ដាច់ព្រ័ត្រតែម្ដង។ ៤ប្រកួតចុងក្រោយនេះក្រុមស្នងការបិទមិនឲ្យដៃគូតដៃបាននោះឡើយរហូតលើកពានកាលពីថ្ងៃទី១ ខែមិនា ឆ្នាំ២០២៦ នេះតែម្ដង៕

អត្ថបទដោយ៖ នួន ស៊ីណា

Related Topics:កីឡាបាល់ទះ ក្លឹបបាល់ទះស្នងការ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា