ព័ត៌មានអន្ដរជាតិ

នាយករដ្ឋមន្ត្រីអ៊ីស្រាអែល ទាញគ្រិស្តបរិស័ទឲ្យឈឺចាប់ ក្នុងសង្គ្រាមដែលខ្លួនវាយប្រហារអ៊ិស្លាមយ៉ាងដំណំ

បានផុស

៣ សប្តាហ៍ មុន

នៅ

ថ្ងៃអាទិត្យ ៥ មេសា ២០២៦

ដោយ

នាយករដ្ឋមន្ត្រីអ៊ីស្រាអែល លោក បេចាមីន ណេតានយ៉ាហ៊ូ (Benjamin Netanyahu) នៅថ្ងៃទី៥មេសានេះ បានបង្ហោះសារបង្ហាញពីការធ្វើទុកបុកម្នេញលើសាសនិកគ្រិស្តបរិស័ទក្នុងថ្ងៃបុណ្យឈប់សម្រាករបស់គ្រិស្តបរិស័ទ ដែលហៅថា បុណ្យ «Easter» ខណៈដែលលោកកំពុងដឹកនាំសង្គ្រាមវាយប្រហារយ៉ាងខ្លាំងលើប្រជាជនអ៊ិស្លាមនៅប៉ាឡេស៊ីនិងរបបសាសនាអ៊ិស្លាមនៅអ៊ីរ៉ង់។

នៅក្នុងសារបង្ហោះតាមបណ្តាញសង្គមហ្វេសប៊ុកនាយករដ្ឋមន្ត្រីអ៊ីស្រាអែល លោក ណេតានយ៉ាហ៊ូ បានផ្ញើជាពិសេសដល់មិត្តសាសនិកគ្រិស្តបរិស័ទក្នុងប្រទេសអ៊ីស្រាអែល សហរដ្ឋអាមេរិក និងជុំវិញពិភពលោក ដោយបានបង្ហញថា គ្រិស្តបរិស័ទត្រូវបានគេធ្វើទុក្ខបុកម្នេញនៅទូទាំងមជ្ឈិមបូព៌ា នៅក្នុងប្រទេសស៊ីរី លីបង់ នីហ្សេរីយ៉ា តួកគី និងលើសពីនេះ។

នាយករដ្ឋមន្ត្រីអ៊ីស្រាអែលដែលពិភពលោក មើលឃើញថា លែងស្តាប់ដំណោះស្រាយពហុភាគីនិងដំណោះស្រាយអន្តរជាតិ បានអះអាងថា៖«នៅក្នុងតំបន់របស់យើង មានតែអ៊ីស្រាអែលទេដែលការពារសហគមន៍គ្រិស្តបរិស័ទរបស់យើង ដែលកំពុងកើនឡើង និងរីកចម្រើន»។

នាយករដ្នមន្ត្រី អ៊ីស្រាអែល បន្តថា នៅក្នុងទឹកដីនេះ ដែលរឿងរ៉ាវបានចាប់ផ្តើម នៅពេលដែលមីស៊ីលត្រូវបានបាញ់ទៅលើរដ្ឋធានីរបស់យើង គឺទីក្រុងយេរូសាឡឹមដ៏ពិសិដ្ឋ ហើយនៅពេលដែលសហរដ្ឋអាមេរិក និងអ៊ីស្រាអែលឈរយ៉ាងរឹងមាំប្រឆាំងនឹងរបបអ៊ីរ៉ង់ និងក្រុមភេរវកររបស់ខ្លួន យើងបន្តការពារសេរីភាពនៃការគោរពបូជាសម្រាប់ជំនឿទាំងអស់យ៉ាងខ្ជាប់ខ្ជួន ជាពិសេសនៅពេលវេលាដ៏ពិសិដ្ឋនេះ។

សាររបស់នាយករដ្ឋមន្ត្រីអីស្រាអែល ក៏បានបញ្ជាក់ដែរថា សូម្បីតែស្ថិតនៅក្រោមការវាយប្រហារក៏ដោយ ការប្តេជ្ញាចិត្តរបស់យើងគឺមិនរង្គោះរង្គើឡើយ៖ ដើម្បីការពារជីវិត ការពារសេរីភាព និងធានាថាអ្នកជឿគ្រប់រូបអាចអធិស្ឋានដោយសន្តិភាព។.

ក្នុងជម្លោះដែលកំពុងបន្តជាមួយអ៊ីរ៉ង់ដែលអ៊ីស្រាអែលចោទថា ជាមេក្លោងនៅពីក្រោយក្រុមភេរវករនៅក្នុងប្រទេសជាច្រើន រួមមានស៊ីរី លីបង់ យេម៉ែន និងប្រទេសដទៃទៀត នាយករដ្ឋមន្ត្រីអ៊ីស្រាអែល បានបើកការវាយប្រហារអ៊ីរ៉ង់រួមគ្នាជាមួយសហរដ្ឋអាមេរិក ដោយសម្លាប់មេដឹកនាំសាសនាអ៊ីរ៉ង់ លោក អាយ៉ាតូលា អាលី ខេមមេណៃ (Ayattolah Ali Khemenei) កាលថ្ងៃទី១ខែមីនា និងបណ្តាលឲ្យប្រជាជនអ៊ីស្លាមរាប់លាននាក់រងទុក្ខវេទនានៅទូទាំងមជ្ឈិមបូព៌ា៕

រ៉ាន់ រើយ